Humans Group 2024 yil uchun moliyaviy va amaliyotli natijalarini taqdim etdi. Kompaniyaning asosiy o'sish drayveri bo'lgan fintex xizmati — Humans Pay bir yil ichida daromadni 60%ga oshirdi

⚡️ Guruhning pul aylanmasi 17 777 mlrd so‘mga yetdi, umumiy daromadi esa 515,4 mlrd so‘mni tashkil etdi. Sof daromad o'tgan yilga nisbatan 9,82%ga oshdi.

Ekotizimning rivojlanishi

📱Ekotizimning faol mijozlar bazasi barqaror o'sib bormoqda: 2024 yil oxiriga kelib u 2,3 ​​million kishidan oshdi — bu 2023 yilga nisbatan 28%ga ko'p.

🔼 Mijozlar ilovadan superapp sifatida tobora ko'proq foydalanmoqda va u yordamida kundalik ehtiyojlarini qondirmoqda. 2023 yil dekabr holatiga ko‘ra, 30 kunlik faol mijozlarning deyarli 88% faqat aloqa xizmatlaridan foydalangan. 2024 yil sentabr oyida bu ulush 84,6%gacha kamaydi. Hozirda 1,25 milliondan ortiq mijozlar superappda kamida ikkita xizmatni birlashtirmoqdalar.

“Biz ekotizimga yangi xizmatlarni qo‘shish har doim faol foydalanuvchilar sonining ko‘payishiga va amaliyotlar sonining oshishiga olib kelishini ko‘rayapmiz. 2025 yilda biz mijozlarimizni BNPL-servis, mikrokredit xizmati kabi qulay mahsulotlar bilan xursand qilishni rejalashtirganmiz, shuningdek, muhtojlarga manzilli peer-to-peer yordam ko‘rsatish uchun ijtimoiy platformani ishga tushiramiz.

Bundan tashqari, biz Humans Market marketpleysida mahsulotlar assortimentini kengaytirishni davom ettiramiz va mahsulotlarni bozorlardan O‘zbekistonning 50ta shahriga yetkazish maydonini ko‘paytiramiz”, — dedi Humans Group bosh direktori va asoschisi Vladimir Dobrynin.

Humans Pay: sof daromad o'sishining asosiy omili

📈 Fintex Humans rivojlanishining asosiy omillaridan biri bo'lib qolmoqda. Humans Pay to‘lov va o‘tkazma xizmatining sof daromadi 2024 yilda 133,1 mlrd so‘mni tashkil etdi, ya’ni 2023 yilga nisbatan 59,98%ga o‘sdi. Humans Pay servisining noyob mijozlari soni 2024 yilning birinchi uch choragida 701 ming kishidan oshdi – 2023 yilning shu davriga nisbatan 21,27%ga ko‘p.

🔝Humans Pay nafaqat foydalanuvchilar soni tufayli o'sdi. Mijozlar ilovaga tez-tez kirishni, ko'proq amaliyotlarni bajarishni va bir-birlariga ko'proq pul o'tkazishni boshladilar. 2024 yilning birinchi uch choragida kartadan kartaga o‘tkazmalarning umumiy hajmi o‘tgan yilning shu davriga nisbatan 151,63%ga, faol foydalanuvchiga to‘g‘ri keladigan amaliyotlar soni esa 62,15%ga o‘sdi.

Humans Mobile: Mijozlar cheksiz Internetni tanlaydi

📞 Telekom yo'nalishi ham O‘zbekiston aholisining ortib borayotgan ulushini qamrab olmoqda. 2024 yilda Humans telekom faol mijozlari soni 1,56 milliondan oshdi, ulardan 279,2 ming nafari cheksiz internet paketlaridan foydalanmoqda – o‘tgan yilga nisbatan 78,55%ga ko‘p.

“2024 yilda Humans deyarli barcha asosiy ko‘rsatkichlarda ikki xonali o‘sishni ko‘rsatdi. Biz telekom-biznesidagi mavqeimizni sezilarli darajada mustahkamladik va telekom-xizmat foydalanuvchilarini ekotizim mahsulotiga o'tkazishga qaratilgan strategiyaning samaradorligini tasdiqladik - Humans mijozlari superapp doirasida bir vaqtning o'zida bir nechta xizmatlardan tobora ko'proq foydalanmoqda.

Afsuski, Markaziy bankning namunasiz harakatlari va tartibga soluvchining xolis diskriminatsiyaviy siyosati tufayli fintec sektorini rivojlantirish rejalari to'liq amalga oshirilmadi. Shunga qaramay, Humans jamoasi ekotizimning o‘sishini qo‘llab-quvvatlash va eng muhimi, uning rivojlanishini davom ettirish uchun qo‘lidan kelgan barcha ishni qildi”, — deydi Vladimir Dobrynin, Humans Group bosh direktori va asoschisi.