Abiturient Onlayn

​Oʻzbekistondagi oliy taʼlim muassasalarining ichki reytingini bilasizmi?

Oʻzbekiston Respublikasi Vazirlar Mahkamasi huzuridagi taʼlim sifatini nazorat qilish davlat inspeksiyasi oliy taʼlim muassasalarining yangi reytingini eʼlon qilgan edi.

Unga koʻra, eng kuchli TOP-10 quyidagi OTMlar:

1.Oʻzbekiston milliy universiteti
2.Toshkent irrigatsiya va qishloq xoʻjaligini mexanizatsiyalash muxandislari instituti
3.Samarqand davlat universiteti
4.Toshkent axborot texnologiyalar universiteti
5.Toshkent davlat agrar universiteti
6.Toshkent temir yoʻl transporti muhandislari instituti
7.Toshkent tibbiyot akademiyasi
8.Toshkent moliya instituti
9.Toshkent davlat oʻzbek tili va adabiyoti universiteti
10.Toshkent davlat stomatologiya instituti

✅ Eslatib oʻtamiz, birorta Oʻzbekistondagi OTM kuchli TOP-1000 ga kirmagan. 1-oʻrinda turgan OʻzMU dunyo boʻyicha vebometriks maʼlumotlariga koʻra, 4122-oʻrinda turadi.

Abituriyentlar kanali👇
https://t.me/joinchat/AAAAAE1x0asPVo_MAEOhNw

​​Gulistonda tibbiyot kolleji negizida tibbiyot oliygohi tashkil etiladi

Guliston shahridagi Shoshilinch tibbiy yordam koʻrsatish Respublika ilmiy markazi filiali va viloyat koʻp tarmoqli shifoxonasi bir hududda boʻlib, unga tutash yoki atrofida 10 ga yaqin tibbiyot muassasasi joylashgan. Ularni viloyat koʻp tarmoqli shifoxonasiga yagona boshqaruv asosida birlashtirib, “tibbiyot klasteri”ga aylantirish, tibbiyot kolleji negizida tibbiyot oliygohini tashkil etish uchun barcha zaruriy infratuzilma mavjudligi koʻrsatib oʻtildi.

Sogʻliqni saqlash vazirligi va viloyat hokimligiga yil yakuniga qadar xorijiy ekspertlarni jalb qilgan holda “Guliston tibbiyot klasteri”ning loyihasini ishlab chiqib, ishni boshlash vazifasi yuklatildi.
Har bir viloyat hokimi bir oy muddatda oʻz hududida Sirdaryo tajribasi asosida, ilgʻor xorijiy klinikalar bilan hamkorlikda “tibbiyot klasterlari”ni tashkil etish boʻyicha taklif kiritishi belgilandi.

Batafsil ma'lumot
https://t.me/joinchat/AAAAAE1x0asPVo_MAEOhNw

​​⚡️​2023-2024 oʻquv yilidan boshlab 11 yillik taʼlimning soʻnggi 6 yillik baholari oʻrtacha koʻrsatkichi oliy taʼlim tashkilotiga kirish imtihonlarida inobatga olinishi mumkin

2021 yil 1 fevral kuni “Umumiy oʻrta, oʻrta maxsus taʼlim muassasalari va kasb-hunar maktablari bitiruvchilarining baholarini oliy taʼlim tashkilotiga kirish imtihonlarida inobatga olish tartibi toʻgʻrisida” Vazirlar Mahkamasi qarori loyihasi muhokamaga qoʻyildi.

— Unga koʻra:

2022-2023 oʻquv yilidan boshlab umumiy oʻrta, oʻrta maxsus taʼlim muassasalari va kasb-hunar maktablari bitiruvchilarining shahodatnomasi (attestati) (diplom ilovasi)ga majburiy 11 yillik taʼlimning soʻnggi 6 yillik baholari oʻrtacha koʻrsatkichi kiritiladi va ushbu koʻrsatkich 2023-2024 oʻquv yilidan boshlab oliy taʼlim tashkilotiga kirish imtihonlarida inobatga olinadi.

Umumiy oʻrta taʼlim muassasasi bitiruvchilari bahosining oʻrtacha koʻrsatkichini hisoblashda bitiruvchining 6-11-sinflardagi yillik baholarining umumiy yigʻindisi har bir sinfdagi oʻqigan fanlar sonining umumiy yigʻindisiga nisbati olinadi.

Davlat test markazi tomonidan oliy taʼlim tashkilotlariga qabul test sinovlari yakunlanganidan soʻng, belgilangan muddatda, tanlovga qadar abituriyentlarning test sinovi jarayonida toʻplagan ballariga tegishli taʼlim tashkilotlari tomonidan kiritilgan bitiruvchilar (abituriyentlar) baholarining oʻrtacha koʻrsatkichlari qoʻshiladi va tanlov amalga oshiriladi.

Bitiruvchi (abituriyent) test sinovi jarayonida toʻplash mumkin boʻlgan maksimal ballning 30 foizidan kam ball toʻplasa, ajratilgan kvota doirasida tanlovda ishtirok eta olmaydi.

https://regulation.gov.uz/uz/document/28636

Batafsil ma'lumot
https://t.me/joinchat/AAAAAE1x0asPVo_MAEOhNw

👨🏻‍🎓 Eng bilimli abituriyentlar

📌 Davlat test markazi tomonidan bilimli abituriyentlarni munosib taqdirlash maqsadida tanlov o‘tkazilishi va unda 2021-yil 11- va 18-mart kunlari o‘tkaziladigan diagnostik test sinovlarida yuqori natija ko‘rsatgan talabgorlar taqdirlanishi haqida xabar bergan edik.

⏳ 2021-yil 11- va 18-mart kunlari Davlat test markazi va uning hududiy bo‘limlarida diagnostik test sinovlari o‘tkazildi va test natijalari my.dtm.uz sayti orqali talabgorlarning shaxsiy kabinetida e’lon qilindi.

✅ Unga ko‘ra eng yuqori natija (ball) ko‘rsatgan quyidagi 3 nafar talabgor g‘olib deb topildi:

1️⃣ Bo‘riyeva Navro‘zaxon Abdug‘affor qizi 272,2 ball bilan 1-o‘rin (Surxondaryo viloyati);
2️⃣ Burxonova Muxlisa Olim qizi 272,1 ball bilan 2-o‘rin (Jizzax viloyati);
3️⃣ Abatov Kuuanishbay Sag‘inbay uli 263,9 ball bilan 3-o‘rin (Qoraqalpog‘iston Respublikasi).

🎁 G‘oliblar quyidagi sovg‘alar bilan taqdirlanadi:

📱 1-o‘rin – Telefon;

⌚️ 2-o‘rin – Aqlli soat;

🔋 3-o‘rin – Telefon uchun quvvat manbai (Powerbank).

Sovg‘alar tez orada g‘olib deb topilgan talabgorlarga yetkaziladi.
https://t.me/joinchat/AAAAAE1x0asPVo_MAEOhNw

​​Umumta’lim fanlaridan savollaringiz bormi?

📌 Davlat test markazi tomonidan 2021-yil aprel oyida umumta’lim fanlari bo‘yicha onlayn tarzda ochiq muloqot tashkil etish va abituriyentlarni qiziqtirgan savollarga javob berish rejalashtirilgan.

📚 Ochiq muloqot oliy ta’lim muassasalarining bakalavriat ta’lim yo‘nalishlariga kirish test sinovlari o‘tkaziladigan umumta’lim fanlaridan test topshiriqlarini shakllantirish mavzusiga bag‘ishlanadi.

📥 Abituriyentlardan va keng jamoatchilikdan mazkur mavzu bo‘yicha savollarni qabul qilish uchun maxsus bot ishga tushirildi. Ular o‘z savollarini @dtmga_savollar_bot telegram botiga yuborishlari mumkin.

✅ Kelib tushgan savollar Davlat test markazi mutaxassislari tomonidan o‘rganib chiqiladi va ochiq muloqot davomida savollarga batafsil javob beriladi.

📆 Savollar 2021-yil 31-mart kuniga qadar (31-mart kuni ham) qabul qilinadi.

Batafsil ma'lumot
https://t.me/joinchat/AAAAAE1x0asPVo_MAEOhNw

​​Chet tili imtihonlari 24-27-mart kunlari bo‘lib o‘tadi

✅ Chet tilini bilish va egallash darajasini aniqlash bo‘yicha mart oyida bo‘lib o‘tadigan test sinovi sanasi belgilandi.

📆 Unga ko‘ra, test sinovining yozma qismi 24-mart kuni, gapirish ko‘nikmasini baholash imtihoni esa 25-27-mart kunlari o‘tkaziladi.

📍 Test sinovlari Qoraqalpog‘iston Respublikasi, viloyatlar va Toshkent shahrida bo‘lib o‘tadi.

👨🏻‍💻 Talabgorlar test joyi, kuni va vaqtini Davlat test markazining interaktiv xizmatlar portali (my.dtm.uz sayti) orqali shaxsiy kabinetidan bilib olishlari mumkin.

Batafsil ma'lumot
https://t.me/joinchat/AAAAAE6JbSV7-rkZQ54BLA