✅
Toshkent shahar Ichki ishlar bosh boshqarmasi boshlig‘i qish mavsumiga tayyorgarlik holatini o‘rganish maqsadida Mirobod tumaniga tashrif buyurdiToshkent shahar Ichki ishlar bosh boshqarmasi boshlig‘i, general-mayor Aziz Tashpulatov Mirobod tumani hokimi Anvar Sayfutdinov, 2-sektor rahbari, tuman prokurori Bobur Abdullayev, 3-sektor rahbari, tuman IIOFMB boshlig‘i Otabek Xodjayevlar bilan birgalikda 3-sektor hududiga kiruvchi “Temiryo‘lchilar” mahallasida joylashgan SAZIIT nimstansiyasida bo‘ldilar.
Buguni kunda 7 mingdan ortiq aholi xonadonlari va tadbirkorlik subyektlarini elektr energiyasi bilan ta’minlab kelayotgan “SAZIIT” nimstansiyasida Toshkent shahrining energiya barqarorligini ta’minlash, avariya holatlarining oldini olish maqsadida rekonstruksiya qilish va uskunalarni almashtirish ishlari olib borilmoqda.
Sektor rahbarlari bilan bo‘lgan muloqot davomida fuqarolarga ko‘rsatilayotgan xizmatlar sifati, murojaatlarni tezkorlik bilan hal etish, qarzdorliklarni undirish, iste’molchilarni bir me’yorida sifatli hamda uzluksiz energiya manbalari bilan ta’minlash maqsadida olib borilayotgan ishlar holati o‘rganildi.
Podstansiyada elektr qurilmalari va kabellarini tarmoqqa ulash va montaj qilish ishlarini yakuniga yetkazib, obyektni o‘z muddatida foydalanishga topshirish, joriy yilgi qish mavsumini avariyaviy holatlarsiz o‘tkazish va aholiga sifatli va uzluksiz elektr energiyasi yetkazib berish bo‘yicha mas’ullarga tegishli topshiriqlar berildi.
| Facebook | Instagram| Youtube |
Web-site|
