🇮🇱🇮🇷 Eronning Isroilga hujumi borasida umumiy xulosalar HAMAS yetakchisi Ismoil Haniya o‘ldirilganidan ikki oy o‘tib va Hizbulloh Bosh kotibi Hasan Nasrulloh o‘limidan to‘rt kun o‘tib, eronliklar Isroilga va’da qilingan yirik hujumga qaror qilishdi.
Soʻnggi hisob-kitoblarga koʻra, mamlakat hududiga 200 ga yaqin ballistik raketa uchirilgan, biroq ularning salmoqli qismi Isroil havo hujumidan mudofaa tizimlari tomonidan tutib olingan. Ayni vaqtda hujumni qaytarishda Amerika havo mudofaa tizimlari ham ishtirok etgan.
Internetda alohida hududlarda zarbalar borligini tasdiqlovchi videolar tarqaldi, ammo hozircha urilgan harbiy nishonlar roʻyxati nomaʼlum. Kadrlarga koʻra, raketalar qulashi mumkin boʻlgan asosiy joy choʻl boʻlishi ehtimoli katta. Ommaviy axborot vositalarida zarbalar oqibatlari aks ettirilgan videotasvirlar allaqachon paydo boʻla boshlagan boʻlsa-da, Isroil senzurasi Internetga faqatgina muvaffaqiyatsiz amalga oshirilgan hujumni joylashga harakat qilmoqda.
Shunga qaramay, reydning samaradorligi haqidagi bayonotlar arab va Eron OAVlarida tarqalmoqda. Aksariyat OAVlarning taʼkidlashicha, raketalarning kamida 80 foizi nishonga yetgan, Shafaqna esa Isroilning kamida 20 ta F-35 samolyoti yo‘q qilingani haqida maʼlumot berib oʻtdi. Yana bir nishon Gʻazo sektori markazidagi Netzarim chorrahasi yaqinida "tanklar bazasi" boʻlgan.
Gʻarbiy Sohilga kamida bir nechta raketa uchirilgan - ulardan biri bir kishini oʻldirgan. Tel-Avivda yana ikki isroillik yaralangani haqida maʼlumotlar bor.
Eronning hujumi Livan va Gʻazo sektoridan bir vaqtning oʻzida uchirilgan taqdirda sezilarli darajada samaraliroq boʻlishi mumkin edi, ammo bu amalga oshmadi.
Internetda har xil soxta maʼlumotlar tarqaldi, jumladan, havo hujumidan mudofaa raketalarining uchirilishining teskari tasvirlari ham paydo boʻldi. Vaziyatdan foydalangan ayrim “OAV”lar hatto Ukraina tomonidan Moskva shahriga raketalar uchirildi degan maʼlumotlarni ham tarqatishdi. Bu holat esa “fact-checking”ni yana bir bor muhim ekanligini isbotladi.
Eʼtiborlisi, Tel-Avivdagi Eron hujumidan oldin Yaffa hududida terakt sodir boʻldi. U yerda ikki kishi avtomatlardan tramvayda odamlarni otib oʻldirgan, shundan soʻng ular yoʻlovchilarga qarata oʻt ochishgan. Oxirgi maʼlumotlarga ko'ra, sakkiz kishi halok boʻlgan, hujumchilar esa Isroil xavfsizlik kuchlari tomonidan oʻldirilgan.
Raketa hujumi bilan bogʻliq voqea fonida Internetda ikkala voqea oʻrtasidagi bogʻliqlik haqida taxminlar paydo boʻldi - goʻyoki teraktdan chalgʻitish uchun foydalanilgan.
Hujum oqibatlari haqida nisbatan kichik hajmdagi maʼlumotlarga qaramasdan, uning umumiy natijalari aniq va aprel oyida Eronning Isroil hududiga bosqinidan unchalik farq qilmaydi. Va bu yerda gap shundaki, Eron uchun asosiy maqsad katta zarar yetkazish emas, balki isroilliklarning soʻnggi harakatlaridan nafratda boʻlgan odamlar uchun kerakli spektakl yaratish edi.
Shu bilan birga, biz Eronning amalga oshirgan ishini alohida eʼtirof etishimiz lozim. Birinchidan, Eronning vaqtida javob qaytarishga erishgani Isroilni keyingi hujumlarini, nisbatan oqibatlarini oʻylab amalga oshirishiga olib keladi. Ikkinchidan, eronliklar tomonidan uchirilgan raketalar Isroil va uning ittifoqchilari tomonidan sarflangan raketalarga qarshi qarshi mudofaa tizimlaridan ancha arzon. Demak, iqtisodiy nuqtayi nazardan, hujum foydali boʻldi. Boshqa tomondan olib qaraganda bu hozirgi sharoitda yetarli boʻlishi dargumon.
#Eron #Isroil
@sharqshunos_tahlilchilar
