Bolalar ombudsmani rasmiy telegram-kanali

3-dekabr – Xalqaro nogironlar kuni!

🗓Ushbu sana butun jahonda bunday oʻziga xos insonlar nogironligi boʻlmaganlar bilan mutlaqo teng huquqliligi va jamiyat hayotida tenglik asosida ishtirok etishi shartligi,
nogironligi boʻlgan insonlarning huquq va manfaatlari inobatga olinishi, barcha mamlakatlarda nogironligi bor insonlarning qadr-qimmatini himoyalovchi qonunlar va ularni taʼminlovchi makon amal qilishi zarurligi, barcha uchun ochiq va doʻstona boʻlgan jamiyat qurishdan iborat ekanligini eslatib, bu masalaga barcha davlatlar eʼtiborini qaratadi.

🇺🇿Aytish joizki, yangi tahrirdagi Konstitutsiyaning 50-moddasida ham nogironligi boʻlgan bolalarni taʼlim muassasalarida inklyuziv taʼlim bilan taʼminlanishi qonun bilan kafolatlangan.
Bu kafolat alohida xususiyatlarga ega bolajonlarimizning yakkalanib qolmasligi, jamiyatning toʻlaqonli aʼzosi sifatida shakllanishi va kamol topishi uchun juda muhim.

❗️Zero jamiyatimiz mazkur a’zolarining huquqlarini real ta’minlashning imkoni bo‘lmas ekan, ushbu  kafolatlardan amalda foydalanish murakkabligicha qolaveradi.  

✅Qachonki barchamiz turlimiz, lekin barchamiz tengmiz!

Telegram|Facebook|Instagram

✍️Bugun Bola huquqlari boʻyicha vakil (Bolalar ombudsmani) hamda SOS Oʻzbekiston Bolalar Mahallalari uyushmasi oʻrtasida oʻzaro hamkorlik toʻgʻrisida memorandum imzolandi.

Memorandum doirasida:

🔸Bola huquqlarining buzilganligiga oid murojaatlarini koʻrib chiqish orqali bola manfaatlarini himoya qilish kafolatlarini taʼminlash;

🔹Etim bolalar va ota-onasi qaramogʻidan mahrum boʻlgan bolalar huquqlarini himoya qilish, ularni qonunchilik talablariga javob beradigan munosib turar joy bilan taʼminlash;

🔸Bolalarga zarur boʻlgan yordam koʻrsatish uchun ijtimoiy dasturlarni ishlab chiqish va takomillashtirish;

🔹Bolalarga nisbatan zoʻravonlik holatlarini aniqlash va ularni oldini olish;

🔸Bolalarga xabar berishlari uchun qulay va maxfiy shikoyat mexanizmlarini yaratish kabi masalalarda kelishib olindi.

✅Shuningdek, uchrashuv davomida Bolalar ombudsmani
SOS-Oʻzbekiston Bolalar Mahallalari uyushmasi faoliyatini yaqindan oʻrganib, bu maskanda boʻlgan bolalar bilan suhbatlashdi hamda ularning yashash va taʼlim olishga oid shart-sharoitlari bilan tanishdi.

Ayniqsa Bolalar ombudsmanining shaxsan nazoratidagi ayrim keyslar doirasidagi og’ir vaziyatda bo’lgan bolajonlarni hozirda bu maskanda xotirjam va xushchaqchaq kayfiyatda koʻrish oʻzgacha quvonarlidir.🟢

🤝Oʻylaymizki, bugun imzolangan memorandum bola huquqlarini taʼminlash, ayniqsa, muqobil parvarishda boʻlgan bolajonlar uchun xavfsiz va qulay kanallarni yaratish,
turli krizis vaziyatlar xavfi ostidagi bolalarni barvaqt aniqlash va ularga tezkor va samarali koʻmak koʻrsatish borasida konstruktiv hamkorlikka asos boʻlib xizmat qiladi.

⚡️Ijtimoiy tarmoqlarda tarqalgan MTM tarbiyalanuvchilari koʻz oʻngida boʻgʻma ilon bilan “Ilon oʻyini” tomoshasi videotasviri yuzasidan.

Mazkur holat alohida nazoratga olinib,
Bolalar ombudsmanining taʼlim muassasalarida tarbiyalanuvchilar va oʻquvchilar xavfsizligiga zid ravishda yovvoyi jonzot vositasida oʻtkazilgan bunday sirk tomoshasi holatiga huquqiy baho berish toʻgʻrisidagi soʻrovi asosida holat IIV tomonidan oʻrganildi.✅

🔎Aniqlanishicha, 24.10.2024-yilda Qoʻshrabot tumanida joylashgan maktabgacha taʼlim muassasasida Ishtixon tumanida yashovchi B.M. va I.B.lar MTM 60 nafarga yaqin tarbiyalanuvchilarining koʻz oʻngida boʻgʻma ilon (qizil kitobga kiritilgan, noqonuniy ravishda saqlangan yoʻlbars pitoni- uzunligi 2,50 metr) bilan sirk tomoshasini namoyish qilishgan.

❌B.M. faoliyat yurituvchi MCHJ tomonidan Qoʻshrabot tuman hududida 31.12.2024-yilga qadar zamonaviy sirk tomoshalarini oʻtkazish uchun ruxsatnomasi boʻlsada, uning doirasida “ilon oʻyini” koʻzda tutilmagan.

✅Tekshirish davomida, M.B. va B.I.lar tomonidan moddiy manfaatdorlik evaziga Qoʻshrabot tumanida joylashgan yana 8 ta umumtaʼlim maktablarda ham mazkur boʻgʻma ilon bilan sirk tomoshasi oʻtkazilganligi aniqlangan (jami – 840 nafar oʻquvchi tomoshabin boʻlib ishtirok etgan).

26.11.2024-yilda B.M.tomonidan noqonuniy ravishda saqlangan yoʻlbars pitoni mutaxassislar ishtirokida hujjatlashtirilib, viloyat Ekologiya boshqarmasiga tegishli tartibda topshirilgan.

✍️Hozirda mazkur holat yuzasidan tergovga qadar tekshiruv harakatlari davom ettirilib, vaziyatga huquqiy baho berish yuzasidan qonuniy choralar koʻrilmoqda.

🇺🇿🇺🇿🇺🇿Oʻz kuzatuvi doirasida
Bolalar ombudsmani taʼlim muassasalarida bolalar xavfsizligiga zid ushbu tomoshalarga yoʻl qoʻyganlarga tegishli chora koʻrish va kelgusida bunday noqonuniy harakatlarni oldini olish yuzasidan mutasaddilar bilan ishlamoqda.

Telegram|Facebook|Instagram

🖇️ Kuni kecha O‘zbekiston Respublikasi “Bolalarni ularning sog‘lig‘iga zarar yetkazuvchi axborotdan himoya qilish to‘g‘risida”gi Qonuni ijrosini monitoring qilish bo‘yicha Bolalar ombudsmani rahbarligidaga idoralaro ishchi guruhining navbatdagi yig‘ilishi o‘tkazildi.

▫️Ishchi guruh tarkibida O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oila va xotin-qizlar qo‘mitasi, O‘quvchilarni kasb-hunarga yo‘naltirish va psixologik-pedagogik respublika tashxis markazi va Bolalar tashkiloti vakillari faoliyat ko‘rsatmoqda.

☑️ Yig‘ilishda respublikamizda bolalarni ularning sog‘lig‘iga zarar yetkazuvchi axborotdan himoya qilishning real holati hamda bu borada mas’ul davlat organlari tomonidan amalga oshirilgan ishlar muhokama qilindi.

🌐 Xususan, 7 yoshdan 16 yoshgacha bo‘lgan 16 ming nafar o‘quvchi bolalar o‘rtasida o‘tkazilgan so‘rovda har 10 nafar boladan 8 tasi bevosita o‘z uyidan internetga ulanishini bildirgan.

📌 Shuningdek, joriy yilning o‘tgan davri mobaynida Axborot va ommaviy kommunikatsiyalar agentligi tomonidan Qonun talablari buzilgan axborotlarni bartaraf etish talabi bilan 606 ta xabarnoma yuborilgan hamda mazkur yo‘nalish bo‘yicha 5250 ta axborot resursning identifikatsiya ma’lumotlari taqiqlangan axborot mavjud bo‘lgan butunjahon Internet tarmog‘ining axborot resurslari reyestriga kiritilganligi bildirildi.

📝 Yig‘ilish yakunida ushbu sohadagi mavjud muammolarni hal qilish hamda qonunchilikni takomillashtirish bo‘yicha takliflar ilgari surildi.
Ishchi guruh o‘z faoliyatini davom ettirmoqda.