Energiya resurslaridan samarali foydalanish yuzasidan profilaktika tadbiri o‘tkazildi

"O‘zenergoinspeksiya" Toshkent viloyat hududiy boshqarmasi va viloyat prokuraturasi hamkorligida "Energiya resurslaridan noqonuniy foydalanish holatlariga qarshi kurashish sohasi takomillashtirilishi munosabati bilan O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida"gi PF-20 Farmoni bo‘yicha o‘quv seminar o‘tkazildi. Unda viloyatidagi yirik iste’molchilar va tadbirkorlik subyekti vakillari ishtirok etishdi.

Ushbu qaror bilan, yoqilg‘i-energetika resurslarini qazib olish, ishlab chiqarish, qayta ishlash, tashish, saqlash, yetkazib berish bilan shug‘ullanadigan xo‘jalik yurituvchi subyektlarda o‘tkaziladigan tekshirishlar tekshiruv boshlangandan so‘ng 24 soat ichida “Yagona davlat nazorati” axborot tizimida ro‘yxatga olish orqali vakolatli organni xabardor etish tartibida amalga oshirish tartibi tushuntirib berildi.

Tadbir yakunida elektr energiyasi va tabiiy gazdan noqonuniy foydalanayotgan tadbirkorlik subyektlariga nisbatan qat’iy choralar ko’rilishi va ularga bu borada qonunchilikda ko‘rsatib o‘tilgan normativ-huquqiy hujjatlarning mazmun-mohiyati yuzasidan batafsil tushuntirish berildi.

Tadbir yakunida ishtirokchilar o‘zlarida yuzaga kelgan muammolar va normativ-huquqiy hujjatlarda kiritilgan yangi o‘zgartirishlar yuzasidan berilgan savollarga batafsil javoblar olishdi.

Telegram | Facebook | YouTube | Twitter