ΛLDER

” Atirgul Ko'targan Qiz ” 🌹

Bir yosh dengizchi yigit tasodifan maktub oldi. Tasodifiy maktub umidsiz yurgan dengizchining ishonchini qaytardi. Ko'ngli bir hamdardga zor bo'lgan yigit unga javob yozdi. Garchi ular bir-birini tanimasalar-da, o'zaro maktub almashardilar. Hamdardining ismi Roza ekan. Shu tariqa, ular uch yil davomida xat yozishdi. Dengizchi har bir maktubni qadrlar va Rozasiz yashay olmasligini tan olardi. Ikkisi bir-birini ko'rmagan bo'lsalarda, o'rtada kuchli muhabbat paydo bo'ldi.
Dengizchining xizmati yakuniga yetgach, ular markaziy vokzalda ko'rishishga ahd qilishdi. Bir-birini tanib olishlari uchun Roza atirgulli to'g'nag'ich taqib olishini bildirdi.
Yigit vokzalga kelib uni kuta boshladi. Belgilaganlaridek, soat beshga bong urgach, u ko'rindi. Ko'ylagining yoqasiga atirgulli to'g'nag'ich taqib olgan bir ayol. Uning yoshi taxminan oltmishda edi. Dengizchi ayolni ko'riboq ortiga o'girildi. Shu zahotiyoq qaytib ketishni o'yladi. Ammo... U uch yil ichida o'ziga qadrdon bo'lib qolgan ayolni tashlab ketolmadi. Axir u umidsiz kunlarida do'st bo'lgan, bayramlarda sovg'alar jo'natgan, uchrashish yodi bilan yashashga undagan... Ayol har qanday e'zozga loyiq! Yigit darhol unimg qarshisida paydo bo'ldi va tiz cho'kib qo'lidan o'pdi. Keksa ayol kulib, ortida bekinib turgan qizga imo qildi:
- Adashdingiz, yaxshi yigit, mana haqiqiy Roza!
Yigit unga uyalib boqib turgan o'ziga tengdosh go'zal bir qizni ko'rdi va ajablandi. Keksa ayol unga tushuntirdi:
- Roza o'zining o'rniga uchrashuvga chiqishimni so'ragandi. Agar sen meni ko'rib ketib qolganingda... barchasi tugardi...

aktiv boʻlaylik