Kundalikdan
(Do'st)
Dunyo ne'matlarining ichida yaxshi do'stning borligi ham alohida tole. Million kishidan bittasiga balki u nasib qilar. Yillar o'tsa ham o'zgarmaydi, sifati buzilmaydi, "narxi oshsa" oshadiyu, lekin senga kelganda siniq ko'nglini tutib turaveradi.
Hammadayam "birovga aytib bo'lmaydigan" ikki og'iz nimadir bor. Yo hasrati, yo quvonchi, bir ichkin armoni, yorilolmagan g'azabini do'stiga ishonadi. Yoshimiz nechchiga chiqqanining farqi yo'q. Bizga doim eshitguvchi kerak.
Zotan bandalarini birdek sevguvchi, eshitguvchi Alloh, qatoringizdan ham xayrixoh kishisini umringizga saylab bersa, qanday baxt!
Hayotimizga berilgan kishilarning ba'zilari imtihon, ayrimlari omonat, ayrimlari rag'bat yoki yo'l.
Sinovdan o'tsangiz, omonatdor bo'lasiz. Ularni himoya qilsangiz, rag'batlantirilasiz. Olganlaringiz yo'l bo'ladi. Yo'l boshidagi hamroh do'stdir.
