Muqaddima vasvasasi yoki ajoyib PR! 😅Va nihoyat, ushbu buyuk asar –
Muqaddima qo‘limga yetib keldi! Bu kitobni ikki yildan ortiq vaqt davomida qidirgandim. Qidirish deyishimning sababi, bu kitob haqida birinchi marta Doktor Oiz al-Qarniy rohimahullohning kitoblarida o‘qigandim. O‘sha kitobda nafaqat
Muqaddima, balki boshqa bir qancha ajoyib asarlar ham tavsiya qilingan edi. O’shanda bu kitobni topish va o‘qish qiziqqan edim.
To‘g‘risini aytsam, kitobni qo‘liga olgan ko‘pchilikning hafsalasi pir bo‘lishi ehtimolini taxmin qilaman. Chunki, bunday ilmiy asarlarni tushunish har kimga ham oson emas. Lekin, ich-ichimdan bu fikrim noto‘g‘ri chiqishini, ya’ni ko‘pchilik bu kitobning qadrini anglab, undan manfaat olishini juda xohlardim.
Muqaddima – oddiy kitob emas, bu ilmiy va falsafiy xazina. Ibn Xaldun bu asarida jamiyat rivojlanishi, davlatlarning yuksalishi va qulash sabablari, iqtisod, sotsiologiya va tarix falsafasini chuqur tahlil qiladi. Bu kitob ilmiy nazariyalar va tadqiqotlarga asoslangan bo‘lib, chuqur mulohaza qilishni talab etadi. Shu sababli, uni oddiy qo‘sh tirnoq ichidagi ommabop kitoblar kabi oson hazm bo‘ladigan asar deb aytish qiyin.
Shunga qaramay,
Muqaddimaning keng auditoriyaga yetib borgani meni juda quvontiradi! Chunki bunday asarlarning ahamiyati jamiyatimiz uchun juda katta. Bu kitobni o‘qib, insoniyat tarixining qonuniyatlarini his qilish, jamiyat va davlatlarning asosiy tamoyillarini anglash – chin ma’noda boylikdir. Bunday kitoblar inson tafakkurini boyitib, keng dunyoqarashni shakllantiradi.(O’qib chiqib yana fikirlar yozaman bu fikirlar ushbu kitob haqida o’qib eshitganlarimdan qisqa xulosalar!)
Xullas, gapiradigan narsalarim ko‘p. Agar qiziqsangiz, soatlab bu asar haqida suhbatlashishga tayyorman! Lekin hozircha shunchaki mana shu matnni yozishga o‘zimni majbur qildim – har doimgidek biroz balki ko’p erinchoqlik qildim!😅
Xulosa qilib aytganda, ushbu matn orqali men ham kichik auditoriyam uchun kichik bir PR qilishga harakat qildim deb o‘ylayman.😅 Bu orqali nafaqat Muqaddimaning muhimligini, balki uning kengroq kitobxonlar e’tiboriga tushishini rag‘batlantirishga intildim). Bunday ilmiy asarlarning ahamiyatini targ‘ib qilish – jamiyat tafakkurini boyitish sari kichik bo‘lsa-da, muhim bir qadamdir!
