💼 Axborot texnologiyalari va menejment universiteti (ATMU)ning 2024-yil yakuniga bag‘ishlangan tantanali bayram tadbirini universitet rektori Zafar Sunnatov samimiy tabrik so’zi bilan boshlab berdi. Tadbir doirasida tashkil etilgan qiziqarli viktorinalar ishtirokchilarga yuqori kayfiyat ulashdi va bayramni yanada esda qolarli qildi. Universitet ta’sischi rahbari Dilfuza Rahmonova ham so‘zga chiqib, barcha mehmonlarni va universitet jamoasini bayram bilan muborakbod etdi.

✈️Dilfuza Raxmonova o‘z so‘zida ATMU tashkil topganidan buyon uning respublika miqyosidagi yetakchi universitetlardan biri sifatida tan olinganini, bilimga chanqoq talabalar, izlanishga intilgan professor-o‘qituvchilarning fidokorona mehnati tufayli universitetning yutuqlari yildan-yilga ortib borayotganini alohida ta’kidladilar.

🔍Shuningdek, universitetni rivojlantirish, jamoat ishlari va targ‘ibot-tashviqot sohasidagi yuqori faolliklari uchun bir guruh professor-o‘qituvchilar pul mukofotlari va 10 kunlik xorijiy sayohat yo‘llanmalari bilan taqdirlandi.

🔍ATMU bugungi kunda zamonaviy chet el tajribalarini o‘quv jarayoniga muvaffaqiyatli tatbiq etayotgan, yuqori malakali professor-o‘qituvchilar va zukko talabalar bilan faxrlanadigan ilm-fan va innovatsiyalar markazi hisoblanadi.

✅

Universitet talabalari nafaqat nazariy bilimlarni chuqur o‘zlashtirish, balki amaliy ko‘nikmalarni egallashga ham katta ahamiyat qaratadi. Bu esa ATMUni Respublikadagi eng nufuzli oliy ta’lim muassasalaridan biriga aylantirganining yorqin dalilidir.

⏩ Ijtimoiy sahifalarimiz:
🌐 Telegram | 🌐 Instagram
🌐 Facebook | 🌐 YouTube | 🌐 Sayt