Doniyor Nasriddinov

Sizni kutayotgan versiya bor

O‘zingizga va’da bergandingiz.
“Endi boshqacha bo‘laman,” degandingiz.
Bir necha kun chidadingiz ham.

Lekin keyin...
Biroz kech uyg‘onildi.
Reja yozilmadi. Kitob ochilmadi.
Telefon yana eski do‘stga aylandi.

O‘zingizni ayblamang.
Urinmasdan avval to‘xtasangiz, bundan ham yomon bo‘lardi.
Sizning yutug‘ingiz — hech bo‘lmaganda boshlagansiz.

Foydali odatlar qanday buziladi, bilasizmi?
Odam ularni birdan tark etmaydi.
Shunchaki “bir kunga” to‘xtaydi.
Keyin yana bir kun.
Va o‘zi sezmasdan, yana eski joyiga qaytadi.

Sizning eski versiyangiz orqaga tortmoqda.
Yangi versiyangiz esa jim turib kutyapti.
Siz qaysi tomonga yurmoqchisiz?

@Doniyor_Nasriddinov

Ish ko‘p, vaqt yo‘q.
Lekin oxirida hech narsa bitmagan.

Ko‘rinishi tanishmi?
Bu - zamonaviy “barakasiz vaqt” alomati.

Vaqt oz emas.
E’tibor tarqoq. Diqqat bir joyga jamlanmagan.
Kun davomida nima qilganimizni o‘zimiz ham aniq eslolmaymiz.

Har safar telefonga qaraganimizda, miyamiz boshqa mavzuga o‘tadi.
Natijada birorta ishga to‘liq sho‘ng‘iy olmaymiz.
Qilgan ishlar ko‘p — lekin hech biri bizni ichimizdan xotirjam qilmaydi.

Tadqiqotlar shuni ko‘rsatadi:
kun davomida ko‘p chalg‘ish (masalan: xabar, tarmoq, videolar) — ish unumdorligini 40% gacha pasaytiradi.

Shuning uchun vaqt kam emas — barakasiz tuyuladi.

Bugun bitta ishni e’tibor bilan bajaring.
Signalga emas, ichki sokinlikka quloq tuting.

Baraka — soniyada emas, ongli harakatda yashiringan.

@Doniyor_Nasriddinov

Bugun ta’lim sohasida yana bir katta loyiha taqdimoti bo‘ladi.
Do‘stimiz Jahongir Pulatov boshlayotgan bu loyiha haqida eshitgandirsiz.

Ko‘pchilikning e’tiborini tortgan bu sirli tashabbus nima ekanligini bilaman), ammo tafsilotlarini birga ko‘ramiz

Soat 20:00 da YouTubeda.

Millat uchun ko’p foyda keltiradigan loyihalardan bo’lsin!

@Doniyor_Nasriddinov

⚡️ 3-hafta ham ortda qoldi

Endi faqat sabr emas, o‘zgarishlar ham sezilyapti.
Kimdir avval faqat orzu qilgan intizomni his qilyapti.
Kimdir vaqtning qadrini, sukunatning qiymatini tushunib boryapti.
Va yana kimdir o‘zining asl kuchini endi seza boshlayapti.

Lekin bu ichki sayohatning faqat boshlanishi.

Shuning uchun sizdan so‘raymiz:
Bu 3 hafta ichida sizda nimalar o‘zgardi?
Siz o‘zingizni qanday his qilyapsiz?
Qanday odatlar sizni tark etdi, qanday yangilari kirib keldi?

👉 Shu haqda biz bilan bo‘lishishingiz uchun quyidagi qisqa so'rovnomada ishtirok etishingizni so'raymiz!

🔗 So‘rovnoma havolasi: https://forms.gle/XckShAAsBtqM8fXi9

3 daqiqa vaqt — 21 kunlik sayohatni bir zumda tahlil qilish uchun yetarli.

📌 Unutmang: anglash – eng kuchli o‘zgarishlarning kalitidir!

P.S. Bugungi kun natijalarini shu post ostida qoldiring!

@Doniyor_Nasriddinov

Hamma narsaga ulanganmiz. O‘zimizdan boshqa.

Bugun ko‘pchilik hamma narsadan xabardor.
Yangiliklar. Fikrlar. Komiklar. Podcastlar.
Lekin o‘z ichidan butkul uzilgan.

Miya tinimsiz axborotni qayta ishlaydi.
Lekin bu axborotdan hech narsa qolmaydi.
Chunki hech bir fikrga chuqur kira olmaydi.

Tadqiqotlar shuni ko‘rsatadi:
inson miyasi fokusda uzoq ushlanmaydigan bo‘lsa, u o‘rganishga qodir bo‘lmay qoladi.
Bu o‘z navbatida stressni oshiradi, fikrlashni tarqoq qiladi, diqqatni yemiradi.

Chalg‘ituvchilar bilan emas, o‘zingiz bilan ko’proq bog’laning.

@Doniyor_Nasriddinov

Doimiy bandlik — diqqatni yemiradigan eng sokin dushman.

Ko‘pchilik shunday yashaydi:
Tik turib telefonga qaraydi.
Yurib ketayotib audio eshitadi.
Sukutda o‘tirgudek bo‘lsa — YouTube, telegram, instagram ochadi.

Miyaga hech qachon dam berilmaydi.
Shuning uchun u doim charchagan, lekin nimadan — o‘zi ham bilmaydi.

Tadqiqotlar ko‘rsatadi:
muntazam ravishda kuniga 20-30 daqiqa hech narsa qilmasdan o‘tirish — diqqatni oshiradi,
emotsional boshqaruvni yaxshilaydi,
ijodiy g‘oyalar oqimini tiklaydi.

Ushbu haftada aynan shuni mashq qilamiz.
20 daqiqa.
Telefon yo‘q. Ovoz yo‘q.
Faqat o‘zingiz va fikrlaringiz.

O‘zingizni noqulay his qilsangiz — bu yaxshi belgidir.
Demak, miyangiz nihoyat jimlikni sezdi.

❓Siz oxirgi marta qachon hech narsa qilmasdan, jimgina o‘tirgansiz?

@Doniyor_Nasriddinov

Hech narsa qilmaslik — miyani tiklaydigan eng oddiy mashq.

Zerikish bizga noto‘g‘ri tanishtirilgan.
“Bo‘sh o‘tirma”, “band bo‘l, foydali ish qil” degan gaplar ongimizga o‘rnashib qolgan.
Aslida esa, zerikish — miyani tiklovchi, diqqatni qayta yuklovchi tabiiy vosita.

Ilmiy tadqiqotlar tasdiqlaydi:
miyada ijodkorlik va diqqat faollashuvi ko‘pincha aynan hech narsa qilmayotgan paytda yuz beradi.

Lekin biz zerikolmaymiz.
Chunki har bo‘sh daqiqa — telefon.
Har tanaffus — scroll.
Har yolg‘izlik — signal izlash.

Shuning uchun zerikish endi jasorat talab qiladi.
20 daqiqa jim o‘tirish.
Telefonni boshqa xonada qoldirish.
Faqat o‘zingiz bilan qolish.

O‘zingiz bilan qoling.
Bo‘sh vaqtdan qo‘rqmang — u sizni yangilaydi.

@Doniyor_Nasriddinov

📌 Suhbat boshlanishiga 1 soat vaqt qoldi!

Siz suhbatga tayyormisiz? 😊

✅ 7.4-hafta: Foydali zerikish

"Bo'sh vaqt — ong uchun nafas"

Ko‘pchilik doimiy bandlikni hayotiy yutuqdek ko'radi. Aslida esa, vaqt-vaqti bilan ongli zerikish fikrlarimizni tozalab, ijod va tafakkur eshiklarini ochadi.

Zerikishni o‘rgangan inson o‘z ruhiy kuchini va diqqatini boshqarishni o‘rgangan insonga aylanadi.

📌 Yangi hafta topshiriqlari:

1. Har kuni kamida 20 daqiqa mobaynida shunchaki o'zingiz va fikrlaringiz bilan yolg'iz qoling. Zeriking.

2. Yanada muhimrogʻi, telefondan har safar ongli ravishda foydalanayotganingizga diqqat qiling hamda kun davomida necha marta ongli ravishda foydalanganingizni hisoblab, ulashib boring!

Unutmang! Oʻzingizda "mindfulness" - onglilikni rivojlantirmaguningizcha hech bir qaramlikdan qutula olmaysiz!

P.S. Avvalgi shartlar o'z holicha davom etadi:

1. Ertalab yoki kechqurun 10–20 daqiqalik yengil yurish yoki yugurish qiling!
2. Yaqin bog‘, hovli, yoki tabiatli joyga chiqing va kamida 5 daqiqa shunchaki yurib, kuzating!
3. 22:00-08:00 oralig'ida barcha ijtimoiy tarmoqlarni bloklang!
4. Uxlashdan avval kitob o‘qing! (hatto 1–5 bet bo‘lsa ham)
5. Har tongda kunlik rejangizni yozing!
6. Ongli nazoratni davom ettiring!
7. Izohlarda Screen time (umumiy ekran vaqti) va kunlik hissiyotlaringizni ulashing!

⏰ Bugun, 29-aprel, soat 20:00 da aynan yangi hafta yuzasidan maxsus ovozli suhbat boʻlib oʻtadi. Oʻtkazib yubormang!

@Doniyor_Nasriddinov

Kontent ahamiyati

Kontent hayotimizning bir qismiga aylanib qoldi, buni hech birimiz inkor qila olmaymiz. Katta-yu kichik birday ekranlarimizga bog‘lanib qoldik. Ekranlarimiz oldida soatlarimizni sarflayotganimiz bir og‘rig‘imiz bo‘lsa, yana bir og‘rig‘imiz iste’mol qilayotgan kontentlarimiz turidir.

Voyaga yetgan insonlar sifatida biz kontentlarni filtr qila olishimiz mumkin, lekin hali aqlini tanib ulgurmagan farzandlarimiz qanday yo‘l tutsin?! Ular ko‘rayotgan kontentlarni guvohi bo‘lar ekanmiz, g‘arb qadriyatlari qanchalik bu kontentlarda o‘rin egallagani bizni xafa qiladi.

Ular hali nima to‘g‘ri, nima noto‘g‘ri ekanini farqiga borishmaydi, biz kattalarning esa ular oldidagi asosiy burchlarimizdan biri - ularga mos kontent tanlab berish.

Yaqin vaqtlargacha yurtimizda farzandlarimizga ko‘rsata oladigan milliy kontentlarimiz yo‘q edi. Lekin Lola Animation jamoasi birinchilardan bo‘lib milliy multfilmlar yaratish tashabbusi bilan chiqdilar. Lola Animation tayyorlagan multfilmlar dunyoning eng katta animatsion studiyalari bo‘lmish Disney va Pixar darajasidagi, qiziqarli, rang-barang, va bolalarni fikrlashga undaydi va voqelikni tushunishga yordam beradi.

Hozirda Lola Animation jamoasi tomonidan tayyorlangan “Lulu Nana” multseriali televizor yuzini ko‘rishga ham ulgurdi. Bu, albatta, bizni xursand qiladi. Zero, farzandlarimizga qo‘rqmasdan ko‘rsata oladigan kontentlarimiz ko‘payishi bizni G‘arb kontentlariga muhtojlikdan qutqaradi.

Lola jamoasi endilikda o‘zlarining animatsiya kurslarini ham boshlashgan bo‘lib, o‘zlari kabi mutaxassislarni ko‘paytirishni maqsad qilishgan. Kurslarni onlayn va offlayn shakllarda o‘qishingiz va Lola Animation jamoasida amaliyot o‘tashingiz mumkin.

Animatsiya kurslari haqida batafsil ma'lumot olish uchun bu yerga yozib qoldirishingiz mumkin: @lolaanimation_studio

Assalomu alaykum, Juma muborak bo’lsin azizlar )

Aybga buyurmaysiz, alohida post yozishga ulgurmadim. 24-aprel natijalarini ushbu xabar ostida qoldiring.

Hurmat bilan
@Doniyor_Narsriddinov