Holvapaz usta bir kuni bolalarining olov yoqish uchun toʻplagan oʻtinlari orasidan toʻgʻri va tekis boʻlganlarini ajratib olayotganiga koʻzi tushadi.

— Nimaga ularni ajratib olyapsizlar?- deya soʻraydi bolalaridan.
— Toʻgʻri va tekislarini ajratyapmiz, bolta, oʻroq, ketmonga dasta boʻladi,- deydi bolalari.

Holvapaz yerga choʻkkalab, koʻzida yosh bilan samoga tikiladi:

— Oʻtinlarining ham toʻgʻrisi olovda yonishdan qutulib qolar ekan. Inson qachon doʻzax olovidan qoʻrqib oʻzini toʻgʻrilaydi?!..