Бухгалтер кундалиги

Кийим дўкони ёнидан ўта туриб, сотилаётган пояфзалга маошим ёзилганини кўрганимда жудаям ўксинаман. ©

@buxgalter_kundaligi98

Қаҳрамонларнинг қадри 5 сониялик ҳам эмас😂. По қулади, у ёрдам берган чўчқалар эса дарҳол ортга бурилиб кетворди😁😁😁. Қулагунича ҳам ҳамма ўзига кераклигидан хавотир олди — бири ханжардан, бири ўйинчоқдан. Ҳеч бири Пога эътиборам бермади.

Кўп ибрат олса бўлади.

@buxgalter_kundaligi98

Бўлинган дунё қайта бўлиниш арафасида. Бу сафар "порох тўлдирилган бочка" яқин шарқ бўлмоқда.

Тонгга яқин Эрон исроилга ракета ва дронлар орқали ҳужум қилибди. Бу эса ўз навбатида бошқа кучларнинг аралашувини тақозо этади.

Қонсираган дунё қон ичишни бошлади. Аллоҳ асрасин.

@buxgalter_kundaligi98

Бугун 3 кунлик таътилдан кейин иш куни. Ҳеч ёқмаяпти. Бунинг устига ёмғир ёғмоқда. Айни шу ҳавода иссиққина чой ва бироз ширинликни олиб, дераза ёнида Жек Лондонни ўқишни истайди бу кўнгил. Яхшики, бугун иш вақтимиз қисқа ва эртага яна дам😁.

@buxgalter_kundaligi98

18+
Қўрқинчли ҳикоя

Ярим тун қўйнида сукунат чўккан бир вақтда мен ухлаб ётган уйдаги конфетлар ўз-ўзидан шиғиллаган овоз чиқара бошлади. Аввалига уйқу аралаш пол ёки шифтдаги сичқонлар деб ўйладим. Лекин сал уйқумни очиброқ қулоқ солсам, ёнимда боягина ейишга жой тополмай қолган конфетларимдан келаётганини сездим. Мени ваҳима чулғаб ола бошлади. Аксига олиб телефоним ҳам, ноутбугим ҳам қуввати ўчиб қолган (кечаси билан кино кўриб, инстаграм кириб қурилмаларимнинг қуввати тугаган, эринганимдан рюгзагимдан қувватлагични олмаган эдим). Овоз қаттиқроқ эшитила бошлади. Оёқ-қўлим музлаб, қимирлаёлмай қолдим. Ичимда калима қайтараману, лекин лабимни қимирлатолмайман — қотиб қолган эди. Бир амаллаб бармоғимни қимирлатдим ва бор кучимни тўплаб ўзимга келишга интилдим. Секин пайпаслаб телефонимни топдим-у, қуввати бўлмаса ҳам телефонни ўчириб-ёқадиган тугмасини босиб, ёруғликни конфетларим томонга бирдан тутдим. Даҳшат. Телефоним бир лаҳза ёруғлик сочиб, қуввати йўқ дея кўрсатиб ўчиб қолди. Айни шу бир лаҳзада менга тикилган даҳшатли қип-қизил ўт чақнаб турган нигоҳни кўрдим-у, қўрқув ва совуқдан тишларим тақиллаб кетди. Ичимда тинмай калима қайтараман-у, овозим чиқмайди. Билмайман қанча вақт шу ҳолатда турдим. Сал ўзимга келиб, телефонимни қувватга улаб, таҳорат олиб, маъруза қўйиб уйқуга кетдим. Лекин ҳануз ўша нигоҳни унутолганим йўқ.

@buxgalter_kundaligi98

Аномал совуқ ёки аномал иссиқмас, лекин Касби туманида свет йўқ. Балки нормал об-ҳаво ҳам энди аномал дея тоифаланиб, светни ўчиришаётгандир. Ростданам, балки бу нормал об-ҳавога тайёр эмасдир бизнинг энергетикларимиз.

Свет йўқлигидан от изи ит изига аралашиб кетди.

@buxgalter_kundaligi98

Абдулла Қодирий ғазалига Рауф Парфи мухаммаси

Йил ўтуб, йиллар ўтуб тобора лойға ботамиз,
Иблиснинг супрасинда ваҳдат майини тотамиз,
Онамиз балки гумроҳ, балки сўқирдир отамиз,
Кўр бизим аҳволимиз, ғафлатда қандай ётамиз,
Жойи келғон чоғида виждонни пулга сотамиз.

Бизга ор бўлди наҳот, ёраб, Ватанни куйламак,
Зору зору бу замин етти фалакни ўйламак,
Қизимизга ўргатиб, суф, деб жаҳонни бўйламак,
Ўғлимизга на адаб, на фан, на яхши сўйламак,
На худонинг буйруғи бўлғон улум ўргатамиз.

Ўлтурур эл хонавайрон, ботқон қуёшга кўз тикиб,
Кулфату сомон йиғиб қолмиш яна, бўстон экиб,
Нечалар нарвондадир, нечалар йитмиш кўз тегиб,
Ҳамда ҳар кун такяларда наша, кўкнори чекиб,
Барчага кокил солиб оҳ-воҳ ила ўйнотамиз.

Не баломиз биз ўзи, тўрдамиз, айвондамиз.
Не касофат фели бу – қурдамиз, тайвондамиз,
Беназир паррандамиз, қўрдамиз, ҳайвондамиз,
Қоримиз, боёнмиз, балки бу вақт аҳвондамиз,
Ногаҳон кўрсак агар бесар соқовни қотамиз.

Қайдин эй сен, такаббур, кўксимни михлаб ўйгувчи,
Эй ялоқхўри бало, ичиб қонимни тўйгувчи.
Бормикан олам аро кўнгилга малҳам қўйгувчи,
Ўртадан чиқса агар миллатни яхши суйгувчи,
Биз ани даҳрий санаб тафонча бирла отамиз.

Ақраболар – кўз очиқ, дунёи дун фоний билинг,
Эл учун, Аллоҳ учун, жонни тилинг, танни тилинг,
Келингиз, ул кун ўтди, қуллик асирликни тилинг,
Келинггиз, ёшлар, зиёлилар бу кун ғайрат қилинг,
Ухлағонларни агар Қодир эсак уйғотамиз.

@buxgalter_kundaligi98