Buvayda tuman hokimligi| rasmiy kanali

ҚИШЛОҚ ХЎЖАЛИГИ СОҲАСИДА ДОЛЗАРБ МАСАЛАЛАР МУҲОКАМА ЭТИЛДИ

Бугун Фарғона вилояти ҳокими ўринбосари А. Турсунов иштирокида Бувайда туманида қишлоқ хўжалиги соҳаси бўйича муҳим йиғилиш бўлиб ўтди. Унда туман раҳбарлари, фермер хўжаликлари вакиллари ҳамда мутасадди ташкилотлар қатнашди.

Йиғилишда фермер хўжаликлари билан шартномалар тузиш, қишлоқ хўжалиги техникаларини мавсумга тайёрлаш, дала четларини тозалаш, агротехник тадбирларни амалга ошириш ҳамда ариқларни бетонлаш ишлари муҳокама қилинди.

А. Турсунов қишлоқ хўжалиги техникаларини мавсумга тайёрлаш бўйича аниқ кўрсатмалар бериб, экин майдонларида агротехник тадбирларни ўз вақтида амалга ошириш зарурлигини таъкидлади. Шунингдек, сув ресурсларидан оқилона фойдаланиш мақсадида ариқларни бетонлаш ишларини жадаллаштириш бўйича тавсиялар берилди.

Йиғилиш давомида фермерлар ва мутасадди ташкилотлар ўзларини қизиқтирган саволларга жавоб олдилар ҳамда мавжуд муаммолар ва уларнинг ечимлари бўйича фикр алмашдилар.

Тадбир якунларига кўра, туман масъулларига белгиланган топшириқларни ўз вақтида бажариш, агротехник тадбирларни жадал олиб бориш ва шартномаларни сифатли бажариш бўйича вазифалар юклатилди.

Бувайда туман ҳокимлиги
Ахборот хизмати⬇️
https://t.me/+KAbEvOZiupA5N2Yy

Buvayda tumanida obodonlashtirish hasharlari davom etmoqda

O‘zbekiston Mahallalar Uyushmasi Buvayda tuman bo‘limi tomonidan tumandagi jami 55 ta mahalla fuqarolar yig‘inida keng qamrovli hasharlar tashkil etilmoqda.

Hasharlar doirasida mahallalar hududi obodonlashtirilib, daraxtlar oqlanib, yo‘laklar va jamoat joylari tozalanyapti. Aholining hamjihatlik bilan mehnat qilishi natijasida tumanning ko‘rkamligi va ekologik holati yanada yaxshilanmoqda.

Mahalla – jamiyatning tayanch nuqtasi. Ushbu hasharlar nafaqat hududlarning obodonlashishiga, balki aholining birdamligini mustahkamlashga ham xizmat qilmoqda.

Uyushma rahbari B. Imomaliyev hasharlarning ahamiyati haqida shunday deydi:
"Mahalla nafaqat yashash joyi, balki o‘ziga xos tarbiya maskani hamdir. Obod muhit yaratish – barchamizning burchimiz. Hasharlar aholining jipsligini oshirib, toza va fayzli muhit shakllantirishga xizmat qiladi."

Buvayda – ozoda va obod maskan!

Buvayda tuman hokimligi
Axborot xizmati⬇️
https://t.me/+KAbEvOZiupA5N2Yy

#Buvayda
#Milliy_liboslar_Chellenj

Buvayda tuman Oila va xotin-qizlar bo‘limi jamoasi "Davlat xizmatchisi – kutubxonada bir kun" loyihasida

Buvayda tuman Oila va xotin-qizlar bo‘limi jamoasi Tuman Axborot-kutubxona markazida "Davlat xizmatchisi – kutubxonada bir kun" loyihasini amalga oshirdi.

Tadbir doirasida barcha xodimlar milliy libosda ishtirok etib, ma’rifat maskanida bir kun o‘tkazdi. Ular noyob asarlar bilan tanishib, kitob mutolaasi va ilm-fan rivojiga bag‘ishlangan qizg‘in muloqotlar olib bordilar.

Bu tashabbus davlat xizmatchilarida mutolaa madaniyatini oshirish, ma’naviy yetuklikni targ‘ib qilish va milliy qadriyatlarni yanada ulug‘lashga xizmat qildi.

Buvayda tuman hokimligi
Axborot xizmati⬇️
https://t.me/+KAbEvOZiupA5N2Yy

#Ayni_vaqtda

Buvayda tuman madaniyat markazida Alisher Navoiy va Zahiriddin Muhammad Bobur tavalludiga bag‘ishlangan "Buyuk mutafakkirlar siymosiga ehtirom" nomli maʼnaviy-madaniy tadbir bo‘lib o‘tmoqda. Tadbirda ulug‘ allomalarimizning adabiy merosi, ma’naviyatimizga qo‘shgan hissasi yodga olinib, yoshlar ezgu g‘oyalarga ilhomlantirilmoqda. Shuningdek, milliy libosdagi sahnaviy chiqishlar va badiiy dasturlar namoyish etilib, ajdodlarimiz madaniyati va anʼanalari ulug‘lanmoqda.

Buvayda tuman hokimligi
Axborot xizmati⬇️
https://t.me/+KAbEvOZiupA5N2Yy

Buvayda tumani – “BuvaydaTumanGaz” jamoasi o‘zining milliy qadriyatlarni ulug‘lash va xalqimizning madaniy merosiga hurmat bilan yondashish maqsadida, an’anaviy milliy liboslar kiyib, aholiga xizmat koʻrsatmoqda.

Ushbu tashabbus jamoaning xizmat jarayoniga milliy ruhiyat va o‘ziga xoslik qo‘shib, aholining xizmatdan mamnunligini yanada oshirishga qaratilgan.

Jamoa a’zolari, atlas, adras, zarbof va boshqa milliy kiyimlar kiyib, gas xizmatlarini amalga oshirish bilan birga, aholiga gas xavfsizligi, energiya tejash bo‘yicha maslahatlar berish va kundalik texnik xizmat ko‘rsatish sifatini oshirishga e’tibor qaratdilar.

Bu tashabbus orqali “BuvaydaTumanGaz” jamoasi aholiga sifatli xizmat ko‘rsatish bilan birga, madaniy merosimizni yosh avlodga etkazish va milliy o‘zlikni mustahkamlashga xizmat qilmoqda.

Buvayda tuman hokimligi
Axborot xizmati⬇️
https://t.me/+KAbEvOZiupA5N2Yy