Har bir qiyinchilik ortida katta muvaffaqiyat yashirinadi.

G30 loyihasida muvaffaqiyatga erishish uchun bosib o‘tgan yo‘lim aynan shunday edi: ikki bosqichdan iborat sinovlar, o‘z-o‘zimni yengish, va kutilganidan ko‘proq natijalar.

1-bosqich imtihonida 60 nafar o‘quvchi saralab olindi. Keyin ular 2 oylik intensiv Ingliz tili va Matematika fanlaridan tayyorgarlikdan o‘tishdi. Ushbu jarayonning oxirida, faqatginaTOP30 o'quvchi keyingi bosqichga saralab olinar edi.

Saralash imtihonining 2-bosqichi: 2022-yil, 21-yanvar.

Natijalarni oilam bilan katta hayajon bilan kutdim. Natijalar e'lon qilindi. Jadvalni pastidan boshlab qidira boshladim, 1-bosqichdagi past darajam sabali. Ammo ALHAMDULILLAH, natija kutilmaganda yuqori bo‘ldi:
2-o‘rin: Bosimov Shahzod .

Ushbu qadam mening hayotimdagi eng katta o‘zgarishlardan biri bo‘ldi. 63-o‘rindan 2-o‘ringa ko'tarilgan ekanman.

Hayotda biz pastdan boshlashimiz mumkin, lekin kuchli mehnat va Allohning marhamati bilan eng yuqori cho‘qqilarni zabt etishimiz mumkin.