Haqiqat yagonadir. Lekin uni kim belgilaydi?Hozirgina yakunlagan Omina Shenliko‘g‘lining "Imomning maneken qizi" asari haqida o‘zimning tarqoq fikrlarimni aytib o‘tishim lozim, deb o‘yladim. Sababki ushbu asarni o‘qigan bir qancha tanishlarim asar ma'qul kelmaganini aytishdi. Ochig‘ini aytaman, bu e'tiqodga bog‘liq.
Asar nomining o‘zida bir-birga zid holatni ko‘ramiz: Imom va uning maneken qizi. Ikki bir biriga zid holatlar. Yoqub imom obrazi orqali musulmon kishining namunasi mislsiz tarzda qalamga olingan. Imomning qizi Fotima kichikligidan diniy e'tiqodlar asosida tarbiyalandi va shu asosda bilim oldi. Lekin uning fikrlash ishtiyoqi o‘z oldiga bir qancha savollarni qo‘yadi. Fotima o‘zining bu holatidan qoniqmaydi va bundan chiqish yo‘lini izlaydi. Betush xola obrazi orqali Fotima o‘ylagan "erkinlik" uchun chiqish yo‘li paydo bo‘ladi. Betush xolaning asli asar o‘rtasiga kelganida fosh bo‘ladi
Asarga Bonu obrazi ham olib kirilgan bo‘lib, bu obraz hozirgi davrdagi insoniyat uchun og‘riqli muammo bo‘lgan o‘z jinsini alishtirgan kishi hayoti tasvirlanadi. Bu obraz orqali adiba bu ishning qanchalik yomon oqibatlarga olib kelishini bildirib o‘tgan.
Asarni o‘qirkanman, adiba bu asari orqali hozirgi Turkiyaga ham ta'rif berib o‘tganini angladim. Turkiyaning hozirgi holati... Bilmadim.
Asar qaysidir ma'noda Tolstoyning "Iqrornoma"sidan ham oziqlangandek tasavvur uyg‘otdi menda.
Asarning oxirini sizlarga aytmayman. Sababi asarning kulminatsiya nuqtasi va yechimi so‘ngi satrlarda ifodalangan. Shunchaki ajoyib tarzda!
Asardan olingan iqtiboslar:Moda degani erkaklarning ko‘ngilxushliklari va ayollarning ahmoqliklariga asoslanib rivojlanadi.
--------
"Shunday savollar borki, javobini faqat narigi dunyoda olishingiz mumkin..."
-------
"Zarar ishning qayeridan qaytilsa ham foydalidir. Faqat qaytishni bilish kerak."©
Sh.Xolmurodov
