Adliya vazirligi bilan hamkorlikda, LexAI huquqiy chat-botini yaratdik. Ushbu loyiha davlat byudjetidan bir tiyin ham ishlatmasdan, butunlay bepul amalga oshirildi!

Bugungi kunda chat-botning birinchi funksiyasi huquqiy masalalarga tezkor javob berish imkoniyatini taqdim etmoqda.

🎯 Yaqin orada ishga tushiriladigan funksiyalar:
1. Hujjat loyihalarini ekspertizadan o‘tkazish – qonunchilik hujjatlari loyihalarini onlayn baholash imkoniyati.
2. Huquqiy amaliyotni tahlil qilish – foydalanuvchilarning bergan huquqiy keyslarini tahlil qilish orqali javob taqdim etish.
3. Hujjat loyihalarini tayyorlash – mustaqil hujjat tayyorlash konstruktori.

🔎 Nega bu loyiha muhim?
Hozirgi kunda Qonunchilik maʼlumotlari milliy bazasida:
• 48 mingdan ortiq hujjatlar mavjud,
• amaldagi hujjatlar soni – 34 mingdan ortiq,
• yaxlit hujjatlar – 28 mingdan,
• oʻzgartirish va qoʻshimchalar nazarda tutuvchi hujjatlar – 5 700 dan ziyod.

Chat-botning bilimlar bazasi 604 million belgidan ortiq bo‘lib, ushbu platformani yaratishda huquq va IT sohasidagi tajribali mutaxassislar 5 oydan ortiq vaqt davomida ishlashdi. Shu bilan birga, barcha texnologiyalar Open source manbaalaridan foydalanmasdan, butunlay mustaqil ishlab chiqilgan.

❗️ Chat-bot hozirda sinov rejimida va huquqshunos-mutaxassislar tomonidan tekshirilmoqda. Tez orada barchaga ochiladi!

Ushbu loyiha O‘zbekiston fuqarolariga huquqiy bilimlarni yanada oson va tezkor yetkazib berish uchun mo‘ljallangan.

@pulatov_kh