Пул тапқыш субсидия

Нөкисте бәнтлигин тәмийинлеў ушын субсидия алған Гүлбәҳәрдиң турмысына бир жылдан соң нәзер.

Қаламыздағы "Дослық" МПЖға бекитилген ҳәким жәрдемшиси аймақтағы Г.Айниязованың жумысыз екенлигин анықлап, қала ҳәкимлигине оның бәнтлигин тәмийинлеўде субсидия берилиўине усыныс береди.
Нөкис қаласы ҳәкимлиги тәрепинен 2024-жылдың басында субсидияға тигиў машинасы берилгеннен соң Гүлбәҳәр апа тигиншилик пенен айланысады.
Алтын жер астында жатса да тат баспайды, ширимейди деген сөзлер бар. Мәселен, өнер мәнисинде алып қарасаң да екиленбестен усындай пикирге келиўимизге болады.
Айырым жумыссыз болған адамларды екинши маманлыққа қайта оқытылып, өзлериниң қызығыўшылығына қарап қол мийнетлерин өзлестиргеннен соң субсидиялардың берилиўи турмысындағы машқалалардың шешилиўине ерисилмекте.
Алдыңғы "босаған сандық" дәраматлы қоллар арқалы бахтиярлық демлер менен толмақта, жыйналмақта.
Әйне усындай турмысымыздағы жетискенликлер ҒХҚ итибарына түсип, бүгин репортаж таярланды.