Yaxshilikka yomonlik qaytarilarmish,
Yaxshilik eslanmas, bo'ldi yuz sana,
Yaxshilarni mazlum aylashar yana.
Birodarlar orqadan pichoqni sanchib,
Aybni ham yelkangga yuklaydi yanchib,
Yaxshilikka yaxshilik ertaklardaymish.

Tuproqning yuziga kelgan odamlar,
O'ylashib tuproqni o'zlarin mulki,
O'zganing Vatani - bularning yurti,
Kesik boshlar bo'lgan Vatan farzandi,
Kurashib haq yo'lda bo'ldilar bandi
Jaholatga ko'z yumilgan bu damlar.

Yov kelar qaramay keksa-yu yoshga,
Ona farzandi uchun yig'lay olmadi,
Ulgurmadi bungga, yashay olmadi.
Havodan kelgan bitta daydi o'q
Butun bir avlodni endi qildi yo'q,
Faryodlar o'yilib yozildi toshga.

Ey Falastin go'dagi, qaddingni bukma!
Sen Mahdisan, sen Aqso imomi,
Qudratli ko'rsatib butun Islomni
Tarixlarda bitilajak sening iymoning,
Vataningga sevging, dinda qalqoning.
Yovning nimjon kuchidan qo'rqma va cho'kma!