Аbdushukur Xamzayev

Ishchi guruh partiya bog‘i bilan tanishdi

Abdushukur Xamzayev boshchiligidagi ishchi guruh Navoiy shahridagi “O‘zbekiston Ekologik partiyasi 5 yilligi bog‘i”da bo‘ldi.

Mazkur bog‘ Navoiy shahrining "Farovon" mahallasida, ko‘p qavatli uylar atrofida tashkil etilgan bo‘lib, partiyaning atrof-muhitni muhofaza qilish, yashil hududlarni kengaytirish, fuqarolarning ekologik madaniyatini yuksaltirish borasidagi amaliy ishlarining yorqin namunasidir.

Bog‘ hududiga 200 tupdan ortiq turli manzarali daraxt ko‘chatlari ekilgan. Ushbu daraxtlar nafaqat ekologik muhitni yaxshilaydi, balki shahar aholisi uchun ko‘kalamzor dam olish maskaniga aylanishiga xizmat qiladi. Ayniqsa, iqlim o‘zgarishi sharoitida bunday yashil hududlar nafas olish sifatini yaxshilash va havodagi chang miqdorini kamaytirishda muhim ahamiyat kasb etadi.

O‘rganish davomida ishchi guruh ekilgan daraxtlarning holati bilan tanishdi hamda ushbu bog‘ni kelgusida yanada rivojlantirish, aholining faol ishtirokida parvarish qilish va uni ekotarbiyaviy maydonga aylantirish bo‘yicha takliflar bildirishdi.

✅Telegram|✅Facebook | 🌐Instagram |🌐 Web site | 📹You Tube

Yashil energiya – barqaror kelajak sari dadil qadam

Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari Abdushukur Xamzayev boshchiligidagi ishchi guruhning Navoiy viloyatidagi o‘rganishlari davom etmoqda.

Navbatdagi manzil Karmana tumanida joylashgan quyosh fotoelektrostansiyasi bo‘lib, u yerda olib borilayotgan ishlar, mavjud infratuzilma va ishlab chiqarish quvvatlari bilan yaqindan tanishildi.

Mazkur stansiya 2021-yil 21-avgustda ishga tushirilgan bo‘lib, 268 gektar maydonda joylashgan. Uni qurish uchun Birlashgan Arab Amirliklarining "Masdar" kompaniyasi tomonidan 110 million AQSH dollari miqdorida investitsiya kiritilgan.

Ushbu yirik quyosh elektr stansiyasi soatiga 100 megavatt (MW) yoki 100 000 kilovatt (kVt) elektr energiyasi ishlab chiqarish quvvatiga ega. Yiliga o‘rtacha 252 million kilovatt-soat elektr energiyasi ishlab chiqarishi hisobiga 80 million kub metr tabiiy gaz tejalmoqda va 160 ming tonna zararli gazlarning atmosferaga chiqarilishi oldi olinmoqda. Bu esa ekologik muvozanatni saqlashda muhim ahamiyatga ega.

Shuningdek, 2024-yil oktabr oyida qo‘shimcha ravishda 717 kVt quvvatdagi zamonaviy quyosh panellari o‘rnatilib, foydalanishga topshirilgan. Hozirda esa yana 125 kVt quvvatdagi panellarni o‘rnatish ishlari bosqichma-bosqich amalga oshirilmoqda. 

✅Telegram|✅Facebook | 🌐Instagram |🌐 Web site | 📹You Tube

"Yashil makon" doirasida olib borilayotgan ishlar o‘rganilmoqda

Oliy Majlis Qonunchilik palatasidagi O‘zbekiston Ekologik partiyasi fraksiyasi rahbari Abdushukur Xamzayev boshchiligidagi ishchi guruh Navoiy viloyatida ekologiya sohasidagi islohotlar va "Yashil makon" umummilliy loyihasi doirasida amalga oshirilayotgan ishlar bilan tanishmoqda.

Dastlabki manzil "Navoiyazot" aksiyadorlik jamiyati bo‘ldi. Korxonaga tutash hududlarda barpo etilgan yashil belbog‘lar holati ko‘zdan kechirildi.

"Navoiyazot" AJ boshqaruvi raisi Farrux Samadov ishchi guruh a’zolariga korxona hududida "Yashil makon" umummilliy loyihasi doirasida 2023-yil bahor mavsumidan boshlab hozirgi kungacha 30 gektardan ortiq maydonga iqlimga mos 78 000 dan ortiq daraxt ko‘chatlari ekilgani, "Navoiyazot" AJ nafaqat kimyo sanoati giganti, balki atrof-muhitga befarq bo‘lmagan mas’uliyatli subyekt sifatida ham o‘zini namoyon qilishga harakat qilayotgani to‘g‘risida ma’lumot berdi.

Abdushukur Xamzayev O‘zbekiston Ekologik partiyasi korxona tashabbuslarini qo‘llab-quvvatlashi va barcha yirik sanoat korxonalari ushbu namunaviy tajribadan o‘rnak olishi zarurligini ta’kidladi.

✅Telegram|✅Facebook | 🌐Instagram |🌐 Web site | 📹You Tube