ИШИНГ ТУШСА БИЛАСАН

Баҳор, ёзинг қадрини,
Қишинг тушса биласан,
Ёшлик қадрин кексайиб,
Тишинг тушса биласан,

Кўрганинг аслидекмас,
Ҳулосага шошма дўст.
Кимнинг ким эканлигин,
Ишинг тушса биласан.

Пулингга дўстлар бисёр,
Ёлғизсан қолсанг ночор,
Дўстдек боқар гоҳ ағёр,
Ишинг тушса билсан.

Дунё азалдан бир кам,
Ким гирён, ким шод, ҳуррам,
Инсон эрур гадо ҳам,
Ишинг тушса билсан.

Кўинглинг тўлмасин гардга,
Зор бўлиб бир ҳамдардга,
Мард ниқобли номардга,
Ишинг тушса биласан.

Беайб парвардигор,
Ҳар тўкисда бир ғубор,
Ҳар гулда ҳар ҳил ифор,
Ишинг тушса биласан.

Кимлар ёлғон содда,гўл,
Кимга ёқар қуруқ қўл,
Шайтонга қул зотлар мўл,
Ишинг тушса биласан.

Йиғлатарлар дилҳунни,
Тунарлар бор юпунни,
Мўмин алдар мўминни,
Ишинг тушса биласан.

Ишқ бошқа ҳаёт бошқа,
Кўзинг тўлдирар ёшга,
Шерик кўп тайёр ошга,
Ишинг тушса биласан.

Ким яширар шумлигин,
Англамас бир зумлигин,
Дўстим кимнинг кимлигин,
Ишинг тушса биласан.

Каналга обуна бўлиш учун ушбу
линкни босинг 👇🏻👇🏻
https://t.me/+3DY3uc9J-j04YmNi