🌍 Bolalar Dunyosi

❓

Montessori nazariyasiga ko‘ra bolalarning sezgir davrlari nima va bu davrlarda nimalarga e'tibor berish kerak?

Montessori ta’lim tizimi bolalarning tabiiy rivojlanish jarayonlarini e’tiborga olib, ularning o‘ziga xos sezgir davrlari (sensitive periods) mavjudligini ta’kidlaydi. 0-6 yosh oralig‘ida bola ma’lum ko‘nikmalarni o‘zlashtirishga eng moyil bo‘lib, bu imkoniyat keyinchalik pasayadi. Agar ushbu davrda bola ehtiyojlari qondirilmasa, u qiyinchiliklarga duch kelishi va turli injiqliklar namoyon bo‘lishi mumkin.

Asosiy sezgir davrlar

✅ Til (0-6 yosh) – Bola so‘zlarni oson yodda tutadi va atrofdagilarning nutqini takrorlash orqali tilni o‘rganadi. Shu bois unga ko‘p gapirish, she’r va ertaklar o‘qib berish muhim.

✅ Harakat (0-4 yosh) – Bola tana harakatlarini rivojlantirishga ehtiyoj sezadi. Yugurish, emaklash, sakrash va mustaqil harakat qilish imkoniyatini berish lozim.

✅ Mayda narsalarga qiziqish (1,5-4 yosh) – Kichik detallar, mayda buyumlar bilan ishlash bolani diqqatini oshiradi. Shuning uchun mozaika, lego va konstruktiv o‘yinlar va boshqa shu kabi o'yinlar tavsiya etiladi.

✅ Sezgilar takomillashuvi (0-5 yosh) – Bolalar dunyoni ko‘rish, eshitish, ushlash, hidlash va tatib ko‘rish orqali anglaydi. Ular uchun turli materiallar, ranglar va teksturalar bilan o‘ynash foydali.

✅ Tartib (2-4 yosh) – Bolalar bu yoshda tartibga bo‘lgan ehtiyojni kuchli his qilishadi. Agar tartib o‘z vaqtida o‘rganilmasa, keyinchalik bu qiyinroq bo‘lishi mumkin. Shu sababli, kun tartibini saqlash va bola uchun barqaror muhit yaratish muhim.

✅ Ijtimoiy ko‘nikmalar (2,5-6 yosh) – Bu davrda bolalar atrofdagilar bilan muloqot qilishni o‘rganadi. O‘zaro hurmat, odob va navbat kutish kabi ijtimoiy qoidalarni o‘rgatish kerak.

Yoqqan bo'lsa reaksiya qoldirib keting ☺️

📤 Yaqinlarga ham yuborib qo'ying
🌍 Bolalar Dunyosi