⚽️14-HUDUD⚽️

🏴󠁧󠁢󠁥󠁮󠁧󠁿 Англия
«Манчестер Сити» «Борнмут» билан ўйинда мағлуб бўлгунга қадар АПЛда кетма-кет 32 та ўйинда мағлубиятга учрамаган эди (клуб рекорди) ва «олчалар»га қарши 100% ли ғалабали серияга эга эди (14/14).

🇪🇸 Испания
Иньиго Мартинес таркибда бўлса, «Барселона» кетма-кет 19 ўйинда мағлуб бўлмади.

🇮🇹 Италия
«Наполи» чемпионлик мавсумидан бери биринчи марта А Серияда кетма-кет 5 та ўйинда ғалаба қозонди. Аммо кейин Антонио Конте ўзининг фаолиятида иккинчи марта А Сериядаги уй ўйинида 3 ва ундан кўп тўп фарқи билан мағлуб бўлди (0:3 «Аталанта»га қарши) — бу ҳолат охирги марта 2009 йилда, «Аталанта» «Ювентус»ни 5:2 ҳисобида мағлуб этганида содир бўлганди.

«Эмполи» - Европада ўз майдонида бирорта ҳам гол ура олмаган ягона жамоа бўлиб қолмоқда.

🇩🇪 Германия
Томас Мюллер бир жамоа сафида Германия Кубогида энг кўп ўйин ўтказган футболчилар орасида иккинчи ўринга чиқди (67 ўйин). Фақат Чарли Кёрбель ундан кўп ўйнаган (70 ўйин «Айнтрахт» сафида).

🇫🇷 Франция
«Монако» илк бор 2022/23 йилги мавсумдан бери кетма-кет икки ўйинда мағлуб бўлди. Александр Головин эса март ойидан бери ассист қилмаган ва бу йилнинг февралидан бери гол ура олмаяпти.

🇵🇹 Португалия
Рубен Аморим «Спортинг» жамоасини бошқаришни бошлаганидан бери (2020 йилдан), Европанинг энг кучли 10 лигаси жамоалари орасида энг юқори ғалаба фоизига эга (77%, 120/156 ўйин).

🏟 14-HUDUD |
@xayrulla_hamidov

2016 йилда Испаниянинг Marca газетаси 18 ёшгача бўлган энг истиқболли футболчилардан иборат таркибни эълон қилган эди.

Деярли барчаси топ-даражада ўйнай бошлади.

🏟 14-HUDUD |
@xayrulla_hamidov

Криштиану жуда меҳнаткаш. У ҳар куни танаси, ҳар бир детали билан шуғулланарди, шунинг учун ҳозир ҳам у жуда ажойиб формада эканига ҳайрон эмасман. Ҳа, унинг ҳам муваффақиятсиз ўйинлари бўлган. Агар унинг зарбасидан сўнг тўп нишонга бормаса, у ўйнашни тўхтатмайди. Унда ҳеч кимда топа олмайдиган улкан руҳий куч бор.

Месси эса бутунлай бошқача, у оддий. Менга шундай туюлади, у уйғонганида ўзига: «Бугун учта гол ураман», деб айтади. Кейин майдонга чиқиб, учта гол уради. Феномен! Унга қараб туриб, ҳар доим: «Вау!» дейсиз.

Миралем Пьянич

🏟 14-HUDUD |
@xayrulla_hamidov

Рафиня ўтган ёзда сотиб юборилишга яқин бўлгани ҳақидаги хабарларга муносабат билдирди.

«Таътилда дам олаётганимни эслайман ва бирдан улар мени сотишлари ҳақида эълон қилишди, ўша пайтда ўзингизни товардек ҳис қиласиз. Улар биз билан хоҳлаганларини қилишади. Аммо бизда ҳис-туйғулар бор. Фарзандларимиз бор.

Биз ҳақимизда нима дейишларини эшитамиз ва бу бизга таъсир қилади, совуққон эмасмиз. Мен жаҳлдорман, баъзида арзимас ишларни қиламан. Лекин туғилганимдекман, улғайсам ҳам шундай бўлиб қоламан.

Кетиш ҳақида ўйладим, чунки ўз салоҳиятимга ишонаман ва агар улар мени рад этишса, кетаман. Рафиқам менга ишонади. Ҳаётимдаги муҳим инсонлар менга ишонишади. Бир куни рафиқам билан бу ерда нима қила олишим бўйича барча вариантларни муҳокама қилдик, чунки «Барселона»да ҳали ҳам бир неча йиллик шартномам бор эди. Шуни ҳисобга олдик.

Мен одамларга ишонишмагани нотўғри эканлигини исботламоқчи эдим. Дўстларим ва рафиқам билан яна гаплашдим. Мураббий ўзгарди. Балки, унинг таркиби бордир, эҳтимол, ўйнамасман. Лекин хотиржам эдим. Ишдан бир ҳафта ўтиб, у мени ёқтириб қолади. Мен билан ҳар доим шундай бўлган, ҳатто миллий жамоада ҳам — машаққатли меҳнат туфайли охир-оқибат майдонга тушдим»,

— деди каталонияликлар вингери

🏟 14-HUDUD |
@xayrulla_hamidov

Дортмунд, Рим ёки Леверкузен. ЭТҲ «МЮ»дан кейин қаерга бориши мумкин?

Гарчи нидерландиялик мураббий «Манчестер Юнайтед»да муваффақиятсизликка учраган бўлсада, унинг яхши мураббий эканлигини унутмаслик лозим. Шундай экан, Эрик узоқ вақт ишсиз қолмаса керак.

🇩🇪«Боруссия» Д
Асосий сабаб – Нури Шаҳиннинг жамоаси инқирозга учрамоқда. «Реал»дан қўрқинчли мағлубият, Бундеслигада еттинчи ўрин ва Кубокдан чиқиб кетиш ёш мураббийга саволларни кўпайтирмоқда ва «асаларилар» раҳбарияти нидерландиялик мураббийга мурожаат қилиши мумкин.

Агар унинг «Аякс»даги услубини (чунки «МЮ»да нима қўллаганини тушуниш қийин) асос қилиб олсак, Дортмунд жамоасига мос тушиши мумкин. Тўпни назорат қилиш, юқори прессинг ва ижодкор ярим ҳимоячилар билан ўйнаш – бу борада «Боруссия» ўйинчилари мос келади.

🇮🇹«Рома»
Римда ўйинчилар даражаси бироз пастроқ, лекин уларнинг функционаллиги Тен Ҳагга жуда мос тушади. Дибала, Пеллегрини, Соуле каби ҳужумкор ярим ҳимоячилар билан нидерландиялик мураббий «Аякс» услубидаги футболни такрорлаши учун барча шароит мавжуд.

Бундан ташқари, «Юнайтед»дагидек катта босим «Рома»да йўқ. Йирик, эгосентрик юлдузлар йўқлиги сабабли, ўзининг бироз деспотик мураббийлик услубини татбиқ этишда ҳеч қандай тўсиқ бўлмайди.

🇩🇪«Байер»
Хаби Алонсо жамоаси ЭТҲ Нидерландияда қўллаган услубда ўйнайди. Аммо ҳозирда испаниялик мураббий тинчгина ишламоқда ва кетишни режалаштирмаяпти. Лекин мавсум охири – у «Реал» ёки «Ман Сити»га ўтиши мумкинлиги таҳмин қилинмоқда.

Нидерландиялик мураббий эса янги тайинловга тайёргарлик кўриш учун олти ой дам олиши ва бу унинг учун муваффақиятли бўлиши мумкин. Қатор афзалликлари бор: босим йўқ, юқори даражадаги юлдузлар йўқ, жамоа ёш ва жисмонан тайёр. Услубни ҳам ўзгартириш керак бўлмайди.

Эрик тен Ҳагнинг кейинги клуби қайси бўлади?

«МЯЧ Production»дан таржима қилинди.

🏟 14-HUDUD

📍 Бу расмда Сицилия, Италияда жойлашган Полиззи-Женерезо коммунасидаги ўзига хос футбол майдони тасвирланган. Бу майдон ўзининг бетакрор жойлашуви ва тарихий архитектураси билан диққатга сазовор. Ўрта асрлардан қолган деворлар ва кўҳна бинолар билан ўралган майдон, теварак-атрофни қамраб олган ям-яшил тепаликлар фонида ноёб манзара яратади.

Ушбу майдон кичик ва маҳаллий аҳолининг футбол ўйнаши учун мўлжалланган, аммо унинг жойлашуви Сицилиянинг табиий гўзаллиги ва тарихий бойликларини акс эттиради. Полиззи-Женерезо Сицилиянинг ички қисмидаги кичик шаҳар бўлиб, ўзининг тинч ва манзарали кўринишлари билан машҳур.

🏟 14-HUDUD |
@xayrulla_hamidov

«Манчестер Юнайтед»нинг янги бош мураббийи Рубен Аморим Португалия терма жамоаси ўйинида Криштиану Роналдуни алмаштирмоқда.

🏟 14-HUDUD |
@xayrulla_hamidov

Мундо Депортиво: Ҳанси Флик Эл-Класико танаффусида «Барселона» футболчиларига ҳимоя чизиғида «ҳеч бўлмаса бир метр» орқага чекинса, дарҳол алмаштиришини ваъда қилган.

🏟 14-HUDUD |
@xayrulla_hamidov

«Гамбург» клуби жамоавий фотосурат яратишда ижодий ёндашди: 345 киши клуб логотипини акс эттирадиган тарзда саф тортди.

Ушбу ноёб усул ўйинчиларни, мураббийларни ва жамоа ходимларини бирлаштириб, жамоанинг бирдамлиги ва клубга садоқатини таъкидлайди. Бундай оригинал сурат «Гамбург»нинг жипслиги ва умумий мақсадини ифодаловчи рамзга айланди.

🏟 14-HUDUD |
@xayrulla_hamidov

Hurmatli obunachilar, agar siz Rossiyada yashasangiz va ishlasangiz, u holda sizga Black debet kartasini olishni maslahat beraman. U sizga MDH davlatlariga tez va qulay pul o‘tkazish imkonini beradi.

Black kartasini bepul rasmiylashtirish uchun siz Rossiya fuqaroligiga ega boʻlishingiz shart emas.

Kartaning afzalliklari:

• Quyida keltirilgan havoladan oʻtib karta rasmiylashtirilgandan soʻng birinchi oy MDH davlatlariga bepul 100 000 ₽ gacha pul oʻtkazing. Keyin oyiga obunasiz – 20 000 ₽ gacha, Pro obunasi bilan esa 50 000 ₽ gacha. Undan ko‘piga – telefon raqami bo‘yicha o‘tkazmada oʻtkazma summasining 1% miqdorida komissiya;

• T-Bank hisobidan chet eldagi kartaga bir zumda pul oʻtkazish. Puldan bankka bormasdan darhol foydalanish mumkin.

Tavsifdagi havoladan o‘ting va Black debet kartasini rasmiylashtiring: https://l.tbank.ru/+BRWtsys90AcyNDQy_100

Реклама. АО "ТБанк", ИНН 7710140679, лицензия ЦБ РФ № 2673, erid: 2VtzqxfCZtx

«Реал» Испаниядаги сув тошқинидан зарар кўрганларга бир миллион евро хайрия қилди — фалокат оқибатида 150 дан ортиқ киши ҳаётдан кўз юмди, кўплаб одамлар ҳанузгача бедарак йўқолганлар сафида.

🏟 14-HUDUD |
@xayrulla_hamidov

Фермин Лопес ва «Барселона» янги узоқ муддатли шартнома имзолади✍️

Ла Масия тарбияланувчиси, 21 ёшли ярим ҳимоячи, каталон клуби билан 2029 йил ёзигача шартнома тузди. Фермин учун товон пули 500 миллион еврога кўтарилди✔️

Ушбу мавсумда Лопес «Барселона» сафида 6 ўйинда майдонга тушиб, иккита ассист амалга оширди — иккаласи ҳам Чемпионлар Лигасида «Бавария»га қарши 4:1 ҳисобидаги ғалабада қайд этилди.

🏟 14-HUDUD |
@xayrulla_hamidov

Салиба сенга ўзингни эслатяптими?

Виржил ван Дейк:

«Ҳа, ростини айтсам, мен унинг ёшида бўлганимда ҳозир у эришган даражага яқин ҳам эмас эдим. Албатта, футболнинг гўзаллиги ҳам шундай. Биласизми, менга бошқа ҳимоячиларни кузатиш ва улардан кўп нарсани ўрганиш ёқади. Яхши ўйинчилар жуда кўп.»

Ван Дейк давом этади:

«Аниқки, ҳозирда Салиба катта ютуқларга эришмоқда. Ҳа, айни пайтда у биринчи бўлиб хаёлимга келади. У кучли ўйинчи ва тўп назорати борасида ҳам жуда яхши ишламоқда.»

🏟 14-HUDUD |
@xayrulla_hamidov

Ла Лига «Валенсия» – «Реал» учрашуви ва бошқа бир қанча ўйинларни сув тошқини туфайли кейинга қолдирди.

Испаниянинг жануби-шарқида, Валенсия провинциясида кучли ёмғирлар ва «Дана» довули сабабли кенг кўламли сув тошқинлари юз берди. Сўнгги маълумотларга кўра, камида 95 киши ҳалок бўлди. Баъзи ҳудудлар сув босган йўллар туфайли узилиб қолган, электр ва алоқа узилишлари кузатилмоқда, кўприклар вайрон бўлган.

Ушбу ҳафтада ўтказилиши керак бўлган «Валенсия» ва «Леванте»нинг Испания Кубогидаги ўйинлари ҳам олдинроқ бошқа саналарга кўчирилган эди.

Ла Лига 2 ноябрь куни ўтказилиши керак бўлган «Валенсия» – «Реал Мадрид» ва «Вилярреал» – ««Райо Валекано» ўйинларини ҳам қолдирди.

Ла Лига клублардан 5 ноябрга қадар ўйинлар учун янги саналарни таклиф қилишларини сўради.

🏟 14-HUDUD |
@xayrulla_hamidov

Октябрь ойининг бошқа натижалари — статистика эмас:

✅ Биринчи топ-ўйинларда ғалабалар, муваффақиятсиз сериялар тўхтатилди

Чемпионлар Лигаси ва Примерада «Барселона» ўз мавқеини сезиларли даражада яхшилади. ЧЛда «Монако»дан мағлубиятдан сўнг иккита ўйинда ғалаба қозониб, 10-ўринга кўтарилди. Примерада эса барча учта ўйинда ғалаба қозониб, «Реал»дан олти очкога илгарилаб кетди.

Айниқса, «Бавария» ва «Реал»га қарши бевосита тўқнашувларда эришилган ғалабалар қадрли, чунки улар асосий рақиблар бўлиб, Примеранинг биринчи давраси ва ЧЛнинг гуруҳ босқичида бундай юқори даражали рақиблар энди бўлмайди.

Шунингдек, «Бавария»га қарши олти ўйиндаги мағлубиятли серия ва «Реал»га қарши тўрт ўйиндаги мағлубиятли серия якунланди. Фликнинг хавфли тактикаси иш берди — октябрь ойида «Барселона» рақибларига бирор марта ҳам ҳисобни бошқариш имконини бермади, шу билан бирга 21 та гол урди.

✅ Кадрлар етишмовчилиги пасайди

Дани Олмо, Фермин Лопес, Френки де Йонг ва албатта, Гави сафга қайтишди, бир неча марта захирадан майдонга тушишди ва Фермин «Бавария»га қарши ўйинда ҳатто икки ассист қилишга ҳам улгурди. Октябрь ойида фақат Эрик Гарсия жароҳат олди.

❌ Ассамблея ва молиявий муаммолар

Умумий ассамблея бўлиб ўтди ва ўтган йилги молиявий ҳисобот қабул қилинди — 71,4% делегатлар «ҳа» деб овоз беришди. Йиғилишда қатнашиш даражаси 68% ни ташкил этди (927 аккредитациядан 633 киши). Умуман олганда, делегатлар сони 4,5 мингдан ортиқ бўлиб, уларнинг фақат 15% уйда овоз берди. Мухолифат ушбу масалада ютқазди: кам қатнашув ва минимал «қарши» овозлар. Энди уларнинг кейинги қадамларини кузатамиз.

Бу орада «Барселона» УЕФА ФФП қоидаларини бузгани учун 500 минг евро жаримага тортилди. Агар клуб ўз айбини тан олганида, жарима 80 минг еврогача қисқариши мумкин эди, аммо бу амалга ошмади. Шунингдек, «Барселона» 2023/2024 мавсумидаги зарарлар 91 миллион еврони ташкил этгани ҳақида хабар берди.

🔝 Ойнинг энг яхши ўйинчиси: Рафинья

Левандовски 10 та гол урди, Касадо таянч зонада ишончли ўйнади, Педри ва Кунде ҳам яхши натижалар кўрсатди. Аммо яна энг яхши ўйинчи Рафинья бўлди: у ўртача ўйинда 4,4 та калит узатма амалга оширди ва бешта ўйинда 5 та гол ва 5 та ассист қайд этди.

Рафинья икки ўйинда ҳал қилувчи голлар учун ассист берди, «Бавария»га қарши хет-трик қилди ва «Эл-Класико»да 1+1 натижаси билан «Реал»ни мағлуб этди. Октябрь ойида Рафинья илк бор «Барселона»ни сардор сифатида майдонга олиб чиқди.

Пост SeparatistaCatalan каналидан таржима қилинди

🏟 14-HUDUD |
@xayrulla_hamidov