©Yuristkurbanoff🌐

#Mening_armiyam_

📹 Safarbarlik chaqiruvi rezervidagi xizmat (bir oylik armiya)ga borish uchun qancha to'lov qilinadi va bu to'lovni bo'lib-bo'lib to'lasa ham bo'ladimi?

🇺🇿 O'zbekiston Respublikasi Vazirlar Mahkamasining 2003-yil 22-fevraldagi 99-son qaroriga ko'ra -safarbarlik chaqiruvi rezervidagi xizmat safiga olingan fuqarolar bilan yakka tartibda suhbat o'tkazilgandan keyin Mudofaa vazirligi tomonidan Maxsus hisob raqamiga badal o'tkazish tartibi to'g'risida yozma shartnoma tuziladi.

💸 Safarbarlik chaqiruvi rezervidagi xizmat safiga olingan shaxslar tomonidan pul badallari to'lash xizmatga olingandan keyin bir yil mobaynida to'lanadi. Tomonlarning kelishuviga ko'ra to'lov shartnomada belgilangan muddat mobaynida to'liq hajmda bir yo'la yoxud bosqichma-bosqich amalga oshirilishi mumkin.

P.S: Ayni paytda bu summa MHTEKMining 7 baravari, ya'ni 8.085.000 so'mga to'g'ri keladi.

👉 @yuristkurbanof

#vakansiya #Toshkent

O‘zbekiston Respublikasi Prezidenti huzuridagi Ijtimoiy himoya milliy agentligi yurist lavozimiga ishga taklif etadi
(navbat asosida tungi smenaga ham qolib ishlash imkoniyati borlar uchun).

✅   Talablar

🟠 oliy yuridik ma'lumot (tugallangan);
🟠 davlat tili va rus tilini  mukammal bilishi shart;
🟠 kompyuter savodxonligi bo‘yicha kerakli bilimlarga ega bo‘lish, xat-hujjatlar bilan ishlay olish.

😀  kunduzgi smena| 08:00-20:00
       tungi smena  | 20:00-08:00  

🆔 @Mohinur_Xalilova obyektivkangizni telegram orqali yuboring.

📍 Toshkent shahar, Mirobod tumani, Yangizamon 3 tor ko'chasi, 1-uy.

👮‍♂️  “112” yagona dispetcherlik xizmati hamda "1146" qisqa raqamli "ishonch telefoni"ga tazyiq va zo‘ravonlik holatlari bo'yicha murojaatlar kelib tushganda, mutaxassislar tomonidan xotin-qizlarga ijtimoiy, psixologik, huquqiy hamda boshqa masalalarda maslahat berish va axborot taqdim etish kabi xizmatlar ko‘rsatiladi.

Karyera — yuristlar uchun bo‘sh ish o‘rinlari

#stajirovka

📣 "UzCarlsberg" xorijiy kompaniyasi TDYU 3-bosqich talabalarini stajirovkaga taklif qiladi!

📌  Taklif etiladi:
🟣 ijtimoiy paket (transport, ovqatlanish, o‘qitish) va xorijiy kompaniyada ishlash;

📌  Talablar:
🟢 rus va ingliz tilini bilish;

📞  Qo‘shimcha ma’lumot olish uchun +998 90 969 71 02 (Sitora) telefon raqamiga murojaat qiling.

👮‍♂️   Karyerangizni biz bilan rivojlantiring!

Karyera — yuristlar uchun bo‘sh ish o‘rinlari

#Yuridik_klinika

❓ Assalom alaykum men bir qizim bilan ajrashib qaytib kelganman, ro'yxatim tug'ilgan maxallamda. Meni ota xovlimda qanday xaq xuquqlarim mavjud, nimalarga ega bo'la olaman? Xuquq va burchlarim nimalardan iborat? Oilada 5 farzandmiz.1ta O'g'il,4ta qizmiz,otam xayot,onam ko'zi ojiz 1chi gurux nogironi. Xozirda men qarayapman, nomimda staj yuryapti. Onamni xamma yo'glari bir joyda.men xuquqlarimni bilmoqchiman.

✅Hozir sizda ota hovlingizga nisbatan hech qanday mulkiy huquq yo'q. Ammo, merosxo'r bo'lish huquqingiz bor. Shuningdek, o'sha hovlida yashash huquqingiz ham bor. 🤝
🤝Uy-joy kodeksining 32-moddasiga ko'ra -uy, kvartira mulkdorining oila a’zolari, shuningdek u bilan doimiy yashayotgan fuqarolar, agar ularni ko‘chirib kelgan paytda yozma ravishda boshqa hol qayd etilgan bo‘lmasa, uydagi, kvartiradagi xonalardan mulkdor bilan teng foydalanishga haqlidirlar. Ular mulkdor bergan turar joyga o‘zlarining voyaga yetmagan farzandlarini ko‘chirib kiritishga haqlidirlar, oilaning boshqa a’zolarini esa, uy, kvartira mulkdorining roziligi bilangina ko‘chirib kiritishlari mumkin. Bu shaxslar uy, kvartiraning mulkdori bilan oilaviy munosabatlarni tugatgan taqdirda ham ularda turar joydan foydalanish huquqi saqlanib qoladi. Uy, kvartiraning mulkdori bilan uning sobiq oila a’zolari, shuningdek u bilan doimiy yashayotgan fuqarolar o‘rtasida turar joydan foydalanish tartibi taraflar kelishuvi bilan belgilanadi.
➡️Fuqarolik Kodeksining 1116-moddasiga ko'ra -meros fuqaroning o‘limi yoki uning sud tomonidan vafot etgan deb e’lon qilinishi oqibatida ochiladi. Ushbu Kodeksning 1118-moddasiga ko'ra -meros ochilgan paytda hayot bo‘lgan fuqarolar, shuningdek meros qoldiruvchining hayotlik paytida homila holida bo‘lgan va meros ochilgandan keyin tirik tug‘ilgan bolalari vasiyat va qonun bo‘yicha merosxo‘r bo‘lishlari mumkin.

👉 @yuristkurbanof

#Jinoyat_huquqi

✅ Jinoyat kodeksining bir qator moddalarida zarar qoplangan taqdirda ozodlikdan mahrum qilish va ozodlikni cheklash jazolari qo'llanilmasligi belgilangan. Masalan JK 167, 168, 184-moddalari.

👉Birinchi instansiyada ushbu moddalar bilan ozodlikdan mahrum qilish jazosi tayinlanib, apellyasiyagacha zarar qoplangan taqdirda apellyasiya instansiyasida sudlanuvchi ozodlikka chiqarilishi deyarli aniq bo'lib qoladi. Batafsil bu yerda o'qing.

👉 @yuristkurbanof

#Yuridik_klinika_murojaat

Assalomu aleykum meni oʻgʻlimga har bir oyla tadbirkor deb mahalladan 33milon chiqarib bergan hokim yordamchisi va oʻgʻlim hozir kiridditini toʻlay olmayabdi. Yaqinda avtohalokatga uchradi, 7muchasi sogʻ lekin lekin hozirda aqli joyda emas. Ruhiy dispanserda nazoratda turadi, ishlay olmaydide shunda oʻgʻlimni kiriddiga qanday yordam olsak boladi? Ijtimoiy himoyada kam tamilagan oylar roʻyxatida bormiz.

✅Oilaviy tadbirkorlikni rivojlantirish dasturlari doirasida kredit ajratilayotganda tijorat banklari o‘z mablag‘lari hisobidan kreditning qaytmaslik xatarini sug‘urtalaydi. Shuning uchun muammoni hal qilish uchun dastlab tijorat banki va sug‘urta tashkiloti o‘rtasidagi sug‘urta shartnomasiga murojaat qilish zarur. Agar o‘g‘lingizning ruhiy holati buzilganligi (tashxis asosida) va/yoki mehnatga layoqatsizligi (mehnatga layoqatsizlik varaqasi asosida) shartnomada sug‘urta hodisasi deb belgilangan bo‘lsa, kreditning to‘lanmagan qismi uchun to‘lov sug‘urta tashkiloti hisobidan amalga oshiriladi. Bunda yuqoridagi shartlar bekor bo‘lishi, ya’ni ruhiy holatning yaxshilanishi va/yoki mehnat qobiliyatining tiklanishi bilan sug‘urta tashkiloti o‘g‘lingizdan sug‘urta summasini regress tartibda undiradi.

📚 Asos:
🔹 O‘zbekiston Respublikasi Vazirlar Mahkamasining 373-sonli qarori bilan tasdiqlangan “Oilaviy tadbirkorlikni rivojlantirish dasturlarining yagona elektron platformasi orqali kreditlar ajratish tartibi to‘g‘risida”gi Nizomning 13-bandi 1-xatboshisi
🔹 O‘zbekiston Respublikasi Fuqarolik kodeksining 1001-moddasi 1-qismi

👉 @yuristkurbanof

❓Pedagog xodimlarga 1-oktabr munosabati bilan beriladigan mukofot puli oshirilgan.

🥸Ilgari o'qituvchilar mehnatga haq to'lashning eng kam miqdorining 50% (577 500 so'm) miqdorida mukofot olishgan. Endi-chi, endi yangi tartibga ko'ra, PF-51-sonli farmon asosida bu miqdor 75% ga oshirildi. Shunday qilib 2024-yil 1-oktabrdan boshlab, mukofot miqdori 866 250 so'm etib belgilangan.

👉 @yuristkurbanof

Endi mahalla raislari mediatorlik ham qiladi, degan yangiliklarini o'qiyapmiz. Mediatorlik nima degani o'zi. Bizni ortiqcha ishga ko'mish niyatidami, shunda yoki yaxshilikkami bu mediatorlik!

✅ Avvalo, mediatorlik tor ma'noda -nizoli tarafdorlarni yarashtiruvchi, keng ma'noda esa nizoli ishni sud bosqichiga xal qiluvchi hakam.

🤼‍♀️ 2025-yil 1-maydan boshlab oilaviy mediasiya ishlari bo'yicha fuqarolar yig'ini raislari professional mediatorlikka bepul o'qitish belgilangan (bunda ular qonunchilik, qaysi hollarda mazkur toifadagi ishga aralashadi, tushintiriladi-da, xullas oqsoqolchilik).

🥷Professional mediatorlikka albatta o'qitiladi va o'qitilgan fuqarolar yig'ini raislari otaning (onaning) voyaga yetmagan farzandlari uchun ota-onalik huquqlarini ta'minlash bilan bog'liq nizolar bo'yicha mediatorlik faoliyatini bepul amalga oshiradi;

👉Bu muhim: ☄️2025-2026 yillarda umumiy o'rta ta'lim muassasalarida huquqiy fanlardan dars beradigan oliy noyuridik ma'lumotga ega pedagog kadrlar kasbiy qayta tayyorlash kurslarida bepul o'qitiladi. (men aytaman, bepulmi, pullikmi pulni cho'ntagidan to'larmidi, bular, xa labbey).

👉 @yuristkurbanof

1-apreldan nimalar o'zgaradi?

Men: Hujjatlarda o'zgarishlar bor-u, elektron portallarda esa -hammayoq dabdala. Butun saytlar "test rejimida ishlayapti, tizimda muammo bor" jumlalar... Xullas kimdir texnikani tushunadimi bizda, hammayoqni ITniklar bosib ketgan bir zamonda, axir...🤷‍♂️

Yana raqamlashtirish-mush. Ishqilib bayramni bahona qilishmasa bo'ldi...

Afsus...🌽

#DIQQAT ⁉️

Vasiylik va homiylik organlarini endilikdagi vakolatlari, shuningdek funksiyalari hududlardagi “Inson” ijtimoiy xizmatlar markazlari tomonidan amalga oshiriladi.

🧠 Ijtimoiy himoya milliy agentligining tuman (shahar)lardagi "Inson" ijtimoiy xizmatlar markazi voyaga yetmagan shaxslarga nisbatan vasiylik va homiylik organi hisoblanadi. ☺️ Shuningdek, "Inson" ijtimoiy xizmatlar markazi yetim bolalar va ota-ona qaramog‘idan mahrum bo‘lgan bolalarning qonuniy vakili vazifasini bajaradi.

Sog' bo'lasizlar...🎇

👉 @yuristkurbanof

#Ijro_huquqi

⁉️ Agar MIB xodimlari undiruvni o'z vaqtida amalga oshirmasa, qayerga murojaat qilish mumkin? Masalan, deylik, aliment qarzdorligi yuzasidan. Rahmat, aka.

✅ MIB xodimlari asossiz ravishda aliment qarzdorligini o'z vaqtida undirmayapti. Bunday xolda siz uyda  o'tirgan xolda, MIB xodimining ustidan MIBning yuqori turuvchi organiga yoki Bosh prokuraturaga murojaat qilishingiz mumkin.
👉Siz ushbu xavola https://pm.gov.uz/uz#/authorities/1/835/_info orqali O'zbekiston Respublikasi Majburiy ijro byurosining bosh apparatiga  va
👉Siz ushbu xavola https://pm.gov.uz/uz#/authorities/1/808/_info orqali esa O'zbekiston Respublikasi Bosh prokuraturasiga onlayn murojaat qoldirishingiz mumkin bo'ladi.

Javob shu. Boshqasi o'xshamaydi. Uyda o'tirib shikoyatni yo'llang. Buyog'i bir gap bo'lar. 🫣

👉 @yuristkurbanof