YAQIN

Hasanxon domlaning suhbatini tinglab o‘zim bilgan va boshqa onalarga ham o‘rgatishga harakat qilayotgan uslub va metodlar naqadar to‘g‘ri ekaniga amin bo‘lyapman. Homeschooling - uyda ta’lim zamonaviy va mumtoz ta’lim uslublarini qo‘llashi naqadar to‘g‘riligini ko‘proq tushunyapman. Bolaning har tomonlama rivojlanishida onaning va oiladagi muhitning roli katta ekanini ustoz ham ta’kidlagan ekan.

Hasanxon domla aytadi:
— Til qancha boy bo‘lsa tafakkur ham shuncha boy bo‘ladi. Badiiy kitoblar o‘qiydigan, she’riyatga qiziqqan ona bolasiga ham shuni o‘tkazadi. Onaning tili shirin bo‘lsa, go‘zal bo‘lsa bu o‘z-o‘zidan oilasiga ijobiy ta’sir qiladi. Biz bolaligimizdan Navoiyni tushunar edik, nega shunday? Chunki onamiz, buvimiz o‘sha g‘azallarni doim o‘qardi, munojot g‘azallarini aytib yurardi bizga o‘qib berardi.

Mavritaniyalik alloma Muhammad Hasan Dedu 50tacha fanda mutaxassis, biror masalada savol so‘ralsa miyasidan batafsil javob beradi. Qur’oni Karimni, Hadisdan barcha sahih to‘plamlarni yodlagan, undan tashqari o‘n minglab she’r yodlagan, shar’iy ilmlardagi asosiy matnlarni yodlagan. Shuncha narsani qanday o‘rgangansiz desa ko‘p kitoblarni onam o‘rgatgan degan edi.

Yuqoridagi suhbatda mana shunday qiziqarli va manfaatli fikrlarni aytgan ekanlar. Alloh barchamizga amal qilinadigan manfaatli ilm bersin.

https://t.me/YaqinOzbek

Shu maqola ostiga yozilgan izoh. Va alaykum assalom va rohmatulloh va barokatuh
————

Assalomu alaykum. Hurmatli, qadrdon ustozimiz Iroda Ahmed, sogʻ-salomatmisiz? Ilm olishda va oʻrgangan qimmatli ilmlaringizni biz, ayollarga, ulashishdan hormay-tolmay yuribsizmi? Postingiz xuddi bizga aytilgandek boʻlibdi, Mashaa Alloh.

2024-yilda Ona-madrasadir tinglovchilarining 5-guruhida oʻqiganman. Kursdan olgan anglashlarim va bilimlarim olam-olam, bitta postga sigʻmaydi. Oldin ham yozganman va qayerda suhbat boʻlsa, kursni tavsiya qilaman. Taqdirlari oʻxshash, kitobga oshno, qalblari yaqin boʻlgan dugonajonlar topganim esa alohida bir mavzu. 2024-yilda eng esda qolarli voqea deyishsa, hech ikkilanmay Ona-madrasadir kursi deya olaman.

Shunaqangi maroqli suhbatlar boʻladiki, yozilganlarni birortasini oʻtkazib yubormay oʻqiyman. Boshqa viloyatlarda boʻlishsada, hadyalar joʻnatishlaridan esa lolman. Faqatgina Alhamdulillah deya olaman. Yaqinda bir kursdoshimiz kitob hadya qilib joʻnatibdilar. Ohirgi marta maktab paytida dugonamdan kitob sovgʻa olgandim. Hoʻjayinim va ota-onam tinmay kitob olib berishsa ham, oʻzimning kitob sotib olishga qurbim yetsa ham, kursdosh dugonaning hech bir sababsiz kitob hadya qilishi juda ajoyib tuygʻu ekan, Mashaa Alloh.

Koʻpchilik ayollar olgan tillalari va brend kiyimlari bilan maqtanishsa, bizning guruhda Ona-madrasadir kursi tolibalari olgan kitoblari va farzandlari uchun olingan rivojlantiruvchi oʻyinchoqlar va kitoblari bilan maqtanishadi. 😁 Ustoz, shu kursni tashkil qilganingiz va bizni bir-birimiz bilan tanishtirganingiz uchun mingdan-ming rahmat. Allohim ilmingizga va vaqtingizga baraka bersin. Alloh sizdan rozi boʻlsin, ustozim Iroda Ahmed. 💐💐

✍Odina Shodmonova

https://t.me/YaqinOzbek

#savol #savoljavob

❓O'zimni isloh qilmoqchiman. Nimadan boshlashim kerak?

Javob:

Har kuni boshingizda aylanib yurgan o'y-hayollaringizga e'tiborli bo'ling.

Nimani o'ylayapsiz? Nima haqida ko'proq fikr yurityapsiz? Atrofingizdagilar bilan nima haqida suhbatlashyapsiz? Shubhasiz sizdagi o'y-hayollar sizda ma'lum bir hissiyotlarni keltirib chiqaradi.

Hissiyotlaringizga e'tiborli bo'ling, ularni nazorat qiling. Shubhasiz sizdagi hissiyotlar sizda ma'lum bir xatti-harakatlarni keltirib chiqaradi.

Xatti-harakatlaringizga e'tiborli bo'ling zero bu sizda ma'lum bir odatlarni yaratadi.

Odatlaringizga e'tiborli bo'ling zero sizdagi odatlar sizni xarakteringizni (xulq-atvorni) yaratadi.

Xarakteringizga e'tiborli bo'ling zero bu sizning qadaringiz, hayotda qanday yashab o'tishingizni sizdagi xulq-atvor belgilab beradi.

Shunday qilib hammasi nimadan boshlangan edi? Sizdagi o'y-hayollar, tushunchalar, fikrlash tizimidan. Eski odatlarni tashlab yangi odatlarni shakllantirmoqchi bo'lsangiz avvalo tushunchalaringizni yangilang, fikrlash tizimingizni yangilang.

Hop buni bildik, shu tushunchalar qayerdan kelib chiqadi desangiz - Siz har kuni nima o'qisangiz, ko'rsangiz, tinglasangiz, oilada, do'stlar davrasida nima haqida suhbashsangiz shubhasiz shu narsalar sizni o'y-hayollaringizni band etadi, fikrlash tizimingizga ta'sir qiladi.

Keling, kecha o'tkazgan bir kuningizni taftish qiling, xolisona tahlil qiling.

Har kuni nima ko'ryapsiz? Serialmi, falonchi yulduzni nima ovqat yeganimi yoki qayerga sayohat qilganimi? Yoki foydali hujjatli filmmi? Manfaatli ko'rsatuvmi?

Har kuni nima o'qiyapsiz? Be'mani vaynlarga qoldirilgan tuturuqsiz izohlarnimi? Shou biznesdagi xabarlarnimi? Yoki tafsirmi? Siyrat kitobimi? Hadislar sharhimi?

Har kuni nima tinglayapsiz? Vaqtingizni o'g'irlaydigan be'mani qo'shiqlarmi? Yoki mutolaa ilovasidan audio kitoblarmi? Ustozlarning kanalidan darslarmi?

Dunyodagi voqea-hodisalarga qanday nazar bilan boqishni dunyoqarash deyiladi. Dunyoqarash ilm olish bilan o'sib, rivojlanib boradi. Agar siz ma'naviy ozuqalar bilan dunyoqarashingizni yangilamasangiz, yangicha harakatlana olmaysiz. Zero har qanday harakat ildizi bir tushunchaga asoslanadi.

Shunday qilib, foydali kitoblar o'qiyverasiz, o'qiyverasiz, o'qiyverasiz. Foydali darslar tinglayverasiz, tinglayverasiz, tinglayverasiz. Foydali ko'rsatuvlar ko'raverasiz, ko'raverasiz, ko'raverasiz. Muvaffaqiyat siri muntazamlikda. Oz bo'lsa ham ilm olishda davom etaversak bir nuqtada uning natijasi albatta ko'rinadi, inshaAllah.

Iroda Ahmed

https://t.me/YaqinOzbek

#shunchaki #eslatma

- Qancha pul topasiz?
- Ustingizdagi kiyimingiz necha pul turadi?
- Uyingizni qanchaga qurgansiz?
- Mashinangiz qayerniki?
- Soatingiz qaysi brend?

Mana shunaqa savollar so'rab intervyu oladiganlarga hayronman. Qanday beti chidar ekan? O'lay agar men uyalganimdan bir daqiqa ham ko'ra olmayman. Nafaqat ruh, qalb, ong, balki jismoniy organizmim umuman qabul qila olmaydi shunaqa videolarni. Agar bir daqiqa ko'rsam ko'nglim aynishni boshlaydi, yuragim siqiladi, boshim ham og'rib qoladi. Lekin o'zbek kontenti shunday videolarga to'la, afsuski.

Iltimos sizlar ko'rmanglar shunday videolarni, talabga ko'ra taklif deganlariday hech kim ko'rmasa shunday videolar chiqmay qo'yadi.

Unutmang, bugun siz kiyib yurgan chiroyli liboslar ertaga kafanga aylanadi. Boy ham, o'rtahol ham, kambag'al ham bir hil oppoq matoga o'raladi.

Bugun siz yashayotgan chiroyli uylar ertaga qabrga aylanadi. Boy ham, o'rtahol ham, kambag'al ham bir hil tuproqni ostiga qo'yiladi.

Bugun sizni hisobingizni to'ldirib turgan pullar ertaga boshqalariga meros bo'lib qoladi. Ishoning hech kim sizni eslamaydi, hech kim ortingizdan bormaydi, hech kim sizga yaxshilik qilishni o'ylamaydi illoki bugun yaxshi amallar bilan o'limdan keyin ortingizdan yaxshilik borib turishi uchun urug'larni ekib ketmasangiz.

Payg'ambarimiz Muhammad sollallohu alayhi vasallam aytganlariday dunyo borasida o'zingizdan pastroqdagilarga qarang shunda Allohning ne'matlariga shukringiz ortadi.

Ma'naviy sayoz, dunyo nazari bilan qaraganda ham past, birovning shaxsiy hayotini ochib berib sizni dunyoga hirsingizni oshiradigan videolar, ko'rsatuvlar hammasini boykot qiling. Bir tiyinga qimmat befoyda, befoydagili ham qolib siz uchun zararli. Qiymatli vaqtingizni manfaatli darslar eshitishga sarflang.

Iroda Ahmed
https://t.me/YaqinOzbek

Vaqtingiz bo‘lganda shu suhbatni tinglang, tarbiya bo‘yicha qimmatli fikrlar aytilibdi, amaliy maslahatlar bergan. Ayniqsa, maqsad qo‘yish va intilishda insonning dardi bo‘lishi, dard qanchalik katta bo‘lsa maqsad ham oliy bo‘lishi, bolalarimizni din va millat uchun dard chekadigan, qayg‘uradigan qilib tarbiyalashimiz kerakligi, ularni yaxshilar qurshoviga tashlab yomonlardan uzoqlashtirishimiz haqida go‘zal fikrlar aytilibdi.

https://youtu.be/l1_3GPD2U_I?feature=shared

https://t.me/YaqinOzbek

G‘arbning davlat maktablari tizimi
o‘g‘illarimizni erkaklik va mardlikdan, qizlarimizni esa ayollik latofatidan mahrum etar.

Ey musulmon ota-onalar,
Farzandlaringiz fitratini asrang,
ularni dunyoviy va dinsiz mafkuralar changalidan qutqaring.

Qizingizning nazokatini asrang.
O‘g‘lingizning mardligini himoya qiling.

Uyda ta’lim berish haqida o‘ylab ko‘ring!

✍Ummu Xolid

https://t.me/YaqinOzbek