Zarifbek's Archive

Cheklov = Erkinlik

Mark Mansonning Hammasi Kirib Yotibdi (Everything is F*cked) degan kitobi bor. Shu asarida u juda chuqur falsafiy fikrlarni ilgari suradi.

Ya'ni hayotda doim og'riqlar, cheklovlar, qiyinchiliklar bo'ladi. Bundan qochishni iloji yo'q deydi. Gap qaysi qiyinchilikni tanlashda. Agar bugun ertalab turib dars qilish qiyinchiligini tanlamasang ertaga past oylikda yashash qiyinchiligini tanlagan bo'lasan.

Agar bugun farzandingizni tarbiyalash qiyinchiligini tanlamasangiz ertaga uni jinoyatini qiyinchiligini tanlaysiz. Agar bugun sport va sog'lom ovqatlanish qiyinchiligini tanlamasangiz, ertaga og'ir vazn qiyinchiligini tanlaysiz.

Ya'ni intizom va cheklovlar bu bizning qamog'imiz emas, balki erkinligimizdir. Bugun o'zimni o'qishga majbur qilishim ertaga moliyaviy erkinlik beradi. Bugun sport bilan shug'ullanishga majburlashim ertaga salomatlik erkinligini beradi.

Hamma gap mana shu tanlovlarni to'g'ri tanlashda. Hali bizda tarqalmagan bir hodisa bor. AQSHda o'z o'zi haqida qayg'uruvchilar ko'ngli nimani xohlasa shuni qiladi. Buni self-care deyishadi. Mark Manson mana shu holatni qattiq tanqid qilib fikr bildirgan. Aslida self care bu self discipline. O'zini uzoq muddatli o'ylagan odam bugun ko'ngli tusagan narsaga davay deyavermaydi. Qiyinchiliklaringizni ehtiyot bo'lib tanlang. Menimcha faqat shunda o'z hayotingizning muhandisi bo'lib ajoyib bino barpo eta olasiz.

👉 Sirojiddin Boboqulov 👈