Yurist Muzaffar 🛡

❗️БОЛАНИ МАКТАБГА ЮБОРМАГАН ОТА-ОНАЛАРГА ЖАВОБГАРЛИК БОРЛИГИНИ БИЛАРМИДИНГИЗ ?

⚡️САВОЛ;
Фарзандини мактабга юбормаган ота-оналарга қонунчиликда қандай жавобгарлик бор ?

⚡️ЖАВОБ;
Маъмурий жавобгарлик тўғрисидаги кодекснинг 47-моддасига кўра,

➖ болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиши уларга нисбатан базавий ҳисоблаш миқдори (375 000)нинг ўн бараваридан ўн беш баравари (5 625 000 сўм)гача миқдорда жарима солишга сабаб бўлади.

👉 @yurist_muzaffar

Tезкор-қидирув: Шахсий телефонингиз шахсий сирларингиздир

Бизга келаётган мурожаатлар орасида шахсий уяли алоқа телефонини тезкор ходим (опер) олиб қўйганидан норози мазмундагилари ҳам кўп учрамоқда.

Кўп ҳолларда инсонларнинг мобил телефон қурилмалари “Тезкор-қидирув фаолияти тўғрисида”ги Қонуннинг 14-моддасида назарда тутилган “техник воситаларни текшириш” дан иборат тезкор-қидирув тадбир турини ўтказиш орқали олиб қўйилмоқда.

Бу тезкор-қидирув фаолиятининг вазифаларини ҳал этиш учун аҳамиятга эга бўлган шахслар, фактлар ҳамда ҳолатларни аниқлаш мақсадида алоқа қурилмаларини бевосита ёки билвосита (техник воситалардан фойдаланган ҳолда) кўздан кечириш ҳамда ўрганишдан иборат бўлган тадбир.

Шундан келиб чиқсак, қуйидагиларга кўра тезкор ходимларнинг бошқаларга тегишли шахсий алоқа қурилмаларини олиб қўйишларини қонуний, деб бўлмайди:

Биринчидан, ушбу моддада алоқа қурилмаларини олиб қўйиш назарда тутилмаган. Олиб қўйиш кўздан кечириш ва ўрганишдан бошқа ҳаракат ҳисобланади. Қонуннинг 17-моддаси эса, шу Қонуннинг 14-моддасида назарда тутилмаган тезкор-қидирув тадбирларини ўтказишни тақиқлайди.

Иккинчидан, мобил телефонни олиб қўйиш, кўздан кечириш ва ўрганиш шахснинг телефон орқали сўзлашувлари, ёзишмалари ва бошқа хабарлари (тижорий, касбий, тиббий, оилавий, шахсий ва бошқа сирлар) сир сақланишидан иборат ҳуқуқи чекланишига олиб келади.

Конститиуциянинг 31-моддаси 2-қисмида “Ҳар ким ёзишмалари, телефон орқали сўзлашувлари, почта, электрон ва бошқа хабарлари сир сақланиши ҳуқуқига эга. Ушбу ҳуқуқнинг чекланишига фақат қонунга мувофиқ ва суднинг қарорига асосан йўл қўйилади.”, - деб белгилаб қўйилган.

Шундай экан, сир сақланиши ҳуқуқининг чекланиши фақат қонунга мувофиқ ва суднинг қарорига асосан йўл қўйилади.

Бизга тақдим этилаётган “техник воситаларни текшириш” дан иборат тезкор-қидирув тадбирини ўтказиш ҳақидаги қарорларга асосан мобил телефон қурилмаларини олиб қўйилиши аввало “Тезкор-қидирув фаолияти тўғрисида” ги Қонунга, қолаверса, суд қарори мавжуд эмаслиги учун ҳам Конституциянинг 31-моддаси 2-қисми талабига зиддир.

Ҳуқуқий оқибати: Далилнинг Қонун ва Конституция нормалари талаблари бузилган ҳолда қўлга киритилиши уларнинг номақбул далил, деб топилишига хизмат қилади. Номақбул далил эса шахсни бирор бир ҳуқуқ бузилишини содир этганликда айблаш учун асос бўла олмайди.

Advokat Abdullayev
👉 @yurist_muzaffar

“Маънавий экспертиза” бекор қилинди

Жамоатчиликнинг эътирозларига сабаб бўлган, цензурани келтириб чиқарувчи
медиа маҳсулотларини “маънавий экспертиза”дан ўтказишни жорий этиш тўғрисидаги қарор ушбу ҳужжатни қабул қилган органлар томонидан бекор қилинибди.

Кеч бўлса-да соғлом ақлга таяниб қарор қилинаётгани қувонарли.

👉 @yurist_muzaffar

⚡️ДИҚҚАТ

❗️МИГРАНТЛАРНИНГ ОИЛА АЪЗОЛАРИГА 750 000 СЎМДАН БИР МАРТАЛИК МОДДИЙ ЁРДАМ ПУЛИ БЕРИЛАДИ . 

📃 01.03.2022 йилдаги ПҚ-149-сон Президент қарорига кўра,

❗️ҳар йили ҳоким ёрдамчиларининг ёзма тавсияномасига асосан:

➖ боқувчиси хорижга меҳнат миграциясига чиқиб кетган ва “Ижтимоий ҳимоя ягона реестри” ахборот тизимида рўйхатда бўлган оилаларга БҲМнинг 2 баравари (750 000 сўм) миқдорида бир марталик моддий ёрдам пули берилиши белгиланган.

✏️ "Ҳақ олинур, берилмас" деган мақол бекорга айтилмаган. Қонунчилигимизда ёзиб қўйилган имтиёзлар жуда кўп, бироқ Сиз талаб қилиб олмасангиз дарахтдаги мева каби тураверади улар. Бу имтиёз хам ўша мевалардан. Агар Сиз хам юқоридаги тоифага тўғри келсангиз, лекин ҳаққингизни узиб ололмаётган бўлсангиз бизга ёзиб қолдиринг..

👉 @yurist_muzaffar

❗️БОҚУВЧИСИ БЎЛМАГАН КЎП БОЛАЛИ ОИЛАЛАР ЕР СОЛИҒИ ТЎЛАМАЙДИ.

✅ Ота ва онадан бири ёки ота-онанинг хар иккиси вафот этган кўп болали оилалар солиқ солишда боқувчисини йўқотган кўп болали оилалар хисобланади.

📄 Манашундай оилалар Солиқ кодексининг 436-моддасига асосан ер солиғи тўлаши шарт бўлмаган оилалар тоифасига киради.

✅ Бу имтиёздан фойдаланиш учун манфаатдор шахс Бюджетдан ташқари Пенсия жамғармаси туман (шаҳар) бўлимига мурожаат қилиб, улар томонидан боқувчисини йўқотганлик бўйича бериладиган тегишли маълумотномасини талаб қилиб олиши керак бўлади ва олинган маълумотнома асосида улар юқоридаги имтиёздан фойдаланиши мумкин.

✏️ Болалар сони нечта бўлса у оила кўп болали оила хисобланишини билсангиз керак. Агар Сизни ижтимоий ҳолатингиз юқоридаги тоифага тўғри келса-ю лекин бу имтиёздан фойдалана олмаётган бўлсангиз савол шаклида бизда ёзиб қолдиринг!

👉 @yurist_muzaffar

#Eslatma

📌 Qishki o‘qishni ko‘chirish uchun arizalar qabuli 20-dekabrdan boshlanadi

✅ Qishki perevodda faqatgina Davlat OTMlariaro faqat 2 ta uzrli sababga asosan qishda o‘qishni ko‘chirsa bo‘ladi.

➖ talaba oila qurishi munosabati bilan turmush o‘rtog‘i doimiy yashaydigan hududdagi oliy ta’lim muassasasiga o‘qishini ko‘chirish istagidagilarga;
➖ davlat organlarining xodimlari ish joyi o‘zgargan taqdirda uning turmush o‘rtog‘i yoki voyaga yetmagan farzandi o‘qishini ko‘chirmoqchi bo‘lganlarga (tegishli vazirlik (idora) rahbarining tavsiyasi asosida).

Talabalar tomonidan hududiy ishchi guruhlarga quyidagi hujjatlar 20-yanvargacha offlayn shaklda taqdim etiladi:

➖ o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
➖ talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
➖ pasport nusxasi;

➖

yuqorida qayd etilgan uzrli sabablarni asoslovchi tegishli

hujjatlar.

Qishki perevodda arizalar onlayn shaklda sayt orqali to'ldirilmaydi. Kerakli hujjatlar har bir OTMda tashkil etilgan ishchi guruhga talaba yoki uning yaqin qarindoshlari tomonidan shaxsan topshirilishi shart.

👉 @yurist_muzaffar

❗️ГАЗ ВА ЭЛЕКТРДАН ЛИМИТДАН ОРТИҚ ФОЙДАЛАНГАН АЙРИМ ФУҚАРОЛАРГА КОМПЕНСАЦИЯ ТЎЛАБ БЕРИЛАДИ

📄 Вазирлар Маҳкамасининг 16.04.2024 йил кунги 204-сон қарори қабул қилинган.

▪️Қарорга кўра:

➖ “Ижтимоий ҳимоя ягона реестри” ахборот тизими орқали кам таъминланган оилалар, болалар нафақаси ва моддий ёрдам олувчи хамда ягона реестрга киритилмаган, “маҳалла еттилиги” хулосаси асосида аниқланадиган қўшимча эҳтиёжманд оилалар тоифасидаги истеъмолчилар учун юзага келиши мумкин бўлган қўшимча харажатларни қоплаш бўйича вақтинча компенсация жорий этилиши ва мазкур эҳтиёжманд оилалар учун иситиш мавсумида (ноябрь – февраль ойлари) электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади:

✅ табиий газ учун – ойига базавий меъёрдан ортиқ фойдаланилган 250 куб метргача;

✅ электр энергияси учун – ойига базавий меъёрдан ортиқ фойдаланилган 150 кВт соатгача.

👉 @yurist_muzaffar

Oliy sud eng oxirgi najotingiz emas. Konstitutsiyaviy sudga ham murojaat qilishingiz mumkin.

2022-2023 yillarda jami 2 850 nafar fuqarolar Konstitutsiyaviy sudga murojaat qilgan. Lekin afsuski, bu ko‘rsatgich o‘ziga nisbatan qonunchilik normalarini qo‘llanilishidan norozi bo‘layotgan shaxslarning yarmini ham tashkil qilmaydi.

Murojaatlarning asosiy qismi Toshkent shahri, Samarqand va Toshkent viloyatlariga to‘g‘ri kelibdi. Biroq, qolgan hududlarda qonunlar to‘g‘ri talqin qilinayotganidan va to‘g‘ri qo‘llanilayotganidan dalolat bermaydi. Bunday fikrlashimizga albatta yetarlicha asoslarimiz bor.

Shunday ekan, Konstitutsiyada fuqarolar va yuridik shaxslarga sud tomonidan o‘ziga nisbatan qo‘llanilgan qonunning Konstitutsiyaga muvofiqligi to‘g‘risida O‘zbekiston Respublikasi Konstitutsiyaviy sudiga shikoyat qilish (sud orqali himoya qilishning boshqa barcha vositalaridan foydalanib bo‘lingandan so‘ng) huquqidan foydalanishga chaqirib qolamiz.

© Advokat Abdumalik Abdullayev.

👉 @yurist_muzaffar

Қандай ҳолатларда алимент миқдорини камайтириш ёки уни тўлашдан озод қилиш мумкин⁉️

📍Ўзбекистон Республикаси Оила кодексининг 105-моддаасига кўра, алимент тўлаётган ота-онанинг бошқа вояга етмаган болалари бўлиб, ундан қонунда белгиланган миқдорда алимент ундирилганда ўша болалар алимент олаётган болаларга нисбатан моддий жиҳатдан камроқ таъминланиб қоладиган бўлса, шунингдек алимент тўлаётган ота (она) ногирон бўлиб, моддий жиҳатдан қийналиб келаётган бўлса ёки алимент олаётган шахс мустақил даромадга эга бўлган тақдирда, алимент миқдори суд томонидан камайтирилиши мумкин.

👉 @yurist_muzaffar

Васиятнома афзалми ёки ҳадя⁉️

Сизда 2 та вариант бор:

📍Биринчиси, васиятнома ёзиш, уни тасдиқлаш тез ва арзон, ҳужжат бир томонлама имзоланади. Бир томонлама бекор ҳам қилиш мумкин, бунинг учун ҳеч кимдан розилик сўралмайди. Сиз умрингиз охиригача ўз мулкингизнинг эгаси бўлиб қоласиз.

📍Иккинчиси, ҳадя шартномаси. Уни тасдиқлаш бир оз вақт (ҳафта) талаб қилади, тўлов миқдори уй-жой майдонининг ҳажмига қараб белгиланади. Шартномани икки томонлама имзоланади. Ҳадя шартномаси имзоланганидан сўнг мулк ҳуқуқингиз йўқолади. Кейинчалик бекор қилмоқчи бўлсангиз, бир тарафлама бекор қилиш имконияти йўқ. Шунинг учун ўзингизга маъқул вариантни танланг. Ўз уйингизда эркин ва соғлом яшашни истасангиз, васиятнома қолдиришингизни маслаҳат берамиз!

👉 @yurist_muzaffar

ЖШШИР нима⁉️

📍ЖШШИР, яъни жисмоний шахсларнинг шахсий идентификацион рақами — бу ҳар бир фуқарога паспорт олаётганида, эндиликда эса туғилганлик тўғрисида гувоҳнома билан биргаликда бериладиган уникал рақамлар тўплами.
Айнан ЖШШИР автоматлаштирилган тизим фуқаро кимлигини аниқлаши,у ҳақида зарур бўлган электрон маълумотларни олишга кўмаклашувчи махсус код вазифасини бажаради.

👉 @yurist_muzaffar

⁉️Кадастр ҳужжати (йиғмажилди) йуқолган ёки яроқсиз ҳолга келганда кадастр ҳужжатларини тиклаш учун нима қилиш керак ва қанча муддатда бажарилади?

📍Жавоб:
Ҳуқуқ эгаси (кадастр ҳужжати эгаси) ариза билан туман (шаҳар) “Ермулккадастр” давлат корхонаси мурожаат қилиши лозим.
Аризага мувофиқ туман (шаҳар) “Ермулккадастр” давлат корхонаси архивида сақланаётган кадастр йиғмажилдининг ҳуқуқ эгасига тегишли қисмларидан нусха олинади. Ушбу нусхалардан иборат кадастр йиғмажилдининг ҳар бир варағига туман (шаҳар) кадастр давлат корхонаси раҳбари томонидан “аслига тўғри” деган ёзув киритилади ва имзоланади ҳамда ариза келиб тушган кундан бошлаб икки (2) иш куни ичида ҳуқуқ эгасига топширилади.

👉 @yurist_muzaffar

#Биласизми

Қонунчиликда Шаръий никоҳ учун жавобгарлик мавжуд эмас

Assalomu alaykum turmush oʻrtog'imning nikohlarida boshqa ayol bor ekan man birinchi ayollariman yashirin nikohga qonunchilikda nimalar kiritilgan? Unda mani huquqlarim qanday boʻladi?

ЮРИСТ ЖАВОБИ:

Қонунчилигига кўра шахс шаръий никоҳ қургани учун жавобгарлик мавжуд эмас. 

Лекин, Жиноят кодекси 126-моддасига кўра кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш — базавий ҳисоблаш миқдорининг 50 бараваридан 100 бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Шунга кўра агар ўша одам бир уйда икки хотин билан яшасагина унга юқоридаги модда билан жиноий иш очилиши мумкин.

Ундан ташқари, танишингиз ўз эрк-иродаси билан қонуний никоҳда турган эркакка турмушга чиққани учун ундан бирон нима ундира олмайди.

👉 @yurist_muzaffar