🇩🇪 Germaniyada oliy ta'lim olishni xohlovchilar uchun quyidagi grant dasturlari va stipendiyalar mavjud. Har bir dastur haqida batafsil ma'lumotni e'tiboringizga havola etamiz:

1. DAAD – Magistratura uchun barcha akademik yo'nalishlarda o'qish grantlari

DAAD tashkiloti tomonidan taqdim etiladigan ushbu dastur Germaniya universitetlarida magistratura bosqichini istalgan yo'nalishda davom ettirish imkonini beradi.

👨‍🎓 Kimlar uchun: Bakalavr bosqichini tugatgan yoki uning so'nggi bosqichida o'qiyotgan talabalar. Ingliz yoki nemis tillarini kamida B2 darajada bilish talab etiladi, lekin til bilish darajasi tanlangan universitet talablariga mos kelishi kerak.

💸 Moliyalashtirish turi: O'qish kontraktidan tashqari barcha xarajatlar to'liq qoplanadi. Talabalarga oylik stipendiya va qo'shimcha moddiy yordam taqdim etiladi.

⏳ Qabul muddati: Har yili 28-oktabrgacha ariza topshirish mumkin.

🌐 Qo'shimcha ma'lumot: Dastur haqida batafsil ma'lumot olish uchun DAAD rasmiy veb-saytiga murojaat qiling.
📌 Ras. veb-sayt: DAAD Rasmiy Sayti
📩 El. pochta: info@daad.de

2. DAAD – Rivojlanish bilan bog'liq magistratura dasturlari (EPOS)

Ushbu dastur rivojlanayotgan davlatlar fuqarolari uchun mo'ljallangan bo'lib, ijtimoiy, iqtisodiy va siyosiy rivojlanish sohalarida magistratura darajasini olish imkonini beradi.

👨‍🎓 Kimlar uchun: O'qishni bitirganiga 6 yildan oshmagan va kamida 2 yillik ish tajribasiga ega bo'lgan nomzodlar. Nemis yoki ingliz tillarini bilish talab etiladi.

💸 Moliyalashtirish turi: G'oliblarning samolyot bileti, o'qish to'lovi va barcha xarajatlari to'liq qoplanadi. Magistratura talabalariga oyiga 861 yevro stipendiya to'lanadi.

⏳ Qabul muddati: Har yili 1-iyuldan 31-avgustgacha ariza topshirish mumkin.

🌐 Qo'shimcha ma'lumot: Dastur haqida batafsil ma'lumot olish uchun DAAD rasmiy veb-saytiga murojaat qiling.
📌 Ras. veb-sayt: DAAD EPOS Dasturi
📩 El. pochta: info@daad.de

3. Deutschland Stipendiyasi

Ushbu stipendiya Germaniyada bakalavriat yoki magistratura bosqichida o'qiyotgan yoki o'qishni rejalash-gan talabalar uchun mo'ljallangan.

👨‍🎓 Kimlar uchun: Universitetning qabul talablariga javob beruvchi barcha nomzodlar. Nomzodning o'zlashtirish darajasi, darsdan tashqari faoliyati va erishgan yutuqlari inobatga olinadi.

💸 Moliyalashtirish turi: Butun o'qish davomida oyiga 300 yevro stipendiya beriladi. Dastlab stipendiya 1 o'quv yili uchun taqdim etiladi va keyingi yillarda talabaning o'zlashtirish ko'rsatkichlariga qarab davom ettiriladi.

⏳ Qabul muddati: Magistratura uchun 27-martdan 31-maygacha, bakalavriat uchun 1-iyundan 15-iyulgacha ariza topshirish mumkin.

🌐 Qo'shimcha ma'lumot: Dastur haqida batafsil ma'lumot olish uchun universitetning rasmiy veb-saytiga murojaat qiling.
📌 Ras. veb-sayt: Deutschland Stipendium
📩 El. pochta: kontakt@deutschlandstipendium.de

4. Copernicus Berlin – Xalqaro Stipendiya Dasturi (IES)

Ushbu dastur Sharqiy va Janubi-Sharqiy Yevropa, Kavkaz va Markaziy Osiyodagi barcha yo'nalishdagi talabalarga Germaniyada bir semestr davomida o'qish imkonini beradi.

👨‍🎓 Kimlar uchun: 28 yoshgacha bo'lgan bakalavr, magistratura va PhD talabalari. Nemis yoki ingliz tillarini bilish talab etiladi.

💸 Moliyalashtirish turi: Dastur ishtirokchilarining barcha zaruriy xarajatlar, jumladan, sayohat,viza, kitob,tibbiy sug'urta va turar joy xarajat. qoplanadi. Shuningdek, oylik cho'ntak puli beriladi.

🌐 Qo'shimcha ma'lumot: Dastur haqida batafsil ma'lumot olish u-n Copernicus Berlin rasmiy veb-saytiga murojaat qiling.
📌 Ras. veb-sayt: Copernicus Berlin
📩 El. pochta: info@copernicusberlin.de

5. Zigen Universiteti

Germaniyaning qadimiy oliygohlaridan biri bo'lgan Zigen universitetida o'qish bepul. Universitetda ta'lim nemis va ingliz tillarida olib boriladi.

💸 Moliyalashtirish turi: Universitet ichki stipendiyalar taklif etmaydi, ammo DAAD grant dasturlari orqali o'qish mumkin.

🌐 Qo'shimcha ma'lumot: Universitet haqida batafsil ma'lumot olish uchun universitetning rasmiy veb-saytiga murojaat qiling.
📌 Ras. veb-sayt: Zigen Universiteti
📩 El.pochta: info@uni-siegen.de

💫 @perfekt_deutsch_uz