Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Bekalar Uchun Xikoyalar

@BekalarUchun_xikoyalar
Channel's geo and language: Uzbekistan, Uzbek
Category: Books

✍️ ENG SARA VA XAYOTIY HIKOYALAR
Reklama uchun👇
@xayotimsizkooo

Related channels  |  Similar channels
Channel's geo and language
Uzbekistan, Uzbek
Category
Books
Statistics
Is this your channel? Confirm Канал в реестре блогеров РКН? Confirm Channel history
Posts filter

Bekalar Uchun Xikoyalar

30 Dec, 19:10

Open in Telegram Share Report
DAVOM ETAMIZMI 👀👀👀
1.1k 0 0 194
Bekalar Uchun Xikoyalar

30 Dec, 19:10

Open in Telegram Share Report
Назарида, қилгани фойда бергандек эди.
Август ойида имтиҳонлар бошланиб, мандат пайтида Ғайратнинг институтга киргани маълум бўлди. Фотима ғазабланди. "Нега? Иккимиз бирга ўқидик. Мен ундан кучлироқ биламан дарсларни. Нега ўқишга Ғайрат илинди, мен илинолмадим?"
-Хафа бўлманг, сизниям ўқишга киришингизга ёрдам бераман.
-Қани ҳақиқат? Мен дарсларни деярли ёдлаганман. Нега киролмадим ўқишга?
Ҳақиқат шунда эдики, Ғайратнинг дадаси ўғли учун закалат тўлаганди. Бундан ёшлар бехабар эдилар.
Иккаласи пойтахтга йўл олишди. Ижарага уй топишди. Ғайрат институтга қатнай бошлади. Фотима ҳам поликлиникаларнинг бирига ҳамшира бўлиб ишга жойлашди.
Энди Ғайрат кўп вақт унинг ёнида бўлмас, ўзиям соат бешгача поликлиникада ишларди, келиб овқат тайёрлар, Ғайрат бироз кечикса, рашк саҳнаси уюштирадиган бўлди.
-Ўша ёқда биронтасини топмадизми мабодо?
-Вой жиннивооой, Сиздан яхшисини ҳали учратмадим умрим бино бўлиб.
-Учратсангиз, мабодо, нима бўларди?
-Учратмасдим, учраса, кўрмасдим. Кўрсам эътибор бермасдим.Сиз менинг ҳалолимсиз Нега бунақа бўлмағур фикрлар билан хаёлингизни банд қиляпсиз?
-Сизни севаман-да, нима қилай. Назаримда...
-Ҳеч қачон унақа бўлмайди. Тушуняпсизми? Мендаям масъулият деган туйғу бор, виждон бор, ор-номус бор.
Ғайрат уни эркалаб, энди бола ҳақида гап очди.
-Энди фарзандга навбат келмадими, хоним?.
-Мен ўқишга киролмадим-ку. Боламиз бўлади албатта, бироз шошманг. Ҳали олдимизда ўҳўў ааанча вақт бор.
-Сиз ўқишга ҳаракат қилинг. Иккимиз ҳам олий маълумотли бўлишимиз керак.
Бу йил пахта даврида Фотима Ғайратнинг ортидан икки марта бориб қайтди.
Ишлаш билан бирга, яна олий ўқув юртига тайёрланар, ўқишга ҳаваси ҳам қолмаганди.
Имкон излаган, албатта топаркан. Фотима ҳам пойтахтда ҳамшира бўлиб ишлаётганининг олтинчи ойида Қуръон китобини олишга муваффақ бўлди. Қуръон китоби шундоққина олдидан чиқиб қолгандай эди гўё.
Ҳамкасблари билан бирга тушлик қилишаётган пайтда гапдан гап чиқиб, Фотима қизларга ёрилди.
-Анчадан буён Қуръон китобини излайман, аммо тополмаяпман. Иложи бўлса,қадимий нусхаси бўлса, зўр бўларди.
Қизларнинг бири поликлиникадан узоқ бўлмаган нашриёт ходимларидан сўраб кўришни маслаҳат берди. Бошқаси эса эҳтиётлик билан гапирди,
-Давлат томонидан таъқиқланган китоб-ку, яна бошингиз балога қолиб юрмасин.
Қизларга қўшилмай жимгина ўтирган Муниса опа бироз ўйланиб туриб, деди,
-Сиз истаган китоб менда бор. Дадамдан қолган. Арабистонда нашр этилган. Муқовалари зарҳал билан нақшланган Қуръоннинг қадимий нусхаси. Дадамдан қолган ёдгорлик.
Дадам раҳматли диндор эдилар. Шу сабабли бошларига кўп ёмон кунлар тушган бўлса-да, мақсадларидан воз кечмадилар. Намозни тарк этмадилар, Қуръон мутолаа қилишни канда қилмадилар. Афсуски, фарзандларидан биронтаси, жумладан менам, дадам тирик пайтлари арабчани ўрганишга қунт қилмабмиз. СССРнинг одамларимиз-да. Хуллас, ўша китобни сотмоқчиман. Барибир ўқишга тишимиз ўтмайди. Ҳозир пулга зориқиб ўтирибман.
Фотимагаям шунақа китоб керак эди. "Пулга зориқиб ўтирибман дедию, арзонгаям беради"
-Қанча дейсиз,Муниса опа?
-Икки юз мингга бераман. Аслида бу китобнинг баҳоси йўқ. Бурноқи йили битта ҳўкизга алмашмагандим.
-Опа, маошим юз етмиш минг. Ўша пулга беринг. Бир мўмин-мусулмоннинг савобига қоласиз. Қанча дуо қиламан опа.
Бошқа қизлар ҳам ҳар тарафдан Фотиманинг гапини маъқуллашди.
-Тўғри-да, ўқийдиган одам бўлмаса, китоб чанг босиб ётса қарғармиш. Мени ўқийдиган бирига бер. Мендан ўрганадиган одамга, ибрат оладиган одамга топшир дермиш.
-Китобни яхши одамга сотсангиз савобга қоласиз. Ёмон одамга сотсангиз, гуноҳининг тенг ярми сизга ёзиларкан.
Муниса опа, Фотимани ақлли, одобли, меҳнатсевар деб биларди. Шундай катта шаҳарда яшаб, сочини қирқмаган,бўянмайди, содда келин дерди. Шу сабабли ва бошқа қизларнинг гаплари сабабли бор барака қилди.
Эртаси қизил духоба ғилофли китобни келтириб берди.
1.1k 0 1 60
Bekalar Uchun Xikoyalar

30 Dec, 19:10

Open in Telegram Share Report
Пахтадан кейин яна ўқишлар бошланиб кетди.
Фотима Ғайратдан илтимос қилиб, онасини кўриб келиш баҳонаси билан уйига жўнади. Икки кунгагина қайтган бўлса-да, опасиникига бориб, дуогўй аёлни зиёрат қилишгаям улгурди.
Опасининг "Вақти-вақти билан дуо қилдириб туриш керак"деган фикри онгига синггиб қолганди.
Дуогўй аёл билан дўстлашиб олди.
-Опажон, биринчи кунданоқ аввалги қилиб берган дуоингизнинг кучини синадим. Иситма дуоингиз жудаям кучли чиқди. Мана олти ой бўлди. Яна эрим бепарволик қиляпти. Яна бир марта иситиб беринг.
Мақтовдан эриб кетган аёл ўз сирини очди.
-Албатта, қуръон оятлари билан қилинган дуо кучли чиқади-да.
-Қайси оятни ўқийсиз, жудаям билгим келяпти.
Аёл унга бир-иккита содда, болалигида ойисидан ўрганган сураларни айтди.
-Йўғее, Ихлос сураси билан қиласизми? Ойим беш ёшда ўргатган эдилар бу оятни.
-Биргина ихлос сураси биланмас, бошқа суралар ҳам бор. Яна битта кучли сура бор.Энг кучли дуо учун шуни ишлатаман.
Аёл Қунут сурасини тилга олди.
Фотима аёлни анча пайт гапга солиб ўтирди. Ичига ола илондай кириб, анча-мунча гапларни билиб олди.
-Наврўзгача яна келаман, опажон.
Бу сафар Ғайратга олган кийимига дуо қилдирди.
Онасининг уйига қайтаркан, ўзича ўйлаб борарди."Нима, бу аёл ҳам авлиё эмас-ку.Одам қилган ишни одам қилади. Ўзим уриниб кўраман. Ҳар сафар узоқ жойдан анча пул сарфлаб келиб юраманми? Уйга борай, дафтаримга аёлнинг гапларини ёзиб қўйишим керак"
Бир пайтлар ётоқхонадаги рус аёлдан қандай фол очиш сирларини ўрганган бўлса, бу аёлдан ҳам бу санъатни ўрганаётган эди.
Бунинг учун эскичани ўрганиши, Қуръон сураларини ёдлаши шарт эди. "Буниям эплайман, топаман, ўрганаман".
Инсон бир нарсага интилса, имкон излайвераркан. Фотима ҳам уйига боргач дадасидан илтимос қилиб, Қуръон китоби топиб беришни сўради.
-Уйдаги китобизни бера қолинг.
-Қуръон китоби уйнинг фариштали бўлишини таъминлайди. Бунга тегма, сенга бошқа Қуръон китоби топиб бераман.
-Унда, ҳеч бўлмаса менга шу сураларни айтинг, мен ёзиб олай, ёдлайман.
Гулмурод ака қизи айтган сураларни ёддан ўқиди, қизи дафтарига ёзиб олди.
-Бирдан эскичага кўнглинг тушиб қолдими?
-Дадажон, домла Қуръон билан даволаш мумкинлигини айтди-да.
Фотиманинг бу гапига отасиям-онасиям ҳайрон бўлиб қолди.
-Ўқув юртларидаям Қуръонни айтадими?
-Ҳозир айтяпти ойи, Иттифоқ даврида айтмасиди, ҳозир ҳаммасини очиқ кўрсатяпти.
Шу икки кундан ҳам Фотима жуда унумли фойдаланди. Ўқишига қайтиб боргач, Ғайратгаям учини чиқарди.
-Дадам Қуръон турган уйга ғам-қайғу, ҳасрат, бахтсизлик йўламайди дедилар. Битта Қуръон китоби топиб олайлик.
-Майли жоним, сиз нима десангиз, шу-да.
Инсонлар Қуръонни иймонни бутун сақламоқ, Аллоҳнинг каломини ҳавас билан такрорламоқ, ибодат қилмоқ, Ҳақни англамоқ, икки дунё саодатига эришмоқ учун ўқишса, Фотима ду китобданам ўз мақсади йўлида фойдаланмоқчийди .
Фотиманинг олиб келган, оппоқ, импорт кўйлагини Ғайрат ҳавас билан кунда ўқишга киярди.
Ўқишлар қизғин тус олганди. Бу йил охирги курс бўлишгач, оқшомгача дарсда бўлишар, ётоқхонадаям ишлари ўқимоқ эди.Ёшлар дарс қолдиришмас, тажриба практикаларга тўлиқ қатнашишарди. Шу билан бирга олий ўқув юртига ҳам тайёрланишарди. Якшанба кунлари бирга паркларга боришар, баъзан кинога тушишарди. Дам олиш соатлари шундай ўтарди. Бир кунгина дам олиш кунида Фотима бошқа ишлариниям қилишга уринарди.
Имтиҳонлар апрел ойида бошланиб, май ойида қўлларига мутахассисликлари бўйича ҳужжат, бошқача айтганда, диплом олишди.
Энди навбат Олий ўқув юртига эди. Иккаласиниям дипломи имтиёзли бўлса-да, ўқишга кириш осонмасди. Айниқса медицина соҳаси бўйича ўқишга кириш қийин эди.
Бу орада, Фотима ўша аёлнинг қилганларини кўз олдига келтириб, Ғайратни ўзига иситиб олди."Қани кўрай-чи, эплай олармикинман?"
Бу сафар Ғайратнинг галстуги унга қўл келди.
Ўқиш пайтида доим костум-шимда, галстукли бўлишлари шарт эди-да.
Аёлнинг айтган дуоларини уч мартадан ўқиб, галстукка дам солди. "Э Художон, эрим мендан узоқлашолмасин, мени севсин, мендан бошқага қарай олмасин!"
978 0 1 25
Bekalar Uchun Xikoyalar

30 Dec, 19:09

Open in Telegram Share Report
-Хўп.
-Биз томонда кучли дуогўй бор. Эрингни иситиб олсанг-чи.
-Шунингсизам мени яхши кўради.
-Иситганнинг зиёни йўқ. Ҳар бир аёл эрини вақти вақти билан иситиб туриши керак.
-Сиз поччамни...
-Ээ албатта, ҳар уч ойда едираман.
Фотима кулиб қўйди. Бу ҳақида ўйлаб кўришим керак.
-Билмай даволанма. Балки эринг касалдир?!
-Йўғеее.
-Етмиш фоиз эркак касал бўлади. ўзинг дўхтирликка ўқибам билмайсанми? Хуллас, бир амаллаб эрингсиз уйимга бор, обораман ўша аёлга.
-Хўп бўлади.
Опа-сингил ошни сузиб, ичкари ташишди. Ичкарида қизғин суҳбат давом этарди.
-Ҳарбийлик касби жуда обрўли касб. Агар ўқишга киролсангиз, зўр бўларди.
-Армияда терлаб ўргандим, ўқишга киришга ишонаман.
-Бу йил коллежни битирсак, бизам институтга ҳаракат қиламиз-а, Фотима?!
-Албатта. Дўхтирлик ҳам шарафли касб укажон.
Фотима Хусанга ука деб мурожаат қиларди.
Ота-онаси болаликдан шунақа ўргатишган.
Эртаси Ғайрат Фотимани қўйиб ўзи кетди. Бу эса Фотимага қўл келди. Ғайратни кузатгач, ўзиям опасининг уйига жўнади.
-Эримни бир амаллаб жўнатдим. Опажон айтган аёлизга оборинг.
-Қани, эрим мени яхши кўради деяётгандинг. нима қиласан бекорга пул сарфлаб.
-Олдини олмоқчиман. Бирдан ёмон кўриб қолиши мумкин-да,- опа сингил мириқиб кулишди.
Ўша куниёқ Фотимахон эрига иситма дуо қилдирди.
Икки кундан кейин Ғайрат келиб Фотимани олиб кетди.
Келинчак эркаклар сепадиган атирга дуо қилдирганди. Ғайрат эса, кўчага кетиш олдидан бу атирдан сепарди. Муносабатлар аввалгидан ҳам қалинлашди. Дуонинг кучини Фотима биринчи куниёқ сезди. Ғайрат энди Фотимани бошида кўтарар, оғзидан чиққан нарсани муҳайё қилар, измидан чиқолмасди.
Фотима ўз қилган ишидан хурсанд, эримни янаям яхши кўришини ҳоҳлайман деган мақсадда, ҳали тўйига олти ой бўлмасдан иситма дуо қилдирганди. "Нима бўпти. ўз эрим-ку, гуноҳ бўлмайди"деб ўзини овутарди.

Фотима эрини янада кўпроқ суйдирмоқ учун бу ишни қилди ва ўз ишидан ҳеч бир пушаймон бўлмади. Ғайратнинг янада меҳрибонроқ бўлиб қолганидан завқланар, ё ўзига шундай туюлармиди, дуонинг кучига ишонди-қўйди.
Ўқишларининг охирги йили бўлгач, таътилдан кейин икки ёш ҳам бор имконларини ишга солиб ўқишга ҳаракат қилишарди.
Пахта давриниям аввалгидай ғайрат билан ўтказишди. Бу йил оилали бўлишгач, икки ёш жуда аҳиллик билан пахта теримида қатнашишди. Ўз меҳнатлари билан бирон нарсага эришиш мумкинлигини кўрсатишмоқчидай эдилар гўё. Ҳар иккисининг расминиям газеталарда зарбдор теримчилар қаторида эълон қилишди. Фотима учун бу оддий иш эди,пахта терими. Болалигидан, ўзини таниганиданоқ ойисининг ортидан пахтазорга эргашиб, пахта теришга ёрдамлашарди. Иккинчи синфдаёқ олдига фартук тақиб пахта терганини эслайди. Ўша пайтлар пахталар ҳам жуда баланд, бўлиқ бўлармиди, ҳар битта ғўзапояда эллик-олтмиштадан кўсак санаш мумкин эди. Инсонлар завқ билан теришар, пахта мавсуми умуммиллий сафарбарлик эълон қилиниб, юртдошларнинг барчаси пахтазорга чиқарди. Пахтакордан кўп ҳашарчи бўларди. Бригадирлар дала шийпонларини ҳашарчилар ихтиёрига беришарди. Жуда ажойиб даврлар эди. Мусобақалашиб пахта теришарди. Энди-чи, баъзи курсдошларининг, ўғил болаларни-ку кўрмаган, қизларнинг эгатга қопларини тўшаб,бетларига газета ёпиб ухлашларини кўриб, Фотима куларди. "Шаҳарликлар шунақа эринчоқ бўлишармикин? Пахта териш қийин нарсамаску. Эгатларни топ-тоза бўлишига завқланиб ҳам терсанг арзийди пахтани" дерди.
Ким нима деса десину, Фотима Ғайрат билан зарбдорликни пахта мавсуми охирлагунча қўлдан бермади. Бир неча марта мукофотлар олишди, номлари билим юртининг Ҳурмат тахтасига ёзилди. Бу оддийгина гап эмасди, юзлаб талаба орасида яхшилар қаторидан ўрин олмоқ. Икки ёш масъулиятни ҳис қилганлари учун ҳам бу ишга жиддий киришгандилар.
Пахта мавсумидан кейин иккисиям янги, урф бўлган пальто олишганида, курсдошлари уларга ҳавас билан қарашди.
Фарида, Фотиманинг аввалги хонадоши ҳалиям қизлар олдида "Ғайратни одам қилиб юрган Фотима" деган гапларни айтарди. Негадир, у Ғайратнинг мустақиллигига ишонмас, Фотимасиз кун кўра олишигаям ишонмасди.
972 0 1 30
Bekalar Uchun Xikoyalar

30 Dec, 19:09

Open in Telegram Share Report
💥ҲИЖОБДАГИ ЖОДУГАР. 4-қисм.


Муаллиф: Раъно Умарқулова.


Тўйдан кейин Фотиманинг бахтли кунлари бошланди. Бир ҳафтагина қайнона-қайнотасининг хизматини қилиб,ёшлар яна ўқишларига қайтишди. Дарслар оғир, тажриба учун касалхоналарга боришлари керак, ўқишнинг энг қийин пайти эди. Маълумки медицина билим юртларида ўқиш икки йил саккиз ой,кўпи билан уч йил давом этади. Ўқишнинг асосий қисмини практика, яъни тажриба, амалиёт ишлари эгаллайди. Шу сабабли келин-куёв уйда кўп бўла олишмади.
Ўқишга қайтишгач,  Ғайрат комендантга ёлвориб, алоҳида хона олишга муваффақ бўлди. Курс раҳбари бу сафар ҳам орага тушиб, уларнинг ишларини ҳал этиб берди.
Энди келин-куёв ўқишдан кейин жаҳд билан дарс тайёрлашар, қолиб кетган дарсларнинг отработкаси яъни мавзуларни қайта топширишлари керак эди. Баъзилар бу нарсаларни пул билан ҳал этишади. Ўзлари ўқишмайди. Аммо бизнинг қаҳрамонларимиз энг аввало билимни кучлироқ эгаллашга интилишарди. Кейин ортиб ётган пул ҳам йўқ эди ёнларида. Иккисининг стипендияси овқатланишга зўрға етарди. Шу сабабли, қийналишсаям,  домланинг бўш пайтида дарсларни қайта топширишарди. Бу нарса айниқса тиббиёт соҳасида жуда муҳим. Бошқа фанлар ёки билиб йўналишларида алдаш мумкиндир, чаласаводлик мумкиндир, аммо медицина ходимининг чаласаводлиги оғир оқибатларга олиб келиши ҳаммага кундек равшан.
Ғайрат аввалги Ғайрат эмасди. энди оилали бўлгач, масъулияти ҳам шунга яраша эди. Ёшлар ҳали бир-бирлари билан фарзанд ҳақида гаплашиб кўришмаган, ўқишлар битишини исташарди. "Ўқишларни битириб, ишга жойлашайлик, бола қочиб кетмайди"
Ғайрат коллежни битиргач, институтга жойлашолмаса, ҳарбий хизматга жўнашига тўғри келарди. Шу сабабли, олий ўқув юртига ҳам тайёрланиш режаси бор эди кўнглида.
Ҳаёт бир текисда ўтаётганди.
Ғайратнинг отаси икки йилдан буён ўғлини ҳарбий хизматдан олиб қолиш учун анчагина пул тўкди. Билим юртини битиргач, ўқишга киролмаса, албатта ҳарбий хизматга чақирилишини билгани учун ҳам олий ўқув юртига тайёрланишни ўғлига буюрди.
-Биттагина ўғлим бор. Олий маълумотли бўлишини истайман. Шунга яраша бўл. Истаган қизингга уйланишингга қаршилик қилмадим. энди менинг ниятимни амалга оширишга интил.
Мана шу гаплар сабаб, Ғайрат ўқишга бошқача меҳр билан қарарди. Тажрибаларда актив иштирок этар, домлалардан кўпроқ нарса сўрашга интиларди.
Фотима эса, ўз ниятига етганидан хурсанд, ўзи билан ўзи овора эди. Гарчанд Ғайратга "Ёшмиз ҳали, ўқишларни битириб, ишга жойлашгандан кейин болали бўлсак ярашади" десаям, ўзиям бу масалада хавотир оларди Учинчи курсга ўтиб, таътилга уйга келишганида қайнонаси келинига кулиб, ҳазиллашиб бола ҳақида гапирганда бошқача бўлиб кетди.
-Келинжон, қачон энди бизни неварали қиласизлар. Сизлар ўқишийла билан бўлаверинглар. Болаларингизди ўзим катта қиламан.
-Вой ойижон, ўқишлар битаверсин-чи, болаям бўп қолар.
Бир ҳафтадан кейин ўз қишлоғига меҳмонга борди.Ғайрат Фотимани машина билан онасиникига обориб қўйди ва уч кундан кейин олиб кетишини айтиб ортига қайтмоқчийди, қайнотаси қўймади. Бу орада Хусан ҳарбий хизматдан чиқиб, академияга ўқишга жўнатилган, уйдагилардан хабар олишга келган экан. Шу баҳона билан Ғайратнинг  шу ерда бир кун қолишига тўғри келди
Синглисининг ва укасининг уйга келганидан хабар топган Соҳиба ҳам ота уйига меҳмонга келди.
Ота-она ҳамма фарзандлари бағридалигидан қувониб зиёфатни каттадан қилишди.
Ғайрат Хусан билан гуррунглашиб ўтирган пайтда, Соҳиба Фотимани имлаб ташқари олиб чиқди.
-Потижон, менга овқатни сузишга ёрдам бер.
Фотима ҳам опаси билан маслаҳатлашишга муҳтож эди, дарров опасига эргашди.
Ташқари чиқишгач, ошхонага бораркан, опаси гапирди,
-Қалай энди, суллумбойинг уришмайдими, яхши яшаяпсанми?
-Ҳаммаси яхши. Қайнам  қачон болали
бўласизлар деяпти.
-Дўхтирга кўриндингми?
-Йўқ ҳали.
-Уйингга боргач, битта ўзинг кучлироқ гинекологга учрашиб, маслаҳат ол. Болали бўлиб кетишинг керак. Ёнингга эрингни судрама.
1.1k 0 1 33
Bekalar Uchun Xikoyalar

30 Dec, 18:08

Open in Telegram Share Report
Hikoyani davomini KUTAYOTGANlar bormi 👀
1.4k 0 0 253
Bekalar Uchun Xikoyalar

30 Dec, 05:39

Open in Telegram Share Report
Video is unavailable for watching
Show in Telegram
#Хайрли_тонг

Aссалому алайкум. Душанба тонги муборак бўлсин.

Бошланаётган янги хафтагиз файзли ва барокатли бўлсин. Сиз ва яқинларингизни яхши кайфият тарк этмасин.

Кунингиз мазмунли ўтсин.

https://t.me/joinchat/AAAAAFCGRHMSMORVycYt4g
2.5k 0 41 18
Bekalar Uchun Xikoyalar

29 Dec, 18:30

Open in Telegram Share Report
Биринчи фарзандни олдиргач бола бўлармикин?! Ээ, ҳозир медицина ривожланиб кетган, бола бўлиши керак. Бир-иккита болали бўлсак, кейин ҳеч ким бизни ажратолмайди"
Эртаси куни хавотирини опасига айтганда, маслаҳат берди.
-Куёвга ичир, маст қил. Буёғига ўзим янга бўлиб кетаман. Қолганини менга қўйиб бер.
Хуллас, операция хонасига ўтишди. Врач аёл наркоз уколнинг озгина қисмини қилдими, оғриқ билиниб турди.
Фотима боласини олдиргандаям бунча оғриқ кўрмаганди. Наркоз олган бўлса-да, ҳар битта игна юрагига санчилаётгандай бўлаверди.
Иш битгач, врач қалингина кийиниб юришни, яра тезроқ битиши учун малҳам суртишни буюрди.
Эрталаб Фотима опасининг уйига, ундан ўз уйига йўл олди.
Энди кўйлак тиктириш, тўққиз нарсаларини тайёрлаш, тўйга тайёргарлик бошланди.
Фотима шу орадаям Гуласал билан жанжаллашишга улгурганди.Тўйга Гуласал келмади. Шу-шу бўлдию энг яқин дугоналарнинг орасидан ола мушук ўтди. Синфдош қизлар ҳам кўпчилиги турмушга чиқиб кетган бўлиб, Гуласал ташкиллаштирмагани учун, тўйга келишмади. Яхшиям курсдош қизлари тўйни қиздиришди.
Еттинчи март куни курсдош қизлар битта машина тутиб, ҳаммаси соат учларга етиб келишди.
Кечга томон йигитнинг одамлари етиб келди. Қиз мажлис ҳам тўй каби катта бўлади. Ота-онаси хонандаларни чақириб, тўй қилиб ўтказишди.
Қишлоқ жойи бўлгач, узун тўшаклар ташлаб, ўша жойга овқат сузилди. Катта давра ясаб, ўша жойда ўйин-кулги қилишди.
Эртаси эрталаб муллага никоҳ ўқитиб, қизни жўнатишди. Айтганидек,аммаси билан бирга Соҳиба опаси янгаликни бўйнига олганди.
Куёв томонда тўй унданам дабдабали ўтказилди. Курсдошларнинг ҳаммаси тўйда иштирок этишди. Талабаликда қилинган тўйнинг шуниси яхши. Курсдошлар шеърлар ўқиб, табриклар айтиб, рақсга тушиб ҳоришмади.
Тўй давомида Соҳиба икки марта келиб, куёв-келин билан ароқ ичди. Албатта, мақсадлари Ғайратга ичириш, маст қилиш эди. Фотима билан Соҳиба эса қадаҳни қўлларига олиб бир қултум ичишар, яна жойига қўйишарди. Бу ернинг одатида ҳам бу нарса бор экан. Қадрдон дўстлар келиб куёвни табриклаб ичиришар, қариндошлар келиб, бирга расмга тушиб ичишар, куёвга ичиришар эди. Ғайрат қанчалик ичмасликка уринмасин, тўй охирида деярли маст бўлиб қолганди.
Биринчи кечанинг қандай ўтганини Ғайрат билмайди. Фотимага яқинлашганини ғира-шира эслайди. Қачон, қандай ухлаб қолганиниям эслай олмайди.
Соҳиба билан Фотимага ҳам худди шу нарса керак эди. Эрталаб янгалар қудахолага нишона кўрсатишди. Кейин келин салом, кейин чаламаст куёв курсдошларини жўнатди, қудаларни жўнатишди ва... оддий ҳаёт бошланди.
Фотима жуда бахтли эди. Ғайратни еру кўкка ишонмас, гўё Лайли-Мажнундек эдилар. Тонгдан туриб ҳамма ишларни бажарар, қайнонасининг кўнглини олар, ҳамма жойни чинни чироқдай ялтиллатиб қўярди. Қайнона-қайнота келиндан хурсанд, "Чаққонгина экан, ўғлим иккиси бир-бирини жуда севишади, бахтли бўлишсин"
Ғайрат Фотимага ортиқча ишонар,бу унинг энг ёмон камчилиги эди. Агар ўша куни Ғайрат маст бўлмаганда, қизлик парданинг юзадан тикилганини ва қон яранинг қони эканлигини англаган бўларди.
Давоми бор.

Раъно Умарқулова.


https://t.me/joinchat/AAAAAFCGRHMSMORVycYt4g
2.3k 0 2 126
Bekalar Uchun Xikoyalar

29 Dec, 17:59

Open in Telegram Share Report
Tekinga pishiriqlar oʻrgatadigan kanal 🎂🍰🍩

((Reklama tez orada oʻchiriladi
Qoʻshilib olinglar))
👇👇👇👇👇
Pishiriqlar retseptlari
Pishiriqlar retseptlari
Pishiriqlar retseptlari

Salatlar oʻrgatadigan kanal
👇👇👇👇👇👇
Salatlar retseptlari
Salatlar retseptlari
Salatlar retseptlari
👆👆👆👆
YANGI YIL UCHUN ANTIQA YANGI RETSEPTLAR ✅
2.9k 1 2 1
Bekalar Uchun Xikoyalar

29 Dec, 16:30

Open in Telegram Share Report
-Гуласал айтди.
Нариги томонда бироз жимлик ҳукм сурди, кейин яна давом этди суҳбат.
-Сиздан миннатдор бўлдим. Дадам ҳам хурсанд бўлдилар. Овозини чиқмайдиган қилдингиз итни"
-Бу менинг бурчим эди. Аниғини билмай, сизни оқламай уйлана олмасдим. Тонгда уйга келдим, дадам билан бугун гаплашаман.
-Эртага мен ўқишга жўнайман. Зерикдим бу ерда.
-Унда менам эртага йўлга тушаман, бўпти гаплашамиз.
Иккаласи гапни бир жойга қўйиб, икки кун аввалдан ўқишга борадиган бўлишди.
Бироздан ойиси ишдан келгач, эртага йўлга чиқишини айтди.
-Ўтириб, бир кун дийдорингга тўёлмадим. Дарров кетасанми?
-Ойи семинарларим бор. домлага кўрсатишга сўз берганман, насия зачет қўйиб берган.
-Унда у-бу тайёрлай олиб кетишингга. Кейин жиззали нон пиширди духовкада. Сомса қилди, шўрва билан патир пиширди, кечгача куймаланди.
Кечқурун дадаси ўғлининг аҳволини кўриб, ҳайрон қолди.
-Бетингга нима қилди?
-Уриб олдим.
-Уриб олишганга ўхшайди. жанжаллашдингми?
-Йўқ, бироз.
Отаси ўғлининг онасидан уялаётганини сезиб, елкасига тўнни ташлаб, ташқари чиқди,
-Юр қани маняққа?
Айвонга чиқишгач, ўғли тўғрисини айтди.
-Бир бола билан жанжаллашишга тўғри келди.
-Таёқ ебсан-ку.
-У менданам кўпроқ еди таёқни.
Отаси ким билан уришдинг, нега деган саволлар бермади. Йигитчилик, бўп туради.
-Дада, тўйни тезлатишнинг иложи йўқми?
-Ҳа, шошяптиларми куёвбола? Саккизинчи мартга ўтказсак-чи, Наврўзда шунингсизам тадбирлар кўп бўлади мактабда.
-Бўлади, дада, мен нариги томонга хабар берай унда.
Кейин яна Фотимага қўнғироқ қилиб, дадасининг гапларини етказди.
Эртаси ўқишга жўнади. Йўл бўйи автобусда тиқилиб ўтириб, ҳориб-чарчаб, шомда ётоқхонага кириб борди.
Қаради, Фотима ундан олдинроқ келган. Чироғи ёниқ турибди. Юкларини ўзининг хонасига қўйиб, қизнинг хонасига чиқди.
-Салом, мендан олдин келибсиз-ку.
-Таксида қайтдим. Дадам поездда юрасанми қийналиб деб қариндошимизнинг машинасида жўнатиб юбордилар.
-Зўру.
-Киринг, ош қиляпман, иккимизга.
-Мен ҳозир.
Хонасига қайтиб бориб, онаси берган сомсалардан, жиззали нондан олиб, олма-анордан олиб ортига қайтди.
Иккиси ширингина суҳбат қуриб, овқатланишди. Тўй ҳақида ширин хаёллар суришди.
-Ўртада бир ой бор, мен биринчи мартдан жавоб олиб уйга кетаман, кўйлакларимни тиктиришим, нарсаларимни тахлашим керак.
Курсдошларнинг ҳаммасини ўзингиз олиб боринг.

Бир ой ҳам ана-мана деб ўтиб кетди. Икки ёш ширин орзулар билан ўтказишди бу ойни. Фотима ўқитувчисидан рухсат олиб, биринчи мартда уйига жўнади. Тўй саккизинчи март куни Ғайратлар буюртма берган ресторанда ўтказилиши керак эди. Еттинчи март куни эса Фотиманинг уйида қиз мажлис бўлиб, курсдошлар унга боришлари, кейин келинни
олиб Ғайратлар билан қайтишлари керак эди.
Фотима биринчи март куни йўлга чиқиб, опасининг уйига келди. Опасининг сўз берган амалини бажаришлари керак эди. Поччасининг марказга одам ташишиям яхши. Опаси дарров синглиси билан таниш врачнинг уйига йўл олди.
Врач аёл анчагина пул олгач,буюртмани қабул қилди. Фотима ўша куни врач аёлнинг уйида, тўғрироғи ваннахонада қолди. Врач аёл жуда инжиқ, ўзининг қилаётган ишидан кўнгли тўлмайдиган, майдачил аёл эди. Фотимани олти соат илиқ сувда сақлади. Кейин операция хонасига олиб кирди. Шу ерда, илиқ сувда ўтираркан,хаёлидан нималар ўтмади дейсиз."Ғайрат билиб қолса-чи, унда нима бўлади? Тўйнинг эртасигаёқ кўрпа тўшагини машинага ортиб, уйига келтириб ташлашади.
Болалигида шунақа воқеани кўрганди. Қўшни қизни асъасаю дабдабаю билан тўй қилиб турмушга чиқаришди. Эртаси куни тонгда куёв томон қизни келтириб отасига топшириб кетишибди.
-Қизинг иффатсиз экан. Бировдан қолган ошни ичмаймиз биз.
Қизнинг ота-онаси суриштиришса, сотувчиликка ўқишга кетганда бировнинг алдаганини қиз тан олибди. Аҳмоқ қиз. "Ўз аҳволини билмадимикин, то тўйгача бу ҳақидв фикр қилмадимикин? Мен ҳам алдандим. Ўша пахтазорда бир марта мажбуран бирга бўлишганидан шунақа оқибат келиб чиқишини сезмабман. Мана жазосини тортяпман.Бундан сўнг Ғайратнинг оёғини ювиб беришгаям розиман. Фақат гуноҳимни билмаса бўлди"
2.3k 0 2 119
Bekalar Uchun Xikoyalar

29 Dec, 15:59

Open in Telegram Share Report
Video is unavailable for watching
Show in Telegram
❗️🎄ЯНГИ ЙИЛ БАЙРАМ ДАСТУРХОННИ ҚАНДАЙ БЕЗАТИШНИ ЎЙЛАБ🤔БОШИНГИЗ ҚОТАЯБДИМИ❓

🍽БИЗДА БУНИНГ ЕЧИМИ БОР 999ХИЛ  БАЙРАМ☃️ДАСТУРХОН БЕЗАТИШ УЧУН ИДЕЯЛАР ЖОЙЛАДИК🍱

🥗99~ХИЛ ЯНГИ САЛАТЛАР 🍰 ПИШИРИҚ ВА 🍧 ШИРИНЛИКЛАР РЕТЦЕПТЛАРИНИ ЖОЙЛАДИК ТЕКИНГА ЎРГАНИНГ

🍗🍜ЭНГ ЗЎР БАЙРАМ🫕ТАОМЛАРИ  ШУ КАНАЛДА ЖАМЛАНГАН🤗

🎄ТЕЗ КИРИНГ 👇👇
https://telegram.me/joinchat/HHUJjUHNxwJkMTVi
🍽 БАЙРАМ🎄СТОЛИНИ БЕЗАТИШ СИРЛАРИ🍱
🥗ЭНГ ЗЎР САЛАТЛАР ВА 🍰 ПИШИРИҚЛАР
🍎КАНАЛГА ОБУНА✅ БЎЛИШ🍊
2.8k 1 3 2
Bekalar Uchun Xikoyalar

29 Dec, 13:30

Open in Telegram Share Report
Онаси Анварнинг ортидан хонага кирди
-Бирон жойингга ёмон тегмадими? Қўллари синсин сани урганларди. Қўлгиналари синсин.
-Йўқ. Хавотир олманг.
-Ювиниб чиқ, овқатланамиз.
-Ҳеч нарса егим келмаяпти.
Дастурхон бошида оила аъзолари Анварнинг кетма-кет қилаётган хатоларини айтиб ўтиришди.

Бу орада Гулмурод ака хотинига дилини ёрди,
-Ўғлим қилиши керак бўлган ишни қилди. Куёвдан кўнглим тўлди.
Гулмурод ака Ғайратни овқатланмай кетишга қўймади.
-Ўтиринг, овқатланиб кейин борарсиз.
-Кеч бўлиб кетади кейин.
-Ҳеч нарса қилмайди,- гўё уйи шу қишлоқда жойлашганидай бемалол гапириб олиб қолди.
-Овқатланиб, анча кеч йўлга тушган Ғайрат йўлдан хавотир олиб, машинасини эҳтиёт бўлиб ҳайдаб кетди.Шу пайтгача тунда машина ҳайдаб кўрмаганди.
Тунда қоронғуликда одамнинг кўнглига хавотир оралаб қоларкан. Ҳар бир тиккайган дарахтдан, ё йўлнинг ўнқир-чўнқиридан ҳам хавфсирар экансиз. Тунда дунё кенгайиб кетади.Бутун дунё билан ёлғиз қолганингизни ҳис этасиз. Мусиқа қўйиб бораётган эса-да,хаёлида бугунги воқеалар ҳамон чарх урарди. "Мараз бола. Бекорга бир қизни ёмонотлиқ қилган. Энди кнчирим сўради нимаю, сўрамади нима. Лекин мажбуран сўратдим. Шу йигитнинг аҳволига тушгандан ўлган ҳам яхши. Тавба, тавба. Армиядан келиб бекор юрган экан. Тоғни урса талқон қилиши керак бўлган одам. Укаси ғўзапоя ташиб юрибди, акаси уйдан чиқмай ётса-яя. Тескари замон бўлди ўзи...
Лекин Фотиманинг дадаси мендан хурсанд бўлди. Буни кўзларидан англадим.Миннатдорчилик билдириш учун ҳам овқатга қолишимни истади. Мен қандай воз
кечардим унинг таклифидан. Воз кечолмасдим
Тўйни тезлаштиринглар деди. Уйдагиларга айтай-чи. Яна икки ой бор. Дадамнинг айтган вақтларига. Шу гаплардан безор бўлгани учун шу фикрга келган бўлса керак, бу одам" Хаёлидан ҳамма нарсани ўтказиб борарди.
Ғайрат тонгда уйига етиб борди. Гарчи телефонда ойисига кечга қоламан,бемалол ухлайверинглар деган бўлса-да, онаизор ухламай ўғлини кутиб ўтирарди.
-Ойи ухлайверсангиз бўлмайдими?
-Сенинг уйга кирганингни билмай, кўзимга қандай уйқу келади?- саволга савол билан жавоб берди,- келин яхши эканми? Нима янгиликлар, костумингни кийиб олсанг бўлмайдими?
Ойим кўрмасин деб қўлига олиб келаётганди. "Эртага уйдагилар ишга кетишса, тикарман бир амаллаб"
Унинг жанжаллашгани кўп билинмади, ёки ойиси буни сезмади. Ғайрат шунгаям хурсанд, хонасига кириб кетди.

Ғайрат соат тўққизларда уйғонди. Боши қаттиқ оғриётганди. Кеча Анварнинг қўли бошига тегиб кетган, боши ёрилмаган, қон оқмаганди. "Қаттиқроқ тегди, мия чайқалди шекилли" деб ўйлаганди,бироздан бу ҳолат ўтиб кетган, эрталаб уйғонганда яна такрорланаётганди. Ўзи медицинада ўқияпти-ку, дарров ўзига ташхис қўйди.
-Ростдан мия чайқалган, қусгим ҳам келяпти. Бугуноқ докторга бориб, бештагина магнезия олмасам бўлмайди. Кейин ойнадаги аксига қараб қўрқиб кетди, кўзининг олди кўкарган, қаншари қонаган.
Ташқари чиқиб, ювиниб келиб яна ойнага қаради."Яхшиям дадам мени кўрмадилар. Акс ҳолда машинани қўлимга бермайдилар. Бир кун-ярим кун бекиниб юрмасам."
Ошхонага чиқди, онаси нонуштани тайёрлаб, устига сочиқ ёпиб кетган экан. Онаси ҳам дадаси ҳам ўқитувчи эди. Дадаси узоқ йиллардан буён мактабда директорлик қилиб келмоқда. Онаси бошланғич синфларни ўқитади, соат бирга яқин уйга келади, дадаси эса бешдан кейин, баъзан мажлис бўлса, унданам кечроқ уйга қайтади.
Нонушта қилиб, кийинди ва поликлиникага йўл олди. Участка врачини топиб, рецепт ёздириб, аптекадан дори олди, яна қайтиб,ҳамширага укол қилдирди. Деярли тушлик пайтида уйга қайтди. Телефони очиқ эди. ҳали чўнтагида пайти телефони титрагандек бўлди. Ҳар доим овозсиз режимга қўйиши учун,ҳамда врач қабулидалиги сабабли қарамаганди. Фотимадан смс келибди. "Яхши етиб олдингизми?"
Жавоб ёзди."Раҳмат, яхши етиб келдим. сиз яхшимисиз, жоним."
Бироздан телефон жиринглади Фотима телефон қилаётганди.
-Ғайрат менга ростини айтинг, қаердан бу ғийбатларни эшитдингиз?
2.3k 0 3 119
Bekalar Uchun Xikoyalar

29 Dec, 11:31

Open in Telegram Share Report
-Хуллас, гап бундай, чиқ машинага. Бориб кечирим сўрайсан, акс ҳолда милицияга ёзиб бераман.
Орага милиция сўзи аралашгач, Анвар индаёлмади. Ноилож  унинг гапига кўнди. Энди милицияга тушса, нима бўлишини ўзи яхши биларди. Шу сабабли индамай машинага ўтирди. Юкхонадан бир баклашка сув олиб, Анварга берди,
-Юзларингни ювиб, тартибга солвол.
Анвар ўзини тартибга келтиргач, машинага чиқишди.
Машина қандай тезлик билан тут остига келган бўлса, ўшандай тезлик билан қишлоққа йўл олди.
Ғайрат Фотималарнинг уйигаетиб келганда,  қизнинг дадаси эндигина ишдан келиб, уйга кирмоқчи бўлаётганди.
-Ассаломалекум,  меҳмон олиб келдим.
Куёв бўлгичнинг ҳе йўқ, бе йўқ, салом бериб кириб келиши Гулмурод акага эриш туюлса-да, сир бой бермади. Меҳмонхонага бошлади.
-Мен ёлғиз эмасман. Ҳозир.- Ғайрат машинадан Анварни чиқарди.
-Дада, уйга кирайлик. Фотиманиям оп келинг.
Гулмурод ака Анварни кўриб жаҳли қўзиса-да, уларни  меҳмонхонага олиб кирди.
Бироздан хонага  Фотима кирди.
-Фотима, мени кечир... Ҳаммаси учун. Бахтли бўл. Ғайрат яхши бола экан.
Фотима унга нафрат билан қараб турса-да, Анварга бир оғиз ҳам гапирмай, Ғайратга юзланди,
-Сизгаям бориб етдими бу гаплар.
-Ўшандай отанинг боласи шунақа паст бўладими?- Гулмурод ака нафрат билан Анварга қаради,-Қизимни эл орасида бош кўтариб юролмайдиган қилдинг-ку, аблаҳ.
-Мастликда бўлган, узр амаки.
- Фотима эшитдингизми? Кечирим сўраяпти.
-Эшитдим. Мен кечирдим, Аллоҳ кечирмасин.
-Фотима мени қарғама. Яқинда русга кетаман. Қишлоқда изим ҳам қолмайди.
-Фотимаям бу ерга меҳмонгагина келиши мумкин.
-Менинг номимни қора қилишдан мақсади нима эканлигини сўранг Ғайрат.
-Сўрадим, Фотимани севаман деяпти.
-Бунақа пасткашларнинг севгисига қолган куним йўқ.
Шу ерда Анварнинг тили қичиди."Йиғлаб хатлар ёзган, менга уйлан деб ёлворган ким эди қанжиқ. Энди ўзингни оппоқ фаришта қилиб кўрсатяпсан. Сенинг енгилтаклигинг учун ўша ишлар бўлганди. Энди бу ерда бу сўтак олдида мен узр сўрашга мажбур бўляпман. Энди бу сўтакни алдайсан. Жодугар"
Бу гапларни айтиши керак эди, айтди.... Фақат ичидан. Бир пайтлар бу қизни қанчалик севганига энди ишонолмайди. Нимаси ўзига тортган экан? Бошқа қизлардай бири-да, иккита шохи ё думи йўқ.Элдан ортиқ жойи йўқ. Нимасига учган эканман?!"
Анвар йўл бўйи Фотимани сўкиб қайтди. Лекин Фотиманинг аввалгидан ҳам гўзаллашганини ички туйғу билан сезган, уни ўзича Ғайратдан рашк қилаётганди. "Ўша сўтақўзининг гапи гап унга. Мен унга бегонаман. Ҳатто душманиман.Ишончини оқлаёлмадим эсиз"

Анварнинг ойиси кичик ўғлининг, "Акамни бир йигит машинада олиб кетди" деган гапини эшитиб, кўнглига ҳар нарса келаверди.
"Биронта армейский ошнаси келган бўлса, иш-пиш топган бўлса, ўшанга олиб кетгандир". Аммо дўкондан туз олиб келаётган қўшнисининг, Фотимага уйланадиган йигит дўкончидан Анварни суриштирганини эшитиб, қўрқиб қолди."Боламни четдан-четга олиб чиқиб, ўлдириб ташлаган бўлса-я" Хавотири кучайиб уйда ўтиролмади, ташқарида куймаланиб юрди. Эри ишдан келгач, унга нон-чойини олдига қўйиб, яна ташқари чиқди.
-Ишёқмас ўғлинг қани, эртадан ўзимга ёрдамчи қилиб оламан. Уйда ётмасин.
-Гулмурод акага куёв бўлгич опкетганмиш.
Энди хавотир олиш Нормат навбати тракторчигаям ўтди.
-Тилини тиййиииб юрганда бошига бу балолар тушмасди. Бор гуноҳ ўғлингда. Одамлар ўзига қилинган ёмонликни кечирмайди. Бирон жойга обориб, ичини силкиб ташлаган бўлсалар нима қиласан?
Кейин кенжасига уришди,
-Акам уйда йўқ десанг бўлмайдими? Нега чақириб бердинг.
Бу орада кўзи кўкарган, лаби ёрилган Анвар  бир ҳолда уйга кириб келди.
-Ҳа, таъзирингни беришдими?
Ота ўғлининг тириклигидан хурсанд бўлса-да, сир бой бермади,
-Қўяверинг, йигитчилик. Бир-икки кунда яхши бўлиб кетади.
Анвар ичкари кириб кетди.
Ўзининг бош эгиб Фотимадан кечирим сўраганини кўз олдига келтириб уялди.
"Барибир лохсан Ғайратбой. Қайси аҳмоқ мен  фалончи билан фалон иш қилдим дейди. Кўр ҳам хассасини бир марта олдиради".
2.3k 0 4 112
Bekalar Uchun Xikoyalar

29 Dec, 10:36

Open in Telegram Share Report
Икки дўст болалигида, ўзлари яшайдиган худуддаги бой қўшниларини кўриб, уларга хавас қилиб, орзулар қиларди:
"Келажакда биз ҳам бой бўламиз, бизнинг ҳам қўша-қўша машиналаримиз, икки-уч қаватли уйларимиз бўлади, ана ўшанда ушбу бой одамлар бизнинг ҳам дўстларимизга айланади, тўй маросимларимизда биз билан ёнма-ён туради, кўрганлар хавас қиладилар"
Йиллар ўтиб, болакайлар улғайиб борар экан, ёшликдаги орзулари янада кучайиб, тиниқлашиб орзулар орзулигича қолиб кетмаслик учун амалда ҳам бой бўлиш йўлларни қидиришга тушибди.
Ўйлаб-ўйлаб икки дўст икки йўлни танлабди, танлаган йўллари сабаб, иккиси икки томонга айриладиган бўлибди.
Бири ўқиб, илм олиб келажакда яхши лавозимнинг эгаси бўлиш учун харакатини бошлаб юборган бўлса, иккинчиси айнан ўзи хавас қилган бой қўшниларининг хизматига чопибди.
"Бойларнинг ёнида юрсам, хизматида бўлсам, уларнинг ўзлари менга бой бўлишнинг сирларини ўргатади, келажакда ўртоғимдан анча аввалроқ бой бўламан" деб, хаёл қила бошлабди.
Биринчиси ўз танлаган йўлида олға қадам ташлар экан, бир зум қўлидан китобни туширмай, тинмай илм олишда давом этаверибди.
Иккинчиси эса, бадавлат "ака"ларининг хизматларини қилиб чарчамас, отларига ем берар, молхонасини тозалар, машиналарини ювар, томорқаларини чопар хамда рўзғорига керакли харидларни ҳам ўзи қиладиган бўлибди.
Ўз хизматлари эвазига бой акалари яхшигина пул билан сийлай бошлабди. У эса, танлаган йўли тўғри эканлигидан, тез орада китоб қучоқлаб юрган ўртоғидан ўз мақсадлари учун анча илгарилаб кетишини ўйлаб қувонибди.
Кунларнинг бирида ота-онасидан хабар олиш учун шахардан келган биринчи ўртоқ, махаллада "бой" акаларини машинасини миниб юрган болаликдаги ўртоғини учратиб қолибди.
Икки дўст саломлашибди, ўзаро хол аҳвол сўрагандек бўлибди.
Акаларининг хизматида юрган ўртоғи, дўстига тинимсиз мақтана бошлабди.
- Ана кўрдингми? Мен сендан аввалроқ бойишни бошладим, орзу қилганимиздек, ўша бой акаларнинг доимо ёнларидаман, одамлар менга хавас қилади, мана машинада ҳам юрибман, хозирча бу машина ўзимники бўлмаса ҳам, лекин тез орада менга ҳам худди шунақасидан олиб беради, бунга ишончим комил! Сенчи сен, хали ҳам китоб қучоқлаб, худди мактабдагидек, ўнг қўлингни тепага кўтариб, "устоз мен айтай, мен айтай" деб юрибсанми? Бу юришингда биринг икки бўлмайди, мактабда аъло бахога ўқиб мендан олдинда юрганинг билан, хақиқий хаётда, мендан анча ортда қолиб кетдинг! Хали кўрасан, сен нари борса бир ўқитувчи бўласан, ана ўшанда мен казо казолар билан юрган бўламан ва сен фарзандларимга алифбедан дарс бериб юрган бўласан! -деб, устидан мазах қилди.
***
Кунлар ўтди, кунлар кетидан ойлар, ойлар кетидан эса йиллар.
Илмни танлаган ўртоқ, ўқишни тугатиб, бошқасига ўтиб ўқиди, бирини тугатиб, иккинчисини бошлади, чет элларда ўқишини давомлатди ва ниҳоят кун келиб ўзи яшайдиган туманга хоким этиб тайинланди.
Энди ёшлигида орзулар қилган, хаваси келган ўша бой инсонлар, унинг хизматига ошиқди. Учрашганда, кўришганда қучоқлаб, бағриларига босиб кўришадиган бўлди.
Тўй қилди. Ўша худуддаги барча бойлар, у билан бир қаторда, бир сафда туриб хар томондан келган меҳмонларни кузатди.
Бойларнинг хизматини қилишни ва шу орқали бойишни истаган болаликдаги дўсти эса, ўша бойларнинг машинасини миниб, ўша бойнинг топшириғига биноан, дўстининг тўйида ҳам хизматкор бўлди.

https://t.me/joinchat/AAAAAFCGRHMSMORVycYt4g
2.3k 0 5 38
Bekalar Uchun Xikoyalar

29 Dec, 09:59

Open in Telegram Share Report
Эркак киши аёлини олдида ухламаса гуноҳми?

Эркак киши аёлини олдида ухламаса, яъни аёли бир ўзи хар доим ухласа эркак
кишига гуноҳми?

ЖАВОБ:👇🏼
Жавобини билиш 👈
2.9k 1 2 1
Bekalar Uchun Xikoyalar

29 Dec, 06:08

Open in Telegram Share Report
ИБРАТ.


Бир йигитни ёшлик чогида отаси улиб кетган экан.Унинг онаси кийинчиликларга карамай шахарга юбориб укитибди...Йигит олий маьлумотли эл ардоклаган етук инсон булиб етишибди...Йигит онасини жуда хурмат килар,онасига жуда мехрибон экан...Йигит кишлогига кайтиб котта лавозимда ишлай бошлабди...дустлари кундан кунга орта бошлабди...Бир куни дустлари йигитни токка сайр килгани таклиф килишибди...жуда чиройли манзара куйнида дам олиб утиришган экан,бир туда куй хайдаб келаётган чупонга кузлари тушибди...Чупон муйсафид киши булиб уларни ёнларига якинлашиб келаётган экан...Йигит дарров урнидан туриб чупонга салом берибди...Дустлари уни устидан кулиб ,кимсан фалончи бойвачча чупонга хам салом берасанми дейишибди...Йигит чупонни танибди отасини кадрдон дусти Ашир чупон экан...Ашир бобо йигитни куриб : __Ота угил бормисан...отангга росса ухшаб колибсанку углим ...Котта одам булибди деб эшитгандим сени...хайриятки сени куриб колдим,отангни омонатини кайтариш вокти келди углим...манашу Куйлар хаммаси сеники ,отанг улимидан олдин менга 20 та куй колдириб,углим вояга етганда берасан деганди ...Мана куйларинг 700 дан ошди углим...Омонатингни кайтариб ол мен хам кариб колдим дебди...Йигитни дустлари хангу манг булиб колишибди...Йигит чупонга 200 та куйни ажратиб: Ашир ота мана бу Куйлар сизни хизмат хаккиз...уйдагиларга Мени номимдан салом этинг —деб чупон билан хаерлашибди...Ашир чупон йигитдан жуда хурсанд булибди...500 та куйни хайдаб йигит йулга тушади...тугри бозорга келиб куйларни сотмокчи булади....Куйлар семиз булганлиги учун атрофини харидорлар ураб олишади.... Куйингиз неча пул -деб йигитдан сурашибди...Йигит: Куйларим фалон пул , лекин мен куйларимни насияга бераман.Шу шарт биланки,пулини Онам улган куни берасизлар...шу шартимга кунган киши битталаб етаклаб олиб кетаверсин -дебди...Бозордаги одамлар талашиб тортишиб куйларни етаклаб кета бошлашибди...Йигитни Онаси бу ишлардан хабар топиб йиглаб юборибди Нахотки уз болам мени улимимга шунчали рози булса Мени улимимни тиласа...деб куйунибди...Йигит уйга кайтиб келса Онаси уни хомуш чехра билан кутиб олибди Йигит шунда: Эх Онаи зорим мен чакки иш килмадим волидам...Мен куйларни шунчаки савоб йулига хам таркатиб юборишим мумкин эди,лекин куйларни олиб кетган одамлар :" Ишкилиб фалончини онаси улмасинда Куп яшасин ...агар улса йигит пулини кистайди "-деб сизни дуо килиб юришсин деб атайлаб шунака килдим дебди...Узиз айтардизку Она купчиликни дуоси ижобат булади деб шунинг учун шунака килдим Онажон дебди....Углини бу донолигидан Она севинч куз ёшларини артиб Аллох сендан рози булсин болам ...Отанг сендан рози булсин деб дуо килибди..! Энди хиссадан хисса шуки ....хулоса чикариш сизлардан азизлар...!

https://t.me/joinchat/AAAAAFCGRHMSMORVycYt4g
Bekalar Uchun Xikoyalar
✍️ ENG SARA VA XAYOTIY HIKOYALAR Reklama uchun👇 @xayotimsizkooo
3.8k 0 33 54
Bekalar Uchun Xikoyalar

29 Dec, 05:22

Open in Telegram Share Report
Video is unavailable for watching
Show in Telegram
⛅️ Aссалому алайкум. Якшанба тонги муборак бўлсин.

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

Дам олиш кунингиз мазмунли ўтсин!


https://t.me/joinchat/AAAAAFCGRHMSMORVycYt4g
3.3k 0 59
Bekalar Uchun Xikoyalar

28 Dec, 18:30

Open in Telegram Share Report
-Эээй, Нормат трахтирчини ўғлими, танийман. Нобоп бола. ароққа берилган. бир-икки кун аввал милиса олиб кетганди, қўйворишибди.
-Уйи?
-Мана шу мактаб кўчаси билан тўғри кетаверинг. Каатта тут дарахтининг тенгидан чапга бкриласиз. Ўша ёқда.
-Отасининн исми Нормат аками? Бўпти, топиб оламан.
Ғайрат чиқиб кетгач, сотувчи аёл жигарранг машинани кўриб, қаердадир бу машинани кўрганман."Ээ бу Фотимага уйланаётган йигит-ку. Итнинг гаплари қулоғига етган бўлса керак" деб ўйланди. Манзилини бекор тушунтирдим. Жанжаллашгани келган бу бола.
Бу гапни юрагига сиғдиролмади. Нон олишга келган қўшнисига ёрилди,
-Анов, Фотима турмушга чиқаётган йигит Анварни излаб юрибди. Мошинада келган экан. Манам танимай адресини бердим. Энди нима бўлади?!
-Ҳақиқий йигит экан, Анварнинг ҳақини берсин.
Бу гап ҳам қишлоққа тарқалди.
Ғайрат излаб, Нормат тракторчининг уйини топди, узоқроқдан кузатиб турганди, эшагига ғўзапоя юклаб келаётган бир ёшгина болага кўзи тушди,
-Укам, менга Нормат аканинг ўғли Анвар керак эди. Чақириб бергин.
Бу Нормат аканинг кенжа ўғли эди. Кеча онаси билан касалхонага кетган бола эди.
-Хўп бўлади.
Бола эшагини судраб, ичкари кириб кетди.
Уйда телевизор кўриб ўтирган акасига деди,
-Сизни кўчада жигарранг машинада бир бола сўраяпти. Шаҳарликка ўхшайди.
-Менинг унақа танишим йўқ.
-Чақиряпти-ю, ё бориб айтайми, чиқмас эканлар деб.
Акасининг уйда ётиб, ўзининг даладан ғўзапоя ташиши болага алам қилаётганди, чақиб олди.
-Йўқ, чиқаман, индама.Ҳозир ўзим чиқаман.
Бола чиқиб кетаркан, ўзича ғўлдиради "Ишёқмас, танбал".
Анвар эгнига янги курткасини илдириб кўчага чиқди. Машина олдида баланд бўйли, чиройли кийинган йигит уни кутиб турарди. Анвар йигитнинг бу ерлик эмаслигини бир қарашдаёқ сезди. Ким бўлиши мумкинлигини тахмин қила бошлади. Миясига ялт этиб, Фотимага уйланадиган йигит шу бўлса керак. Гапларимни эшитган, мен билан ҳисоб-китоб қилишга келган" деган гап келди. Бир хаёли ортига қайтмоқчиям бўлди, лекин йигитлик ғурури йўл қўймади. Яқинлашганди, йигит ўзи қўл узатиб кўришди.
-Келинг, сиз билан бироз гаплашиб олишим керак.
Анвар машинага чиқди, машина қишлоқни ортда қолдириб далалар томон елиб кетди.
Машина елдек дала томон учиб бораётганди. Ғайрат йўл четидаги баланд тут дарахти остида тўхтади. Минг турли хаёллар билан келаётган Анвар йигитнинг нега бу ерга олиб келганини бирдамда англамади.
-Тушинг, гаплашамиз.
У индамай буйруққа бўйсуниб пастга тушди. Йўқ у Ғайратдан қўрқмади, бўйи пачоққина бўлса-да, ўзиям кучли эди."Сўтақўзига кучим етади" деб йўл бўйи ўйланиб келаётганди.
-Хўш, қандай гаплар тарқатиб юрибсиз Фотима ҳақида, бизам эшитсак бўладими?
-Гап... тарқатмадим, мастликда бўлган, эсимдаям йўқ.
-Нега айнан Фотима ҳақида, нима қишлоқларингда бошқа қиз қуриб қолганми?
"Чунки ўша айтганларим ҳақ. қўлингдан нима келади? Фотима менинг қўлимдан ўтган, ҳомиладор бўлган, боласини олдириб кейин ўқишга кетган. Сени лох қиляпти бу қиз. кўзингни оч!" дегиси келдию, кечагина милициядаги воқеалар кўз олдига келди."Тўй бузилса, қизга уйланармидинг?" Алдашни лозим кўрди.
-Сиздан сўраяпман?
-Чунки уни севаман. Менга қарамайди. Ўқишга кетиб, энди вапше қарамайдиган бўлган.
-Тушунмадим? Нима сиз бўлмаган гапларни айтдизми? Ё ростданам ораларингда бирон нарса бўлганмиди?
-Йўқ... орамизда ҳеч нарса... йўқ.
-Демак, туҳмат қилибсиз-да?
-Айтдим-ку, мастликда бўлган деб. қишлоқди хотинларига гап етмасин.
-Демак... сиз бўлмаган гапни айтиб, қизни шарманда қилгансиз. Менинг тушунишим бўйича.
-Шундай.
Чаккасига теккан шапалоқдан кўзидан учқун сачраб кетди.
-Нега уряпсиз?
-Бокира қизни ёмонотлиқ қилганинг учун.
Иккинчи шапалоқдан кейин Анвар ҳам қаршилик қилди. Иккиси тут остида роса бир-бири билан муштлашишди. Бирининг кўзи кўкарган, бирининг лаби ёрилган, бирининг курткаси йиртилган, бошқасининг костюмининг енги юлиниб тушган. Хуллас, чарчагунча, мана шундай эркакча гаплашишди.

https://t.me/joinchat/AAAAAFCGRHMSMORVycYt4g
2.5k 0 3 133
Bekalar Uchun Xikoyalar

28 Dec, 16:31

Open in Telegram Share Report
-Жиянларингни онам олиб кетди. Бироздан келишади. Ўтир, чақалоқни ювамиз.
Анварнинг йўқ деганига қарамай бир шиша чиқарди, кечаги овқатни иситди, ёпилган банкалардан бирини очишди, чақалоқни ювишди.
-Почча қачон русга кетасиз, мениям олиб кетинг. Зерикдим. Тузук иш йўқ. Далага чиқишга уяламан, хотинларнинг орасида.
-Мартнинг охирига кетаман. Истасанг бирга кетамиз, лекин у ерниям мазаси қочган. Иш топиш қийин, квартира қиммат. маош оз, доллар кўтарилган. Хуллас, мусопирликдаям нон қолмаяпти укам. Менам яна бир-икки йил ишласам, кейин бироз ер олиб, ўз бизнесимни очаман деб турибман.
-Барибир, мени олиб кетинг...
Иккиси ўтириб бир шишани бўшатишди. Кейин Анвар уйига қайтди. Яхшиям йўлда ҳеч кимни учратмади, ҳеч ким билан гаплашмади, уйига келиб, онасига янгиликни айтди
-Яна ичдингми? Ароққа пулни қаердан олдинг?
-Ойи, опам туғруқхонада экан, ўғилли бўлишибди яна. Поччам қўймай ичирди. Пулга олмадим.
-Кир ухла, даданг кўрмасин. Аввалдан сендан хафа.
Анвар уйга кириб кетгач, қизининг ортидан касалхонага бориш учун шўрва осди, патир ёпди, ертўлага олиб қўйган анорлардан олди ва кечга томон кичик ўғлини ёнига олиб касалхонага отланди.
Дадаси келганда, Анвар ҳалиям ухлаб ётарди. Уйда хотинини тополмагач, отаси Анварни уйғотди.
-Шом чоғида нега ухлаяпсан, яна ичдингми? Ойинг қани?
-Опам туғруқхонада, ўшанга кетгандирлар.Поччам қўймай ичирди.Энди оғзимга ароқ олмайман.
-Молларга қарасанг, ўт-емини берсанг ўласанми, тур ўрнингдан.
Дадаси кун бўйи далада ишлаб келгач, ўғлининг бунақа маст бўлиб, кун бўйи ётишини кўтаролмасди.
-Поччам билан гаплашдим.Мусофирга кетаман. Қутиласизлар менданам.
Отаси сўкиниб чиқиб кетди. Анвар зўрға бошини кўтариб, ўрнидан турди, қўй, сигирга ўт ташлади.
Бу орада онаси касалхонадан келганди.

Фотима ойиси тандирда нон ёпгунча, овқат пиширди, уйларни тозалаб, кечқурун дадаси ишдан келар пайтгача ҳамма ишларни бажарди. Оғилдаги қўйлар, Молхонадаги сигир-бузоққаям ўт-ем берди. Онаси қизининг чаққон ҳаракатларини кўриб, ич-ичидан қувонарди."Чаққонгина, ҳамма ишнинг эпини билади. Бахтли бўлиб кетсин илоҳим"
Кечқурун дастурхоннинг бошида Гулмурод ака гап бошлаб қолди,
-Анови ҳароми биздан нарироқдан топибди. қамашибди.
Фотима бу опасининг ишилигини билиб турарди, дадасига жавоб берди,
-Баттар бўлсин.
-Отаси яхши одам эди, ўғли бунақа паст чиқибди.
-Хусанжон тилпон қилди дадаси,- онаси гапни бошқа томонга буриб юборди.
-Ҳа, яхши эканми? Анчадан буён хабар ҳам қилмайди.
-Яхши, яхши дадаси. Ана қизингиз билан кўпроқ гаплашди.
-Дада, укам ҳарбийликка ўқийман деяпти. Хизматида офицерлари тавсия қилаётганмиш.
-Яхши хизмат қилса, направленя беради-да.
-Онаси ғурурланиб қўйди.
-Ҳарбийга ишга ўтса, ҳукумат қўйган жойда ишлаши керак. Охир чоғимизда ёнимизда бўлар девдим.
-Охир чоғимиз деманг-да, дада. Имкон берилибдими, ўқисин.Ҳали элликка энди кирдингиз. Етмиш-саксон яшаганлар ҳам бу гапни айтишмайди.
Фотима бугун Ғайрат билан ҳам гаплашганди. Эрта-индин ёнингга бориб қайтаман деган гап қилди. Фотима шунга хавотирда." Бир ҳафтада соғиниб қолдимикин, ёки унгаям бўлмағур гаплар етиб бордимикин?"
Ғайрат Фотимани кузатган куннинг эртаси уйига жўнаган, хаёлидан Гуласалнинг гаплари чиқмаётган эди. Барибир ўша мараз билан эркакча гаплашмасам кўнглим жойига тушмайди деган қарорга келган, отасининг машинасини олиб, бир кундан кейин тонгда йўлга тушганди. У ит билан гаплашганимни Фотима билмасин деб ўйлаганди, барибир учини чиқариб қўйди.
Тонг соат бешда йўлга тушганигами соат ўн бирларга Фотима яшайдиган қишлоққа етиб келди.
Дўкончидан сўрайман. Ўша ҳаммани таниса керак деган мақсадда озиқ-овқат дўконига борди.Сигарет олди, дўконда сотувчи аёлдан бошқа ҳеч ким йўқ эди.
-Опа, бир йигитни излаб юрибман, сиз танийсизми, қаерда яшайди?
-Қишлоқди етти яшаридан етмиш яшаригача танийман, ким экан? Бу ерликка ўхшамайсиз.
-Анвар деган бола, яқинда армиядан келган.
2.4k 0 2 99
Bekalar Uchun Xikoyalar

28 Dec, 13:30

Open in Telegram Share Report
-Гап олгани келган ойи, индаманг, сир берманг.
Ўша куни Анварни дадаси чиқариб олиб қайтган бўлса-да, бутун қишлоқ уни қамалганга чиқариб улгурганди.
Дадаси ўғлини уйга олиб келгач, ичкари киритиб, бор аламини ўғлидан олди.
-Эл ичида шарманда қилганинг етмагандай, минг долларниям бошини единг. Амакинг билан тоғангдан қарз олдим. Ўзинг ишлаб узасан. Тилингни қисиб юрсанг ўласанми? Бировди боласи билан нима ишинг бор. Гулмурод яхши одам, унинг қизиям ёмон бўлмаса керак, айтганингда уйлантириб қўярдим, бунча гап ҳам бўлмасди.
-Дада, ўзини ушлолмаган қизди бошимга ураманми?
-У сенга ишонган бўлса, сен ишончини поймол этгансан. Ўзингда гуноҳ борлигини билмайсан. Сингилларингди бирини бошқа йигит шу ҳолга солса нима қилардинг?
-Ўлдирардим.
-Кўрдингми, сен шукур қил. Сениям жазоинг ўлим. Ўғли эшитса, бу кунингни тополмайсан. Одам чиқмадинг сен бола. Келганинга бир ой бўляпти, саланглаб бекор юрибсан, ишлай демайсан. Далага чиқ, етар.
-Қишди кунида дала бўладими?
-Эртадан иш изла, эркак кишига бекорчилик ярашмайди.
Отаси гапириб-гапириб чиқиб кетди.
Уйда қолган Анвар кечадан буён бошидан ўтган воқеалардан роса қўрққанди. Алам қилди."Мен аҳмоқ, тушунтириш ёз деса ёзиб қўйибман. Хатга тушдинг, ўтга тушдинг дегани. Нимага тушунтириш ёздим? Мана шунча пул ҳавога кетди. Милисанинг бошлиғига бориб, сенинг одаминг шунча пул олди, десамчи? Кейин яна тушунтиришим орага тушади. Сўнг ўн минг доллар биланам қутилолмайман. Эҳ аҳмоқ, нимагаям айтдим ўша гапларни? Айтмаслигим керак эди. У-ку, мардлик қилиб мени судга бермади, қаматмади. Мени судга берса, ўзиям шарманда бўларди, шунинг учун бермади, биламан. Барибир, мен эркакнинг ишини қилмадим. Аҳмоқман, аҳмоқ!"
"Қаердан иш топсам бўлади? Қаерда иш бор? Қишлоқда далага чиқмасанг бошқа иш йўқ. Бори йўғи битта мактаб, битта амбулатория бор қишлоқда. Битта озиқ-овқат дўкони бор. Битта кийим-кечак, саноат моллари дўкони бор. Бутун қишлоқда бошқа иш ўрни йўқ. Биронта қурилиш йўқ, давлат иши йўқ. Бизди қишлоқ давлатга қарамасмикин? Нафақага чиққанлар билан ногиронлар давлатдан пул олишади, яна ёш болали аёлларга бироз пул беради давлат Қолганлар нима, очидан ўлиши керакми? Ҳалиям халқимиз меҳнаткаш. Кимдир мол боқади,,кимдир томорқасига теплица қуриб, бозорди гуллатяпти.Мен нима қилсам экан?" Ўйлай-ўйлай ўйига етолмади. Яна далага чиқадими? Хотинларга қўшилиб. Механизаторликка ўқиган бўлсаям майлийди трактор-практор сурарди. Ўқишга кетсаммикин? Мактабниям битта дафтар билан тугатган, исмини зўрға ёзади хато билан. Нима қилсам экан?".
-Уйда ётавермай, опангдан хабар ол. Ой-куни етган, анчадан буён уйга келолгани йўқ.
Онасининг гапи билан опасининг уйига йўл олди.
Опаси қишлоқнинг киравериш томонида, мактабга яқин жойда яшарди. Ерлар лой бўлгани учун, велосипедини ҳам минмай, пиёдалаб йўлга тушди.
"Поччам яқинда мусофирликдан келди, бу йил мени олиб кетмасмикин. Бу қишлоқда ўтиргим келмайди. Одамларнинг гапиданам безор
бўлдим. Қаерданам бошимга бало қилиб, ўша гапларни айтдим. Ичгандим-да. Ўзи нимагаям ичдим." Ўша кун ошнаси ҳарбий хизматдан келганди. Ҳамма йигитлар йиғилишди. Ўйин-кулги қилишди. Кимдир Фотима ҳақида гапирди. Турмушга чиқяпти сеники деди. Маст эди, бу гап миясига урди. Ҳалиям Фотимани яхши кўриб юрганигами, алам қилди. Асли ўша пайт қўрқоқлик қилмай дадасига айтган бўлса, уйлантириб қўяркан. Қўрқди. Қизнинг ишончини поймол қилди. Айб ўзидалигини билиб туриб, ўзини мастликка солиб, бор гапни айтиб ташлади. Мастлик ростлик дегани шудир-да. Поччам билан маслаҳатлашай, уйда ўтирмайман. Ишлайман. Амакимдан, тоғамдан олинган қарзларни беришим керак. Бундан кейин оғзимга ароқ олмайман. Одам бўламан."
Опасининг уйига борганди, уйда поччаси бор экан.
-Яхши бўлди келганинг. Кеча опангди туғруқхонага оборгандим. Ўғил чақалоқ олдик.
-Ёши узун бўлсин. Опамнинг аҳволи яхшими? Жиянлар қани? Хабар ҳам қилмабсизлар. Онам бекорга хавотир олмаган эканлар-да.
2.4k 0 3 119
20 last posts shown.