ZARAFSHON YOG‘DUSI

KONCHILAR MAHALLASIDA SUMALAK SAYLI O‘TKAZILDI

Qadimdan bahor fasli yaqinlasishi bilan xalqimizda milliy qadriyatlarimiz hisoblangan udum,  marosimlar o‘tkazilgan. Shunday udumlardan biri bu "Sumalak sayli"  hisoblanadi.

Sumalak bahorning shifobaxsh taomi bo‘lib, u qonimizni tozalab, jismimizni tetiklashtirib, kuch-quvvatimizni oshiradi.

21-fevral kuni Zarafshon shahar Konchilar mahallasida faol aholi tomonidan o‘tkazilgan "Sumalak sayli" fikrimizning dalilidir.

Ushbu sumalak saylida shahardagi mutasaddi rahbarlar, Xalq deputatlari shahar kengashi deputatlari,  Maʼrifat targ‘ibotchilar jamiyati aʼzolari, faol nuroniylar ishtirok etib, yurtimizda tinchlik va osoyishtalik, oilalarimiz, dasturxonimizga qut-baraka tilab, duoga qo‘l ochishdi.

Maʼlumot uchun shuni aytishimiz mumkinki, sumalak asab tizimiga ijobiy ta’sir ko‘rsatadi, stressni yengishga yordam beradi va uyquni yaxshilaydi. Bundan tashqari:
✅ Surunkali ich qotishini bartaraf qiladi.
✅ Organizmga yog‘lar va uglevodlarning so‘rilishini sekinlashtiradi.
✅ Qon aylanishini yaxshilaydi va jigarni zaharli moddalardan himoya qiladi.
✅ Tanadagi zararli bakteriyalarning o‘sishi va rivojlanishini oldini oladi.
✅ Organizmni 19 dan ortiq aminokislotalar bilan to‘yintiradi, limfatik sistemaga ijobiy ta’sir ko‘rsatadi.

Dilafruz Bahronova-Respublika maʼnaviyat va maʼrifat bo‘linmasi rahbari.