СЕВАМАН-ДЕ УМРБОД

Юрак мени десин бас,
Бошқа нарса керакмас,
Ишқ йўлида бўлиб маст,
,,Севаман", - де умрбод.

Ҳижрон берма, бўлсин ёт,
Рашк қилсам гар, дема дод,
Сен билан қизиқ ҳаёт,
,,Севаман", - де умрбод.

Кечалар ҳабар кутсам,
Заҳар, алам, дард ютсам,
Ушла маҳкам, қўл тутсам,
,,Севаман", - де умрбод.

Олиб кетгин тоғларга
Жой қолмасин доғларга,
Етай ўша боғларга,
,,Севаман", - де умрбод.

Ташна қилма қонимни,
Асрагинда жонимни,
Сенга берай боримни,
,,Севаман", - де умрбод.

Исминг айтар бу тилим,
Эгасисан сен дилим,
Асраб, авайла қалбим,
,,Севаман", - де умрбод.

✍️Солиҳбегим
Дилафруз Шаҳрихоний

Albatta yaqin insoningizga ham ulashing👇

https://t.me/Begim_hayotimsiz- Yorini sevuvchi baxtli ayollar kanali 🤎

Reaksiya bosib qo’yishni unutmang 💝