Bintu Sobir

🌙Ramazon oyining fazilatlaridan.

Ramazon – ro‘za va namoz oyi, gunohlardan xalos bo‘lish va mag‘firat oyidir. Ramazon sadaqa va ehson oyi bo‘lib, unda jannat eshiklari ochiladi, savoblar ko‘paytiriladi, xatolar kechiriladi va darajalar yuksaltiriladi. Bu oy – duo ijobat etiladigan oy bo‘lib, unda gunohlar mag’firat qilinur. Alloh taolo bu oyda bandalariga cheksiz karomat ato etib, oliy martabalarga yetkazadi, saxovat egalarining mukofoti ziyoda qilinadi.

Islom ulamolari “RAMAZON” so‘zining har bir harfini ma’noli tarzda tavsiflashgan. Bu tasnif ramazon oyining mohiyatini yanada chuqurroq anglashga yordam beradi:

ر - “Ro” → Rahmat (رحمة) – Mehribonlik

Ramazon oyi Allohning bandalariga bo‘lgan rahmati bilan to‘la. Bu oyda Alloh mo‘minlarni gunohlaridan poklaydi va rahmati bilan siylaydi.

م - “Mim” → Mag‘firat (مغفرة) – Gunohlarning kechirilishi

Rasululloh s.a.v aytdilar:
“Kim imon bilan va mukofotni Allohdan umid qilib Ramazon ro‘zasini tutsa, uning avvalgi gunohlari kechiriladi.” (Buxoriy, 38)
Ramazon gunohlardan poklanish va Allohning mag‘firatiga erishish oyidir.

ض - “Zod” → Ziyo (ضياء) – Nur va hidoyat

Bu oyda Qur’oni Karim nozil qilingan bo‘lib, insoniyatga hidoyat yo‘lini ko‘rsatadi.
📖 “Ramazon oyidirki, unda odamlarga hidoyat bo‘lmish hamda hidoyat va furqonni (haq bilan botilni) ajratuvchi aniq dalillar tarzida Qur’on nozil qilingan.” (Baqara surasi, 185-oyat)

ا - “Alif” → Ajr (أجر) – Savob va mukofot

Ramazonda qilingan har bir ibodat va ezgu amal odatdagidan ko‘ra ko‘proq ajr va mukofot bilan taqdirlanadi. Hadisda kelgan:
“Alloh aytadi: ‘Ro‘za Men uchundir va Men uning mukofotini beraman.’” (Buxoriy, 1904)

ن - “Nun” → Najot (نجاة) – Do‘zaxdan qutulish

Ramazon oyining oxirgi kunlarida Alloh do‘zaxdan ozod qilinadigan bandalarni tanlaydi.
📝 Rasululloh s.a.v aytdilar:
“Ramazonning bosh qismi rahmat, o‘rtasi mag‘firat, oxiri esa do‘zaxdan najotdir.” (Bayhaqiy)

🌙 RAMAZON – Allohning ulug‘ ne’mati!

🌙Ramazon…
O’n bir oy ichida o’n bir yulduz orasida tanlangan Yusufdek go’yo…
Uni o’ldirmang…
Uni tubsiz jarlikka tashlamang…
Uni arzimas bahoga sotmang…
Aksincha, uni qadrlang, shoyad bizga manfaat berar…(Adham Sharqoviyning kitoblaridan)

❗️Ramazonni to‘liq qadriga yetib o‘tkazgan inson ikki dunyo saodatiga erishadi, insha Alloh!Alloh barchamizni Ramazonning rahmatidan, mag‘firatidan va do‘zaxdan najot topgan bandalaridan qilsin!

IDA

Iftor vaqti kirgach
ogʻiz ochishdan avval oʻqiladigan maxsus duo bormi?

Rosululloh sollallohu alayhi vasallam roʻzada xurmo va suv bilan iftor qilib

▶️Soʻng Allohga xamd aytib

ذَهَبَ الظَّمَأُ، وَابْتَلَّتِ الْعُرُوقُ، وَثَبَتَ الأَجْرُ إِنْ شَاءَ اللّٰهُ

« Zahabaz- zomaʼ, vabtallatil- uruq va sabatal- ajru In Sha Alloh ».
-der edilar

✅Manosi~
Chanqoq ketti,
tomirlar namlandi,
va ajr xosil boʻldi in shaa Alloh.

🌟Abu Dovud

🕌Har bir ishda Nabi alayhissalomga taqlid qilib ibodat qilishga buyurildik.

❎Bu duoni ogʻiz ochish duosi deb oʻylab, ogʻiz ochishdan avval aytish XATO

✍️Duoni maʼnosiga qarang
chanqoq ketti
tomirlar namlandi deyildi

✅demak iftorda suv ichib, biror nima yeb soʻng xursand xolatingizda shukrona bilan aytishligingiz SUNNAT boʻladi

Rosululloh
Roʻzadorga ikki quvonch beriladi

💎Birinchisi~iftor vaqtida
Ikkinchisi~Robbisiga yoʻliqqan vaqtida deganlar

Har iftor vaqtidagi quvonchda

💎Ikkinchi eng ulugʻ quvonchni~Robbingiz xuzuriga qaytgandagi quvonchni albatta soʻrab duo qiling

💎Qimmatli duolaringizda
Ramazonga yetib kela olmagan moʻminlarga ham raxmat soʻrashni unutmang❗️