Andijan Football Association

Hakamlik tizimini yanada rivojlantirish, yosh hakamlarning bilim va tajribasini oshirish maqsadida O‘FA tomonidan Hakamlar akademiyasi tashkil etilmoqda. Ushbu akademiya yosh va iqtidorli hakamlarni tayyorlash, ularga professional darajada bilim va ko‘nikmalar berish hamda hakamlar o‘rtasida sog‘lom raqobat muhitini yaratish orqali hakamlik faoliyatining samaradorligini oshirishga qaratilgan.

Viloyatimizda ushbu akademiya uchun ikki nafar yosh hakamlar tanlab olindi va ular uchun amaliy va nazariy mashg'ulotlar olib borildi hamda jismoniy tayyorgarlik holatlari tekshirildi. Akademiyaga boradigon ikki nafar hakam o'rtoqlik uchrashuvlarida ishtirok etdi va o'yindan so'ng o'yin tahlillari bo'yicha ham tushuntirish ishlari olib borildi.

Yosh hakamlarni Andijon futbol assotsiatsiyasi hakamlar va nazoratchilar bilan ishlash bo'limi mutaxassisi Anvar Marajabov hamda tajribali hakam Temur To'xtasinovlar kerakli tushunchalarni berib bormoqda.