Qonunlar hammaga teng boʻlishi va teng qoʻllanilishi zarur. Qolgani raqobat. Xitoylik boʻladimi, Rossiyalik, turk yoki arab, bu yogʻiga global iqtisodiyotda raqobatda turib berishga toʻgʻri keladi.
Taqiq, aloqalarni buzib qoʻyish, xalqaro meʼyorlarni hurmat qilmaslik hozirgi Oʻzbekistonga xos emas. Harakatlarda va pozitsiyada davomiylik, mantiqiy zanjir bor. Eng katta savdo hamkori va investor bilan shunchaki negativga asoslanib aloqa buzilmaydi, aksiga olib bugungi ogʻir xalqaro vaziyatda uning siyosiy qo'llovi biz uchun juda muhim.
Bugun Xitoyliklarga qarshi nimadir qilinsa, ertaga oʻsha mexanizm turk, arab, hind yoki yaponga nisbatan ham ishlashi mumkin. Natijada biror oʻzini hurmat qilgan mamlakat Oʻzbekiston bilan aloqalarga jiddiy qaramay qoʻyadi.
Taqiq emas, qonunni talab qilish yechim. Marhamat qilib, til va reklama toʻgʻrisidagi qonunni hurmat qil, noqonuniy namoyish qilma, soliqlarni hamma qatori toʻla, ekologik talablarga javob ber va ishlashda davom et.
Xitoyliklar bilan raqobat mahalliy bizneslarga oson emas, qiyin boʻladi. Lekin, qachongacha bugun xitoylikdan, erta turkdan, keyin yapondan himoya qilib mahalliy bizneslarni vakuumda oʻstirishda va isteʼmolchini jazolashda davom etamiz?
Millatparvarlik va millatparastlik oʻrtasida chegara juda nozik, millatparvarman deb millatparast boʻlmaylik.
👉@FARGONALIK_SHOPIRLAR