MILLIY GVARDIYA BUXORO VILOYATI | Rasmiy kanal

⚡️Tanqidiy ruhda bo‘lib o‘tgan yig‘ilishda kelgusidagi rejalar belgilab olindi

Milliy gvardiya Buxoro viloyati bo‘yicha boshqarmasi boshlig‘i polkovnik J.R.Shernazarov rahbarligida umumtaʼlim maktab oʻquvchilarning taʼlim-tarbiyasi hamda davomatini yaxshilash borasidagi ishlarini yanada yaxshilash masalalariga bagʻishlangan yigʻilish boʻlib oʻtdi.

Tadbirda Milliy gvardiya Buxoro viloyati bo‘yicha boshqarmasining Bolalar bilan ishlash bo‘limi hududiy inspektor-psixologlaridan iborat 100 dan ziyod harbiy xizmatchilar qatnashdi.

Yigʻilish avvalida oʻquvchilarning davomatini yaxshilash boʻyicha olib borilayotgan ishlar alohida qayd etib oʻtildi. “Maktab – ota-ona – mahalla” tamoyili asosida yoʻlga qoʻyilgan ishlar natijasida qisqa vaqt ichida oʻquvchilarning davomatida ijobiy oʻzgarishlar kuzatilganligi eʼtirof etildi.

Taʼkidlash joizki, hozirda yuqori sinf oʻquvchilari davomati bilan bogʻliq muammolar aniqlanib, tahlil etib kelinmoqda. Elektron platformaga kiritilgan davomat maʼlumotlari bilan ayrim sinflardagi real davomat oʻrtasida tafovut sabablari doimiy ravishda oʻrganib kelinayotganligi taʼkidlandi.

Yigʻilishda davomat koʻrsatkichlarini aniq va ochiq koʻrsatish, buning uchun joylarda zarur tushuntirish ishlarini olib borish boʻyicha masʼullarga tegishli vazifalar yuklatildi.

Shuningdek, inspektor-psixologlarga davomat masalasini doimiy tahlil etib borish, aniqlangan kamchiliklarni oʻz muddatida bartaraf etish yuzasidan koʻrsatmalar berildi.

Kanalga ulanish 👉 @Buxoro_viloyati_MG

Buxoro viloyatida O‘zbekiston Respublikasi Prezidentining 2025-yil 3-yanvar kunidagi "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari to‘g‘risida" gi 1-sonli Qarori ijrosini taʼminlash yuzasidan tizimli ishlar olib borilmoqda.
Bugun, viloyat hokimi Botir Zaripov, viloyat prokurori Ulug‘bek Hamdamov, Milliy gvardiya Buxoro viloyati boyicha boshqarmasi boshligi Jo`raqul Shernazarov, Ichki ishlar boshqarmasi boshlig‘i Ikromjon Tursunov boshqa huquq-tartibot organlari rahbarlari, Xalq deputatlari viloyat kengashi deputatlari, tegishli korxona va tashkilotlar vakillari ishtirokida O‘zbekiston Respublikasi Prezidentining 2025-yil 3-yanvar kunidagi "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish chora-tadbirlari to‘g‘risida" gi 1-sonli Qarori ijrosini taʼminlash yuzasidan amalga oshiriladigan ishlarga bag‘ishlangan seminar o‘tkazildi.
Seminarda dastlab Qarorga asosan viloyat hududida jamoat tartibi, fuqarolar xavfsizligi, tinchlik va osoyishtalikni taʼminlash, jinoyat va huquqbuzarliklarga barham berish maqsadida amaliyotga tatbiq etilishi rejalashtirilayotgan loyihalar taqdimoti o‘tkazildi.
Jumladan, energiya tejovchi zamonaviy texnologiyalar, quyosh panellarini o‘rnatishning imkoniyatlaridan oqilona foydalanish bo‘yicha olib borilayotgan ishlar hisoboti tinglandi.
Shundan so‘ng, yo‘llarda harakat xavfsizligini taʼminlash, markaziy ko‘chalardagi chorrahalarda yuzaga kelayotgan tirbandliklarni va sodir etilishi mumkin bo‘lgan yo‘l-transport hodisalarini oldini olish, o‘rnatilgan svetoforlarni uzluksiz elektr energiyasi bilan taʼminlash maqsadida tashkil etilayotgan yangi loyihalar ham muhokama qilindi.
Ushbu loyihalarning barchasi qo‘llab-quvvatlanib, viloyat hududida jinoyat va huquqbuzarliklarni barvaqt oldini olish, yo‘llarda harakat xavfsizligini taʼminlash, yo‘l transport hodisalarini oldini olish eng ustuvor vazifa ekanligi alohida taʼkidlandi.
Seminar davomida "Raqamlashgan, obod va xavfsiz mahalla" tamoyili asosida viloyat hududidagi barcha aholi xonadonlari, ko‘cha va jamoat joylarida, maishiy va xizmat ko‘rsatish shoxobchalari, mulkchilik shaklidan qatʼiy nazar korxona va tashkilotlarda o‘rnatilishi rejalashtirilayotgan zamonaviy videokuzatuv moslamalarining ko‘rgazmasi ham o‘tkazildi.
Jarayonda ushbu kuzatuv kameralarining afzalliklari, jinoyatlarni issiq izidan fosh etishda ularning o‘rni va roli xususida maʼlumotlar taqdim etildi.
Shuningdek, Milliy gvardiya Qo‘riqlash boshqarmasi xodimlari tomonidan qo‘riqlash pultiga ulanishning afzalliklari xususida maʼlumotlar taqdim etilib, bugungi kunda tizimda foydalanilayotgan zamonaviy texnologiyalar ham ko‘rsatib o‘tildi.
Yakunda davlatimiz rahbarining ushbu Qaror ijrosini taʼminlash maqsadida bugun taqdimoti qilingan loyihalar yuzasidan oylik, chokarlik, yarim yillik hamda yil davomida amalga oshiriladigan ishlar yuzasidan ishlab chiqilgan yo‘l xaritalarining ijrosini bekamu ko‘st bajarish yuzasidan masʼullarga ko‘rsatmalar berildi.

Kanalga ulanish 👉 @Buxoro_viloyati_MG