NamMTI|

⚡️⚡️“Талабалар ҳаракати“ қора кучлар томонидан тугатилди!

Цензура ҳали ҳам мавжуд эканлиги, олий таълим вазирлигининг нақадар қудратли ташкилот эканлигини амалдаги исботини расмда кўриб турибсиз🤬

Контракт масаласини туширишни талаб қилиб бир нечта жасоратли талабалар бирлашиб, минглаб талабаларни бир гуруҳда жамлай олганди. Дастлаб гуруҳ xакерлик ҳужумига учради, ундан кейин эса ҳаракат ташкилотлари бирма-бир сўроққа олиб кетиб, қайтиб келмаган. Гуруҳнинг фаол аъзоларига босимлар бўлган.

Хуллас бу ҳаракат тугатилди, адолатсизлик ғолиб бўлди, сўз эркинлиги бўғиб қўйилди.
Талабаларни бундай катта аудиторияга жамланишини олдини олишдан мақсад уларнинг норозилик намойишлари ўтказишдан қўрқишдир. Жумладан хорижда талабалар жуда катта куч ҳисобланади, бир неча марталаб талабалар ҳаракати тўқнашувларга ҳам сабаб бўлган.

Менимча биздагилар шундан қўрқишади. Аслида қўрқиб хато қиласиз, чунки бизнинг ўзбек талабалари қўрқоқ, ўз ҳаққини талаб қила олмайди. Сиз ўйлагандек намойишлар ўтказишга журъат этолмайди. Бу талабалар аслида сизнинг ёшлигингиз, сиз нимани қойиллатган эдингизу булар қойиллата олса.

Гап эгаларига етиб боради, ҳафсалим пир бўлди, эссиз.

ПОСТ ТУГАДИ.

✅https://t.me/joinchat/AAAAAFgPDxFHJLm7rMPZDA

​​Эсимда, Шавкат Мирзиёев ўз чиқишларидан бирида «Биз онгли равишда одамларни онгсиз қилишга уриндик», деб айтиб ўтган эди. Бугунги ҳолатни ўша сиёсатнинг давоми деб баҳолашга ҳақимиз бор. Миллатнинг келажагига бефарқ бўлган раҳбарларгина талабаларнинг контракт нархларини отнинг калласидек қилиб қўяди. ХТВ негизидаги ҳар қандай ислоҳот, ҳар қандай ҳаракат ва меҳнат, токи контракт суммалари нормаллаштирилмагунича, қадри билинмайди. Буни тушуниш учун профессор бўлиш шарт эмас, назаримда.

Тушунаман, депутатларимизнинг бунақа майда ишлар билан шуғулланишга вақтлари ва тоқатлари йўқ, улар айни вақтда ҳам кўп эҳтимоллар билан қандайдир муҳим ишлар билан банд бўлишлари мумкин. Масалан, Рамзан Кадиров туширилган янги футболкани топиб кийиш ёки қайсидир блогерни қоралаш кампаниясида қўлдан келганча ёрдам бериб иштирок этиш, ёхуд карантин даврида ҳукуматимиз томонидан олиб борилган оқилона хатти-ҳаракатлар тўғрисида катта конспект ёзиш... Шундай бўлса-да, ўзимда журъат топиб, уларни бироз туртиб қўйишга ижозат сўрамоқчиман.

Ҳурматли, халқ вакиллари! Сизлар бехабар қолиб кетганга ўхшайсизлар, бугунги кунларда юртимиз бўйлаб бир неча мингта талабалар Телеграмда «Талабалар ҳаракати» номли группада бирлашиб, ҳукуматга контракт нархларини арзонлаштириш борасида мурожаат билан чиқишмоқда. Улар тушкунликка тушган, бугунги сиёсатдан қаттиқ ғазабда. Талабалар — юрт келажаги! Уларга ёрдам беринг. Шу масалани кун тартибига кўтаринг. Ҳукуматга контрактлар нархларини арзонлаштириш бўйича аниқ ва равшан таклифлар киритинг.

Мен бу ҳақда ёзмас эдим, зеро олдинлари ҳам таъкидлаганимдек, ўзим тушунмаган мавзуларга аралашишни ёқтирмайман. Аммо бугун ижтимоий тармоқларда ушбу гуруҳ админларига босим бўлгани ҳақида хабарлар тарқалди. Шундан сўнг мен ҳар доимгидек, инсон ҳуқуқлари поймол бўлаётгани тўғрисида ёзишга аҳд қилдим. Танқид ва эътирозларни тўғри қабул қила олмайдиган ҳукумат ҳеч қачон фуқаролик жамиятини қура олмайди. Ё аслинг каби кўрин, ёки кўринганинг каби бўл...


Каналга уланинг: 👉@fayzboguz

​​📌 Oliy ta’lim muassasalaridagi yashirin “o‘yin”lar

Har bir davlat ijtimoiy sohasining taraqqiyoti ta’lim tizimining, shuning ichida oliy ta’lim tizimining mukammallashishiga bog‘likdir.

Buning uchun esa oliy ta’lim sohasida qonun buzilishi va kamchiliklarni bartaraf etish, “korrupsiyasiz soha”ga aylantirish bo‘yicha kompleks tadbirlarni amalga oshirish eng dolzarb muammolarning biri hisoblanadi.

Bugungi kunda oliy ta’lim muassasalarining (OTM) o‘quv-uslubiy, ilmiy, ma’naviy-ma’rifiy ishlar buyicha faoliyatidan tashqari quyidagi yunalishlarda ham Korrupsiyaga qarshi kurashish agentligi e’tibor qartaishi lozim bo‘lgan bir qator korrupsiogen holatlar kuzatilmoqda:

Oliy ta’lim muassasalari hududida tadbirkorlik faoliyati bilan shug‘ullanish to‘liq OTM rahbariyati tomonidan monopollashtirilgani, OTM xududida ovqatlanish maskanlari, kanselyariya va kompyuter xizmatlari, nashriyot, qo‘shimcha mablag‘ keltiruvchi faoliyat yuzasidan ijara pullarni shartnomada kichik miqdorda ko‘rsatish, amalda esa qolgan summani naqd holatda o‘zlashtirish jarayoni;

OTMlarni ta’mirlash va yangi binolar qurilishi uchun ajratilgan mablag‘larni o‘zlashtirish, ta’mirlash uchun zarur bo‘lgan mahsulotlarni tender xujjatlarini soxtalashtirish, o‘ziga “qarashli” firmalar tomonidan tender yutib olinishini ta’minlash, qurilish materiallari uchun ajratilgan mablag‘larni “tanish” korxonalarga pul ko‘chirish yo‘li bilan (narxlari oshirilgan holda) sotib olish va o‘rtadagi farqni haq sifatida olish jarayoni;

OTMlarni moddiy texnik bazasini yangilash maqsadida sotib olinayotgan mahsulotlarni, OTM rahbariyatining yaqinlari va qarindosh tomonidan asos solingan korxonalardan bir necha barobar qimmat narxlarda xarid qilish, texnik xizmat ko‘rsatish belgilanganidan ko‘proq miqdorda mablag‘ ajratish;

OTM rahbarlari o‘zlariga “yaqin” professor-o‘qituvchilar va xodimlarmnomiga pulli mukofot yozib, ma’lum qismini o‘zlashtirish xolatlari;

Talabalar turar joylariga talabalarni joylashtirish hamda u yerdagi tashkiliy masalalarga talabalardan qo‘shimcha tarzda mablag‘ yig‘ish jarayoni.

Kelitirib o‘tilgan muammolar ro‘yxati bu bilan cheklanmaydi. Bu kabi tizimli muammolar deyarli har bir OTM uchrab turishi Oliy va o‘rta-maxsus ta’lim vazirligi uchun ham yangilik emas. Lekin yillar davomida bu muammolarni bartaraf etilmaganligi OTMlarning asosiy vazifasi bo‘lgan sifatli ta’lim berishiga to‘sqinlik bermoqda.

Yangi tuzilgan Korrupsiyaga qarshi kurashish agentligi tomonidan yuqoridagi kabi muammolarga ham e’tibor qaratib, ularni bartaraf etishda har bir OTM jamoasining fikrini yashirin tarzda o‘rganilsa maqsadga muvofiq bo‘lar edi.

O‘rganish natijalari ochiq holatda jamoatchilikka oshkor etilsagina bunday salbiy holatlar oldi olinardi. Zero koronavirus pandemiyasi ko‘plab sohalar kabi ta’lim tizimidagi muammolarni yaqqol namoyon etib berdi. Bu muammolarni bugun bartaraf etmasak kelajak avlod bizni kechirmaydi.

Muhammad VALIYEV,
Oliy Majlis Qonunchilik palatasi deputati
Adolat SDP fraksiyasi a’zosi

Do'stlaringizga ulashing
Telegram | Instagram | Twitter