Vashington kundaligi dan repost
Gomoseksualizm: jinoyatmi, kasallikmi yoki inson huquqi? (18+)
AQShning O’zbekistondagi elchixonasi “Facebook”da e’lon qilgan video o’zbekistonliklar orasida keskin norozilik va shov-shuvlarga sabab bo’ldi.
Bildirilgan keskin fikrlar, g’azab va nafrat tushunarli. Chunki O’zbekiston jamiyati bir jinslilar munosabatini hazm qila olmaydi. Jumladan, men ham.
His-hayajon va g’azabga berilmasdan, masalaga ilmiy, huquqiy va insoniy jihatdan yondashib ko’ramiz. Gomoseksuallarga nisbatan qanday munosabatda bo’lishimiz kerak?
Bu haqda ilm nima deydi?
Men bu sohada mutaxassis emasman. O’zbek tilida bu masaladagi eng yaxshi javobni biolog-olim Baxtiyor Sheraliev yozgan. Shu maqolani o’qishingizni tavsiya qilaman.
Baxtiyorning ilmiy manbalarga tayanib yozishicha, aksariyat hollarda gomoseksuallar atrof-muhit ta’siri asosida emas, balki ona qornidayoq jinsiy orientatsiyasi shakllangan holda tug’iladi. Ya’ni, ular bu yo’lni ixtiyoriy tanlamaydi, balki tabiatan shunga moyil bo’ladi.
Ba’zan yoshlikdagi g’ayritabiiy muhitning ham ta’siri bor, lekin bunday holatlar kamchilik. Masalan, bolaligida erkaklar tomonidan zo’rlangan o’g’il keyinchalik gomoseksual bo’lishi ehtimoli ortar ekan. Bunday vahshiylik nafaqat jinsiy orientatsiyani, balki inson psixikasini o’zgartirib, odamni ruhan majruh holga keltirishi mumkinligi ilmda isbotlangan.
Xullas, insonlar gomoseksual bo’lishni tanlamaydi, balki shunga majbur bo’ladi. Tanlov ixtiyoriy bo’lganda edi, O’zbekistondek konservativ jamiyatlarda ular hech qachon bu yo’lni tanlamagan bo’lardi.
Gomoseksualizm jinoyatmi?
O’zbekistonda gomoseksual bo’lish jinoyat emas, balki gomoseksualizm bilan shug’ullanish jinoyat. Jinoyat kodeksining 120-moddasiga ko’ra, besoqolbozlik, ya’ni erkakning erkak bilan zo‘rlik ishlatmasdan jinsiy ehtiyojini qondirishi — bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
Demak, O’zbekistonda gomoseksual odam o’z jinsdoshi bilan jinsiy aloqa qilmaguncha, u aybsiz hisoblanadi.
Gomoseksuallik inson huquqimi?
Men, shaxsan, bir jinslilar oila qurishiga ruxsat berilishini yoki ularning jinsiy aloqaga kirishini yoqlamayman va qabul qila olmayman. Chunki e’tiqodim bunga yo’l qo’ymaydi. Oila faqat erkak va ayol o’rtasida bo’lishi kerak.
Lekin o’z tanloviga zid ravishda gomoseksual bo’lib tug’ilgan insonni, toki u bir jinslilar nikohini yoqlamas ekan, malomat qilmayman. Chunki gomoseksual bo’lishni u o’zi tanlamagan. Gomoseksualizm bilan shug’ullanmas ekan, u ham sizu biz kabi oddiy inson, Allohning bandasi. Sabr qilib, nafsini tiyib bu dunyodan yashab o’tsa, ehtimol oxiratda darajasi biznikidan yuqoriroq bo’lishi mumkin. Chunki Alloh unga og’ir sinovni berdi va undan muvaffaqiyatli o’ta oldi.
Ayni paytda gomoseksualizmning targ’ib qilinishiga ham qarshiman. Lekin bu ishni targ’ib qilmay, jim yashab yurgan gomoseksual odamni urib-tepib, “samosud” qilayotganlarni qoralayman. Aytganimdek, u bu hayot tarzini targ’ib qilmayaptimi, uning yashashiga ruxsat bering.
Xulosa
Agar siz geteroseksual bo’lsangiz, Xudoga shukr qiling, katta ne’mat sohibi ekansiz. Chunki oramizda biologik jihatdan erkak bo’la turib, ayollarga emas, erkaklarga jinsiy moyilligi bor odamlar bor. Ular uchun normal yashash qanchalar qiyin ekanini tasavvur ham qila olmaysiz. Bu xuddi, zinoning gunoh ekanini bila turib, nafsiga qarshi bora olmay, shu gunohga qo’l urayotgan bo’ydoq yigitlarning holatiga o’xshaydi. Siz jufti halolingiz bilan qovushib, nafsingizni qondirib, o’zingizni bosib olasiz. Ammo gomoseksuallarda bunday imkoniyat yo’q. Ular bir umr ular qiynalib, sabr qilib o’tishiga to’g’ri keladi.
Xullas, kimdir gomoseksual ekanini bilib qolsangiz, uni fosh qilib, omma orasida toshbo’ron qilishga shoshilmang. Toki u bunday noan’anaviy hayot tarzini targ’ib qilmayaptimi, bu ish bilan shug’ullanmayaptimi, Alloh oldida uning va bizning darajamiz bir xil.
@bmamadiev
AQShning O’zbekistondagi elchixonasi “Facebook”da e’lon qilgan video o’zbekistonliklar orasida keskin norozilik va shov-shuvlarga sabab bo’ldi.
Bildirilgan keskin fikrlar, g’azab va nafrat tushunarli. Chunki O’zbekiston jamiyati bir jinslilar munosabatini hazm qila olmaydi. Jumladan, men ham.
His-hayajon va g’azabga berilmasdan, masalaga ilmiy, huquqiy va insoniy jihatdan yondashib ko’ramiz. Gomoseksuallarga nisbatan qanday munosabatda bo’lishimiz kerak?
Bu haqda ilm nima deydi?
Men bu sohada mutaxassis emasman. O’zbek tilida bu masaladagi eng yaxshi javobni biolog-olim Baxtiyor Sheraliev yozgan. Shu maqolani o’qishingizni tavsiya qilaman.
Baxtiyorning ilmiy manbalarga tayanib yozishicha, aksariyat hollarda gomoseksuallar atrof-muhit ta’siri asosida emas, balki ona qornidayoq jinsiy orientatsiyasi shakllangan holda tug’iladi. Ya’ni, ular bu yo’lni ixtiyoriy tanlamaydi, balki tabiatan shunga moyil bo’ladi.
Ba’zan yoshlikdagi g’ayritabiiy muhitning ham ta’siri bor, lekin bunday holatlar kamchilik. Masalan, bolaligida erkaklar tomonidan zo’rlangan o’g’il keyinchalik gomoseksual bo’lishi ehtimoli ortar ekan. Bunday vahshiylik nafaqat jinsiy orientatsiyani, balki inson psixikasini o’zgartirib, odamni ruhan majruh holga keltirishi mumkinligi ilmda isbotlangan.
Xullas, insonlar gomoseksual bo’lishni tanlamaydi, balki shunga majbur bo’ladi. Tanlov ixtiyoriy bo’lganda edi, O’zbekistondek konservativ jamiyatlarda ular hech qachon bu yo’lni tanlamagan bo’lardi.
Gomoseksualizm jinoyatmi?
O’zbekistonda gomoseksual bo’lish jinoyat emas, balki gomoseksualizm bilan shug’ullanish jinoyat. Jinoyat kodeksining 120-moddasiga ko’ra, besoqolbozlik, ya’ni erkakning erkak bilan zo‘rlik ishlatmasdan jinsiy ehtiyojini qondirishi — bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
Demak, O’zbekistonda gomoseksual odam o’z jinsdoshi bilan jinsiy aloqa qilmaguncha, u aybsiz hisoblanadi.
Gomoseksuallik inson huquqimi?
Men, shaxsan, bir jinslilar oila qurishiga ruxsat berilishini yoki ularning jinsiy aloqaga kirishini yoqlamayman va qabul qila olmayman. Chunki e’tiqodim bunga yo’l qo’ymaydi. Oila faqat erkak va ayol o’rtasida bo’lishi kerak.
Lekin o’z tanloviga zid ravishda gomoseksual bo’lib tug’ilgan insonni, toki u bir jinslilar nikohini yoqlamas ekan, malomat qilmayman. Chunki gomoseksual bo’lishni u o’zi tanlamagan. Gomoseksualizm bilan shug’ullanmas ekan, u ham sizu biz kabi oddiy inson, Allohning bandasi. Sabr qilib, nafsini tiyib bu dunyodan yashab o’tsa, ehtimol oxiratda darajasi biznikidan yuqoriroq bo’lishi mumkin. Chunki Alloh unga og’ir sinovni berdi va undan muvaffaqiyatli o’ta oldi.
Ayni paytda gomoseksualizmning targ’ib qilinishiga ham qarshiman. Lekin bu ishni targ’ib qilmay, jim yashab yurgan gomoseksual odamni urib-tepib, “samosud” qilayotganlarni qoralayman. Aytganimdek, u bu hayot tarzini targ’ib qilmayaptimi, uning yashashiga ruxsat bering.
Xulosa
Agar siz geteroseksual bo’lsangiz, Xudoga shukr qiling, katta ne’mat sohibi ekansiz. Chunki oramizda biologik jihatdan erkak bo’la turib, ayollarga emas, erkaklarga jinsiy moyilligi bor odamlar bor. Ular uchun normal yashash qanchalar qiyin ekanini tasavvur ham qila olmaysiz. Bu xuddi, zinoning gunoh ekanini bila turib, nafsiga qarshi bora olmay, shu gunohga qo’l urayotgan bo’ydoq yigitlarning holatiga o’xshaydi. Siz jufti halolingiz bilan qovushib, nafsingizni qondirib, o’zingizni bosib olasiz. Ammo gomoseksuallarda bunday imkoniyat yo’q. Ular bir umr ular qiynalib, sabr qilib o’tishiga to’g’ri keladi.
Xullas, kimdir gomoseksual ekanini bilib qolsangiz, uni fosh qilib, omma orasida toshbo’ron qilishga shoshilmang. Toki u bunday noan’anaviy hayot tarzini targ’ib qilmayaptimi, bu ish bilan shug’ullanmayaptimi, Alloh oldida uning va bizning darajamiz bir xil.
@bmamadiev