2025 йилда АҚШ суюлтирилган табиий газ (СТГ) экспортини 15% га ошириб, дунёдаги энг йирик СТГ етказиб берувчи давлат мақомини сақлаб қолишни режалаштирмоқда.

АҚШ Энергетика вазирлиги ҳузуридаги Энергетик маълумотлар бошқармаси (EIA) маълумотларига кўра, 2024 йилда АҚШ СТГ экспорти суткасига ўртача 12 миллиард куб футни (241 минг тонна) ташкил этган. 2025 йилда эса бу кўрсаткични суткасига 14 миллиард куб футга (277 минг тонна) етказиш мумкин бўлади. Бунга Plaquemines LNG ва Corpus Christi LNG Stage 3 лойиҳаларини ишга тушириш орқали эришилади, чунки 2024 йил ноябрь ойида ушбу заводларга ишга тушириш учун рухсат берилган.

Американинг СТГ етказиб бериш ҳажми 2024 йил декабрь ойидан бошлаб ошиб бораётган эди. Бу вақтда Европа Иттифоқи давлатлари ва Туркия Россия газининг Украина орқали Европага транзити тўхташи эҳтимолига тайёргарлик кўраётгани сабабли СТГни фаол сотиб ола бошлади.

2024 йилда АҚШдан экспорт қилинган СТГнинг тахминан 55% Европа Иттифоқи давлатларига, 34% Осиё бозорларига, 11% эса Лотин Америкаси мамлакатларига етказилган. 2025 йилда эса Европа бозорига етказиб бериш ҳажмини янада ошириш кутилаяпти.

👉 @Energetika