Elmurod Kasimov

Hozir Husanovsiz city mag'lubiyatga yuz tutdi degan xabarlar tarqaladi 😁

Juuuuuuud⚽

Brahim Diaz 😤

Futbol koryotganla bormi🔥

📚 KITOB – ENG YAXSHI SOVG‘A! 🎁

Do‘stlar, kitob inson hayotini o‘zgartira oladigan mo‘jizadir. Yaxshi kitob o‘qish – yangi dunyolarni kashf etish, fikrlash doiramizni kengaytirish va ichki dunyomizni boyitish demakdir. Shu sababli sizga o‘zingiz xohlagan kitobni sovg‘a qilish niyatimiz bor! 😊

📖 Nega kitob o‘qish muhim?
- Kitob – bilim manbai. O‘qish orqali siz yangi bilimlarni o‘zlashtirasiz, dunyoqarashingiz kengayadi.
- Tasavvur va ijodkorlikni oshiradi. Kitoblar bizni cheksiz tasavvur olamiga olib kiradi va ijodiy fikrlashni rivojlantiradi.
- Muvaffaqiyat kaliti. Dunyodagi eng muvaffaqiyatli insonlarning barchasi muntazam kitob o‘qishadi. Bill Geyts yiliga o‘rtacha 50 ta kitob o‘qiydi!
- Stressni kamaytiradi. Tadqiqotlarga ko‘ra, kitob o‘qish insonni tinchlantirib, stress darajasini 68% gacha kamaytiradi.
- Nutq va fikrlashni rivojlantiradi. Ko‘proq kitob o‘qigan insonning so‘z boyligi ortadi va fikrlarini aniq ifodalash qobiliyati kuchayadi.

🏆 G‘olib tasodifiy tanlov orqali aniqlanadi va Juma kuni e’lon qilinadi.

Shartlarini Juma kuni aytaman.
Qaysi kitobni sovg'a qilishimizni istaysiz, izohlarda kitob nomini yozing.

📖 Sizning qo‘lingizdagi kitob – bu sizga taqdim etilgan yangi dunyo. Shunday ekan, bu imkoniyatni qo‘ldan boy bermang! Omad tilayman! 🍀📚

24 soat !

Alloh har bir bandasiga 24 soat vaqt beradi. Kimdir bu vaqtda ilm oladi, mehnat qiladi, solih amallar bilan mashg‘ul bo‘ladi.

Yana kimdir esa uni bekorga sovuradi – televizor qarshisida vaqt o‘tkazish yoki foydasiz suhbatlarga ketkazish bilan.

Natija esa oylar, yillar o‘tib yaqqol bilinadi. Bir kishi orzulariga yaqinlashadi, ikkinchisi esa yana bahona izlaydi.

Payg‘ambarimiz ﷺ aytganlar:
"Ikki ne’mat borki, odamlarning ko‘pchiligi uning qadriga yetmaydi: sog‘liq va bo‘sh vaqt." (Buxoriy rivoyati)

Bugun o‘z ustingizda ishlaganingiz - ertangi hayotingizni poydevori hisoblanadi. Hech kimga qo‘shimcha soat berilmaydi. Siz bugun vaqtingizni qanday ishlatsangiz, ertangi taqdiringiz shunday bo‘ladi.

Shunday ekan, har kuni o‘zingizdan so‘rang: Bugun menga berilgan 24 soatdan necha daqiqasi kelajagim yoki oxiratim uchun foydali bo‘ldi? ( Masalan : tungi analiz )

Unutmang, har bir o‘tgan daqiqa qaytmaydi, va har bir daqiqamiz uchun javob beramiz. Vaqtingizni qadrlang, uni oxiratingiz uchun ham, dunyo hayotingiz uchun ham foydali sarflang!


Elmurod Qosimov

Dangasalik !

Dangasalik ota-onangizni, atrofingizdagilarni sizga bo'lgan ishonchlarini o'ldirishga arziydigan narsa emas !

Dangasalik – ko‘pchilik duch keladigan muammo. U bizning rivojlanishimizga, maqsadlarimizga erishishimizga to‘sqinlik qiladi.
Ammo uni yengish mumkin!

Dangasalik sabablari:

- Aniq maqsad yo‘qligi – odam nimani xohlashini bilmasa, harakat qilishni istamaydi.

- Rejasizlik – ishlar tartibsiz bo‘lsa, ularni bajarish qiyinlashadi.

- Mukammallikka intilish – "sharoitim bo'lganida men ham qilardim" degan fikrlar boshlashga to‘sqinlik qiladi.

Dangasalikni yengish usullari:

- Aniq maqsad qo‘ying, natijani ko‘z oldingizga keltiring, lekin natija bilan yashamang jarayondan zavqlaning.

- Reja tuzing – mayda qadamlar bilan ishni boshlash osonroq ya'ni doimiylari muhimroq.

- O‘zingizga 5 soniya ber, shunchaki 5 gacha sana va harakatni boshla.

- Motivatsiya emas, intizom muhim, boshlang, keyin istak paydo bo‘ladi.

- Atrofni to‘g‘ri tanlang, faol insonlar sizni ham harakatga undaydi. Muhit juda muhim ro'l o'ynaydi.

Prefrontal korteks va intizom !

Prefrontal korteks - ongli qarorlar qabul qilish, rejalashtirish va o‘zini boshqarish uchun javobgar bo‘lgan miyamizning old qismi.

Agar u zaif ishlasa, odam dangasalikka beriladi va qisqa muddatli zavqlarga berilib ketadi. Buni mustahkamlash uchun tartib-intizom muhim.

Dofamin va mukofot tizimi !

Intizomni saqlash uchun bizga dofamin gormoni yordam beradi.

Dofamin - bu motivatsiya va zavq gormoni. Agar biror ish natijasida dofamin ajralmasa, uni qilishni istamaymiz. Shuning uchun dangasalik paydo bo‘ladi.

Biroq, kichik qadamlar orqali ish boshlansa, miya mukofot tizimini faollashtiradi va dofamin ishlab chiqarishni boshlaydi. Natijada, ishni davom ettirish osonlashadi.

Dangasalikni yengish - bu miyani to‘g‘ri yo‘naltirish. Katta qadamlar o‘rniga kichik harakatlar qiling, reja tuzing va miyani o‘zingizning foydangizga ishlashga o‘rgating. Bu orqali dangasalik o‘rnini intizom va harakat egallaydi!

Bugundan harakatni boshlang va kelajakda bugungi o‘zingizga rahmat aytasiz!

Elmurod Qosimov

O'zingiz xoxlagan inson ya'ni zamonaviy tilda aytganda idealingizdagi insonga savol berish imkoniyati bo'lganida, savolingiz qanday bo'lardi ?

Izohlarda qoldiring !

Qalbni davolash uchun retsept !

Qalb kasal bo'ladi egasi bilmaydi.
Qalb o'ladi lekin egasi bilmaydi.

Biror joyimiz og'risa bilamiz shifokorga boramiz dorisini olib isteʼmol qilamiz dardimizga davo boʻladi!

Lekin qalbimiz og'risa - chi ?

So'fyoni Savriy huzurlariga bir inson qalbini davolash uchun maslahat so'rab kelganlarida u inson shunday degan edilar :

- Ixlos tomirini oling.
- Sabr barglaridan tashlang.
- Unga tavoze sharbatini quying.
- Bularni hammasini taqvo idishiga joylab.
- Qilingan gunohlardan bo'lgan mahzunlik o'tini yoqing.
- So'ngra uni rostgo'ylik qo'li bilan olib isteg'for idishiga quyingda.
- Xudojo'ylik bilan istemol qiling

Qaysi dorixonada bor bu retseptlar ?

Ilm majlislarida, Allohni zikr qilinadigan davralarda bor bu retseptlar !

Kuningizni reja bilan boshlang !

Agar qilinishi kerak bo'lgan ishlar ro'yhatini qog'ozga yozib qo'ymasangiz, bu ishlar operativ xotiraning chegaralangan va qimmatli joyini band etib yuradi.

Biroq vazifalarni qog'ozga tushirishingiz bilanoq, operativ xotira muammolarni yechish uchun yana bo'shaydi.

Ammo yozganlaringizni doim tekshirib turishingizga ishonchingiz komil bo'lishi kerak.

Chunki bunday ishonch bo'lmasa, vazifa haqidagi fikrlar ong ostingizda yana yuzaga keladi va operativ xotirani yana band eta boshlaydi.

Sharx :

Agar o'ylaganlaringizni qog'ozga yozib miyangizni bo'shatib tursangiz, miyangiz boshqa muammolarni yechish uchun yoki boshqa narsalarni o'ylash uchun yana bo'm-bosh holatga keladi.

Yozganlaringizni amalga oshirganingizni tekshirib turing, yo'qsa bajarmaganligingiz sizni o'ylantirib yana operativ xotirani band qilaveradi.


Elmurod Qosimov

Ushbu videoni ko'rarkanman qanday hissiyot bilan ko'rganimni tasvirlab berolmayman. Etim jimirlab ketti to'g'risi.

Xurshid To'rayevdan ham Alloh rozi boʻlsin shunday masʼuliyatli ishni bo'ynilariga oldilar. Alloh ikki dunyo saodatiga erishtirsin.

Ko'p yozmayman shunchaki videoni ko'ring va xulosa chiqaring !

Oxiratda zaiflarimizdan so'ralamiz, zaiflarimiz tufayli Inshaalloh nusratga erishamiz. Zotan shu zaiflar sababidan rizqlanyapmiz !

Kechadan kamaytirmaslik nuqsondir !

O’zimni ayblarimni boshqalarda ko’rsam jahlim chiqadi. O’zimni esa kechirib yuboraveraman. Nega ularga ham shunday sabrli bo’la olmayman?

Balki o’zimni ayblarim esimdan chiqib qolar. Unda har kuni yozib yurishim kerakdir?

Balki o’z ayblarim o'zimga ko’rinmas. Unda menga oyna, solih do’st kerakdir?

Kahneman aytgandi adashmasam : Boshqalar ayblari o’zimiznikidan o’n barobar ko’p ko’rinadi deb.

Demak ayblari juda ko’p ko’ringan odam, asli xuddi biz kabidir.

Ayblari bizniki kabi ko’ringan odam, asli bizdan yaxshiroqdir.

Ayblari uchun insonlarni yomon ko’rmang. Tuzatishga intilsa...

Aybli bo’lish nuqson emas, kechagidan kamaytirmaslik nuqsondir.

@azizrakhimov_blog

Duo bilan qurilgan kelajak !

Meni judayam taʼsirlantirgan bir hikoya deymizmi maktub deymizmi bilmadim, muhimi o'qib chiqing siz ham nimalardir olasiz.

Bir onaning o'z blogida yangi tugʻilgan farzandi uchun yozganlarini sizlar bilan baham ko'rmoqchiman.

Allohim iymon va islomdan keyin eng birinchi o'rinda turadigan farzand neʼmatini berdi. Alhamdulillah!

O'g'limni vujudimdaligini bilgan kunim Allohim menga qaytadan kuch iroda nasib etdi. 14 yoshimda qanday shijoat bilan maqsadlarim tomon intilsam xuddi shunday ixlos tuydim. Endi meni hayotimda yashashdan maʼno paydo bo'lgandi.

O'zimni ikkinchi marotaba janga kirayotgandek faqat bu safar 23 yoshimda, oldingidan biroz tajribali, bitta yiqilib turgan, nimalarnidir tushunib qolgan, 14 yoshidagi savollarga javob topgan, qalbi vujudiga sig'maydigan bir oshiq singari his qilaman.

O'g'lim !
Siz uchun o'zimni Alloh qodir qilgunicha bor kuch g'ayrat ila isloh qilishga intilaman. Sizni yaxshi insonlar atrofida voyaga yetkazish uchun, tarbiyali inson bo'lishingiz uchun yashash joyimizni ham o'zgartirdik.
Zotan bu dunyoda atrofingizda kimlar bo'lishi katta ahamiyatga ega.

Sizni kelajakda meni boqishingiz uchun , kelinni xizmatini ko'rishingiz uchun ko'tarib yurmadim.

Umidlarim katta. Vaqti kelib Allohim o'zingizga tushunib yetishni nasib etsin.

Siz uchun duo qilishni hali paydo bo'lmaganingizdan oldin boshlaganman. Allohim nasib etsa umrimni oxirigacha duoda bo'laman. Zotan siz uchun qila oladigan eng yaxshi ishim shudir !

Yuqoridagi gaplarni yozgan asl insonni tanimayman. Men bularni ustoz Temurbek Adhamovdan eshitdim !