𝐐𝐢𝐳𝐢𝐪𝐚𝐫𝐥𝐢 𝐦𝐞𝐭𝐨𝐝𝐢𝐤𝐚

Xayrli kech!

O‘zini himoyachi deb biladigan har bir insonga bayram muborak bo‘lsin! 🥳

⚡️Seminar tarzidagi mashg’ulotlarni olib borish uchun guruhning barcha ishtirokchilari yig’ilganda va ular bir-birini birinchi marta ko’rayotganlarida mavzu yoki o’quv materiali ustida ishlashdan avval o‘zaro muloqot o'rnatishga yordam beradigan usullarni qo’llash foydalidir.

Hatto seminar ishtirokchilari bir-birlari bilan tanish bo’lsalar ham har doim inson gohida yangi va qiziqarli
narsalar bilib olishi mumkin.


Ishtirokchilaming bir-birlari bilan tanishishlari uchun turli o’yinlar variantlari mavjud. Taklif etilayotgan usullardan seminarlarda, shuningdek, bir nechtasini bitta seminarda ham qo’llash mumkin.



Dastlab, siz o‘zingiz haqingizda qisqacha gapirib berasiz. So‘ng bir o‘quvchi ham o‘zini tanishtirishi lozim, tanishtirganidan keyin unga kutilmagan savol beriladi, masalan:

"Nima uchun sizga shunday ism berilgan?" yoki

"Sizning o’tgan yildagi eng katta yutug’ingiz nimadan iborat bo’ldi?" yoki

"Teatr yoki kinoda qanday rolni o‘ynashni xohlaysiz?" Odatda, bunday savollar ishtirokchilarning bir-birlariga nisbatan qiziqishlarini uyg’otadi va fikrlarini ochishga yordam beradi.

Eng muhimi -
so’zlovchiga halaqit bermaslik, diqqat-e’tibor bilan tinglash lozim, chunki ko’pchilik o‘quvchilarguruh oldida birinchi marta so’zga kirishadilar.

Guruh ishtirokchilari bilan tanishuv tugaganidan keyin, darsdagi faollikni ta’minlash maqsadida endi ikkinchi bosqichga o’tiladi. Bunda ishtirokchilar haqida ko’proq ma’lumotlar olish o’zaro muloqotni yengillashtiradi.

Shuningdek ishtirokchilarni
mashg’ulotga bo’lgan e’tiborini kuchayishini ta’minlaydi.


Sherigingiz xaqida so’zlab bering!

Boshqalar haqida so’zlash doim osonroq, shuning uchun ishtirokchilardan sherigi haqida ismi, kasbi, eng katta so’nggi yutug’i, eng katta so’nggi mag’lubiyati, o’zi bilan umumiy tomonlari haqida so’zlab berish so’raladi(tanishtiruv qisqa bo’ladi).

Bunda vaqtni qat’iy belgilash zurur, masalan, tanishuvga - 5 soniya, tanishtirishga - 30 soniya. Bu mashg’ulotga qo’shimcha qiziqtirish tug’diradi.

Agar vaqtingiz juda ham chegaralangan bo’lmasa, tanishuvning boshqa, kengaytirilgan usullarini qo’llash mumkin.

Bunda ishtirokchilar 4-6 kishidan iborat kichik guruhlarga bo’linadi va har bir guruhga, masalan, barchaga xos 5ta
umumiy va 3ta farqli belgilarni topish vazifasi beriladi.
Keyin guruhlar avval a’zolar ismlarini, keyin natijani aytadilar. Bunda ham vaqtni qat’iy belgilash zarur.

https://t.me/+M_sqjpEAUtphMGNi

⚡️MATEMATIKALI METOD

Matematika aql charxidir!
O‘quvchilar har doim o‘qituvchidan yangilik kutishadi. Bir xillik, odatiy dars ularni zerikishga, buning oqibatida esa dangasa bo‘lishga olib keladi.

Yo‘nalish bitta - mavzuni yetkazish. Bu yo‘lda boshni hech qayerga burmay, jiddiy turib yurish mumkin. Va aksincha, yo‘ldan gullar terib, zavqlanish imkoni ham bor. Yangilik, o‘zgachalik kayfiyatni ko‘taradi. Keling, oddiy savol-javobni qiziqarli tarzda amalga oshirishni o‘rganamiz!

✏️Sizga Karra jadvali kerak bo‘ladi. Kichik qog‘ozchalarga jadvaldagi javob sonlardan yozib chiqing. Masalan, 49, 25, 32, 56...

Raqam yozilgan bu qog‘ozchalarni o‘quvchilarga tarqating. Ular bu raqam ortida qanday sir borligi, bu nimani anglatishini o‘ylab, rosa bosh qotirishadi. Har bir o‘quvchi o‘ziga tushgan sonning birinchi raqami miqdoricha savol tuzishi kerak. O‘tilgan mavzu yoki bugungi mavzu yuzasidan. Aytaylik, bir o‘quvchiga 27 soni tushgan, u 2 ta savol tuzadi. Kimgadir esa 81 raqami to‘g‘ri kelsa, 8 ta savol hozirlaydi.

✏️O‘qituvchi partasiga esa karra jadvalidagi misollardan javobsiz tarzda yozilgan qog‘ozlarni qo‘yib qo‘ying.
Masalan, 7×7=? 5×5=? 8×4=? 8×7=?

✏️Shunday qilib, misollar o‘qituvchi yonida, javoblar va mavzu yuzasidan tuzilgan savollar esa o‘quvchilarda!

✏️O‘quvchilarni navbat-navbat doskaga chaqirib, teskari turgan misollardan olishini ayting. Olingan misol baland ovozda o‘qiladi, javobi kimda bo‘lsa, unga misolni olgan o‘quvchi yoki o‘tirgan o‘quvchilar sal avval tayyorlab qo‘ygan savollaridan beradilar. Misolning javobi qaysi o‘quvchida bo‘lsa, tezlik bilan qo‘l ko‘tarishi lozim. Adashib ko‘targan yoki navbatini o‘tkazib yuborgan o‘quvchilar jazolanadi. Bu usul o‘quvchilardan o‘ta xushyorlikni talab qiladi.

✏️Fanlar bilan bog‘liqlik darsingizga yanada zavq beradi! O‘quvchilaringiz zehni qay darajada o‘tkir ekanligini bilib olasiz. Sizning faningizda eng aʼlochi bo‘lgan o‘quvchi, ehtimol, matematikada biroz oqsayotgandir. Yoki aksincha, sizning darsingizda jim o‘tiradigan o‘quvchi matematika bilag‘onidir?!

✏️Qolaversa, savol tuzaman, deb bosh qotirib o‘tirmaysiz. O‘zlari tuzishadi, o‘zlari javob berishadi. Chiqartirishim kerak deb, bir kun oldindan ko‘rgazmali qurollar tayyorlashingiz, pul sarflashingiz shart emas. Qog‘oz va ruchka bilan ish bitadi.

Bu metodni qo‘llayotgan paytda o‘quvchilaringiz oldida Karra jadvali yo‘qligiga ishonch hosil qiling!

Bundan ham qiziqarli va yangi metodlar uchun obuna bo‘ling👇🏻

https://t.me/+M_sqjpEAUtphMGNi

Uy ishlari zanjiri

Kompyuter qarshisida yozuv qilib o‘tirgandim. Chanqab qoldim. Suv ichmoqchi bo‘lib, termosga qarasam, suv yo‘q. Termosni to‘ldirib kelay, deb oshxonaga chiqdim. Termosni stol ustiga qo‘ydim.

Choynakda qaynagan suv yo‘q ekan. Qaynatay deb choynakni to‘ldirish uchun rakovina yoniga keldim. Endi jo‘mrakni ochmoqchi edim. Rakovina kir bo‘lib ketibdi, buni ko‘rib vijdonim uyg‘onib ketdi. Chip-chiroyli qilib yuvib qo‘ydim.😊

Suv to‘ldirdim, gazga choynakni qo‘ydim. Ne ko‘z bilan ko‘rayki, gaz ham bir ahvol. Sodda vijdonim yana titrab ketdi va birpasda gazni ham yaltillatib qo‘ydim. ☺️

Gaz yonidagi qutichada gugurt yo‘q. Gugurt olay deb oshxona shkafidagi yashikka qarasaaamm... Eh bu yog‘ini aytmay qo‘ya qolay, hamma uy bekalari sezgandir vaziyatni... 🤦‍♀️

U yashik bechorada mendan boshqa hamma narsa bor. Yashik bahona butun boshli shkaf ham tartibli bo‘ldi-qoldi. 😌

Gazni yoqay deb gaz yoniga kelsam, qo‘limda gugurt emas, haligi yashikdan chiqqan bir dunyo keraksiz taqir-tuqurlar... 😳

Oshxonada taqir-tuqur nima qiladi, deysizmi? Ixtirochi shumtakalar sharofati bilan un bochka ichidan oyoq kiyim, gilam tagidan karam salat topish ham odatiy hol... 😂

Xullas, shu keraksiz narsalarni olib chiqib tashlay deb tandirxona yonidan o‘tganimga afsusdaman haliyam... 😭

Meni supur, deb mo‘ltillab turgan tandirxona yeri vijdonimni o‘ziga rom etdi... 🥹 Eh soddagina vijdonim-a, shu birgina mo'ltillashga aldandi-qoldi.

O‘zi shu vijdonimning ko‘ngli bo‘shda. Tirnoq tagidan kir axtaradi doim. Yoki men umuman ish qilmaymanmi uyda. Hayronman...😞

Shunday qilib, tandirxonaga qo‘shilib butun hovli-joy vijdonim ko‘nglibo‘shligidan foydalandi. Endi supurgini joyiga qo‘yay deb turgandim, o‘g‘lim suv deb qoldi.

Uyga kirib termosni qidirdim. Topolmadim. Qayerda qoldirganimni bilmaysizmi, mabodo?😱

⚡️Muallima hayoti

⚡️Sinfingiz uchun "Va'dalar daftari" hosil qilishingiz mumkin.

O‘quvchilarni jazolash yoki o‘qishga bo‘lgan ishtiyoqlarini oshirish borasida bu metod juda ajoyib natija beradi.

⭐️Bitta daftar tutiladi. Har bir o‘quvchi uchun alohida sahifa ajratiladi. Daftarning birinchi betiga turli xil va'dalar yoziladi.

Va'dalar quyidagicha bo‘lishi mumkin:
1. Bir hafta davomida umuman darsga kech qolmaslik!
2. Bir oy davomida har kuni bittadan yangi so'z/qoida/teorema yodlash!
3. 14 kun mobaynida barcha vazifalarni o‘z vaqtida bajarish!
4. Sinf munozaralarida 5 marta qatnashish!
5. Kelasi darsdan a'lo baho olish!
6. Ma'lum bir belgilangan sanagacha yangi proyekt/taqdimot/mustaqil ishni muvaffaqiyatli topshirish!
7. Chorak so‘ngigacha birorta til musobaqasida ishtirok etish!
8. Chet tilidan o‘tkaziladigan tadbirda qatnashish!

O‘zingizdan ham ideyalar qo‘shib, ro‘yxatni davom ettirasiz. O‘quvchi "Va'dalar daftari"ni oladi va keltirilgan va'dalardan 1tasini random yo‘li bilan tanlaydi.

Shunda ustoz o‘quvchiga:
"Va'dangda turolasanmi? Bajarolasanmi?" deydi.

O‘quvchi esa: "Va'da beraman, bajarolaman!" deya tasdiqlaydi.

Keyin "Va'dalar daftari"da o‘quvchi uchun ochilgan sahifaga topshiriq olingan sanasi va tugash muddati yozib qo‘yiladi. Barcha o‘quvchilar guvohligida o‘qituvchi va o‘quvchi imzo chekadilar.


O‘quvchi bergan va'dasini tengdoshlaridan uyalib qolmaslik uchun ham chin dildan bajarishga oshiqadi.

Va'dasini bajarish, bajarmasligiga ko‘ra o‘quvchini "Motivatsion quti" yoki "Jazolar guldastasi" metodlari bilan siylang.

Bu metodni, albatta, qo‘llab ko‘ring! Bolada mas'uliyatni yanada oshiradi. Va'da qanchalar muhim ekanligini tushunadi. Umuman har tomonlama foydali texnika bo‘ladi.

😊👍

https://t.me/+M_sqjpEAUtphMGNi