Юрист блогер /расмий канал

❗️2 ЁШГА ТЎЛМАГАН БОЛАСИ БОР ҲОДИМЛАРГА ИШ ВАҚТИДА ҚЎШИМЧА ТАНАФФУС БЕРИЛАДИ

⚡️САВОЛ:
Мен декретдан фарзандим икки ёшга тўлмасидан ишга қайтганман. Саволим шуки, фарзандим ёш бўлганлиги сабабли иш куни давомида менга қандайдир қўшимча танаффус берилиши керакми йўқми ?

⚡️ЖАВОБ:
Меҳнат кодексининг 407-моддасига асосан,

➖ Икки ёшга тўлмаган боланинг ота-онасидан бирига (васийсига) дам олиш ва овқатланиш учун танаффусдан ташқари болани овқатлантириш учун қўшимча танаффуслар берилади. Бу танаффуслар камида ҳар уч соатда, ҳар бири ўттиз дақиқадан кам бўлмаган давомийликда берилади. Икки ёшга тўлмаган икки ёки ундан ортиқ нафар фарзанди бўлган тақдирда, танаффуснинг давомийлиги камида бир соат қилиб белгиланади. Болани овқатлантириш учун танаффуслар иш вақтига киритилади ва ўртача иш ҳақи бўйича ҳақ тўланади деб белгиланган.

✅ Икки ёшга тўлмаган бола отасининг ёки онасининг (васийсининг) хоҳишига кўра болани овқатлантириш учун танаффуслар дам олиш ва овқатланиш учун танаффусга қўшиб берилиши ёхуд иш кунининг (сменанинг) тегишинча қисқартирилган ҳолда бошига ёки охирига кўчирилиши, шу жумладан жамланган ҳолда кўчирилиши мумкин. ✏️ Демак, бу танаффусдан ўз вақтида ҳар уч соатда ёки хаммасини жамлаган ҳолда бир вақтда фойдаланиш мумкин.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ЧЕТ ЭЛГА ИШЛАШГА КЕТГАН ШАХСЛАРНИНГ БОЛАЛАРИГА "БОЛА ПУЛИ" БЕРИЛМАЙДИМИ ?

⚡️САВОЛ;
Турмуш ўртоғим Россияга ишлашга кетган. Мен болалар нафақасини олиш учун мурожаат қилсам аризам турмуш ўртоғим чет элда бўлганлиги сабабли рад қилиниши мумкинми ?

⚡️ЖАВОБ;
Вазирлар Маҳкамасининг 21.10.2021 йил кунги 654-сон қарори билан тасдиқланган Низомга кўра,

➖ агар электрон ахборот алмашинуви орқали олинган маълумотларда чет элда ишлайдиган ёки чет элда тадбиркорлик ва бошқа фаолият турини амалга оширувчи оила аъзоларидан пул ўтказмалари миқдори аниқланмаса ёки ўтказмалар миқдори меҳнатга ҳақ тўлаш энг кам миқдорининг икки баравари миқдоридан кам бўлса, у ҳолда оиланинг бир ойлик ўртача жами даромадини аниқлаш учун оиланинг чет элда ишлайдиган ёки чет элда тадбиркорлик ва бошқа фаолиятни амалга оширувчи оила аъзосига даромад аниқланаётган даврда меҳнатга ҳақ тўлаш энг кам миқдорининг икки баравари (Бўлади 2 310 000 сўм) миқдорига тенг бўлган бир ойлик ўртача норматив даромад миқдори қабул қилинади деб кўрсатилган.

✏️ Бу нима дегани ? Бу агар турмуш ўртоғингиз чет давлатга кетган бўлса ва болалар нафақаси олиш учун берган аризангиз бўйича Сизларни оилавий ҳолатингиз ўрганилаётган вақтда турмуш ўртоғингиз томонидан Сизларга пул ўтказмалари ўтказилганлигини аниқлашнинг имкони бўлмаса ёки ўтказма миқдори юқоридаги 2 310 000 сўмдан кам бўлса, демак турмуш ўртоғингизга 2 310 000 сўм миқдорида норматив даромад ёзилади дегани бу. Турмуш ўртоғингизга ёзилган мазкур норматив даромад ва оилангизни бошқа даромадларини қўшиб хисоблаганда киши бошига минимал истеъмол ҳаражатлари миқдори (Ҳозирги кунда 648 000 сўм) дан ошиб кетмаса шундагина Сизларга болалар нафақаси берилиши мумкин. Турмуш ўртоғингизни чет давлатда эканлигини болалар нафақасини олишга бошқа таъсири йўқ.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ИЖАРАДА ЯШАЙДИГАН ЁШ ОИЛАЛАРНИНГ ИЖАРА ТЎЛОВИ ТЎЛАБ БЕРИЛАДИ

📃 Вазирлар Маҳкамасининг 07.06.2022 йил кунги 312-сон қарори билан тасдиқланган низомга асосан,

➖ "ёшлар дафтари"га киритилган ёшларга бир-қатор енгилликлар берилган.

❗️Жумладан:

✅  Мазкур низомга асосан «Ёшлар дафтари» жамғармалари хисобидан ижтимоий ҳимояга муҳтож ёш оилаларга ҳар ойда базавий хисоблаш миқдори (ҳозирги кунда 375 000 сўм)нинг 3 баравари (1 125 000 сўм)дан ошмаган миқдорда 12 ойгача турар жой ижараси учун субсидия ажратилиши белгиланган.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ ЎҒЛИМ КЕЛИНИМНИ МЕНИ РУХСАТИМСИЗ "ПРОПИСКА"ГА КИРИТГАН...

⚡️САВОЛ:
Уй мени номимда. Ўғлим келинимни мени розилигимсиз уйга "прописка"га киритган. Қонунчилик бўйича ўғлим шунга ҳақлимиди ?

⚡️ЖАВОБ:
Уй-жой кодексининг 32-моддасига асосан,

➖ Уй, квартира мулкдорининг оила аъзолари, шунингдек у билан доимий яшаётган фуқаролар, агар уларни кўчириб келган пайтда ёзма равишда бошқа ҳол қайд этилган бўлмаса, уйдаги, квартирадаги хоналардан мулкдор билан тенг фойдаланишга ҳақлидирлар. Улар мулкдор берган турар жойга ўзларининг вояга етмаган фарзандларини кўчириб киритишга ҳақлидирлар, оиланинг бошқа аъзоларини эса, уй, квартира мулкдорининг розилиги билангина кўчириб киритишлари мумкин деб кўрсатилган.

✏️ Мазкур нормадан келиб чиқадиган бўлсак, ўғлингиз уйнинг мулкдори бўлмиш Сизнинг розилигингизсиз фақатгина вояга етмаган болаларини у уйга "прописка"га киритиши мумкин эди холос. Вояга етмаган болаларидан ташқари бошқа шахсларни, шу жумладан келинингизни хам фақатгина Сизни розилигингиз билан "прописка"га киритишга ҳақли эди. Қисқаси, агар келинингиз Сизни уйингизда "прописка"да туриши Сизга ёқмаётган бўлса ва Сиз тегишли жойга шикоят қилсангиз қонунчилик Сиз томонда.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️I ва II гуруҳ ногиронлиги бўлган шахслар мол-мулк солиғи бўйича имтиёзга эга

⚡️САВОЛ:
2 гуруҳ ногиронлиги бўлган шахслар мол-мулк солиғини тўламаслиги мумкинми ?

⚡️ЖАВОБ:
Тўламаслиги мумкин, фақат тўлиқ миқдорда эмас.

📄 Солиқ кодексининг 421-моддасида, ➖ I ва II гуруҳ ногиронлиги бўлган шахсларнинг мулкида бўлган мол-мулк олтмиш квадрат метр доирасида солиқ солишдан озод қилинади деб кўрсатилган.

✏️ Бу имтиёздан оиласида ногиронлиги бўлган шахслар эмас, ўша ногиронлиги бўлган шахс ўзини эгалигида бўлган мол-мулкка нисбатан бу имтиёздан фойдаланиши мумкин.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️КЎЧМАС МУЛКНИ РЎЙҲАТДАН ЎТКАЗИШ БИЛАН БОҒЛИҚ НИЗОЛАРНИ СУДГАЧА ҲАЛ ҚИЛИШ МУМКИНЛИГИДАН ҲАБАРДОРМИСИЗ ?

📄 Вазирлар Маҳкамасининг 29.08.2023 йил кунги 426-сон қарори билан "Кўчмас мулкка бўлган ҳуқуқларни давлат рўйхатидан ўтказиш вақтида юзага келадиган низоларни судга қадар ҳал қилиш тартиби тўғрисида"ги Низом тасдиқланган

➖ Низомга кўра, манфаатдор шахс бу масалада Давлат кадастрлари палатаси масъул ходимларининг ҳаракатлари  ёки ҳаракатсизлиги устидан шикоят қилиб, Кўчмас мулкка бўлган ҳуқуқларни давлат рўйхатидан ўтказишда юзага келадиган низоларни кўриб чиқувчи комиссияга ёзма ёки Давлат кадастрлари палатаси расмий веб-сайти орқали электрон мурожаат қилиши мумкин.

✅ Қолаверса низомда юқоридаги комиссия томонидан мурожаатларни кўриб чиқиш муддатлари ва тартиби хамда норози тарафнинг апелляция бериш жараёнигача бўлган ҳолатлар белгиланган.

❗️Манфаатдор шахслар бу тартиб бўйича Комиссия ва Апелляция комиссияси қарорларидан норози бўлган ҳолатларда бевосита судга шикоят қилиш ҳуқуқидан фойдаланишлари мумкин.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ЎЗБЕК ФУҚАРОЛАРИ БОШҚА ДАВЛАТДА НИКОҲДАН ЎТСА У ЎЗБЕКИСТОНДА ТАН ОЛИНАДИМИ ?

⚡️САВОЛ:
Икки Ўзбекистон фуқароси бошқа давлат ҳудудида никоҳдан ўтган бўлса уларнинг никоҳи Ўзбекистонда тан олинадими ?

⚡️ЖАВОБ:
Оила кодексининг 235-моддасига асосан,

➖ Ўзбекистон Республикаси ҳудудидан ташқарида, бошқа давлат ҳудудида ўша давлатнинг қонунчилигига риоя қилинган ҳолда Ўзбекистон Республикаси фуқаролари ўртасида тузилган ҳамда Ўзбекистон Республикаси фуқаролари билан чет эл фуқаролари ёки фуқаролиги бўлмаган шахслар ўртасида тузилган никоҳлар, агар никоҳда, никоҳ тузишга монелик қиладиган ҳолатлар бўлмаса, Ўзбекистон Республикасида ҳақиқий деб эътироф этилади деб белгиланган.

✏️ Никоҳ тузишга монелик қиладиган ҳолатлар деганда, никоҳланувчилардан бири бошқаси билан қонуний никоҳда турган бўлса, улардан бири руҳий касал бўлса ёки улар бир-бири билан қариндош бўлса деган ҳолатлар назарда тутилади. Шу каби никоҳга монелик қиладиган ҳолатларни четлаб ўтиб тузилган нафақат чет элдаги никоҳ тан олинмайди, балки бундай ҳолатлар билан ўзимизда хам никоҳ тузишга йўл қўйилмайди. Шунинг учун севсангиз никоҳга монелик қилмайдиган одамни севинг))


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️КРЕДИТГА ОЛИНГАН УЙНИ СОТСА БЎЛАДИМИ ?

⚡️САВОЛ;
Мен ипотека шартномаси асосида кредитга уй олган эдим. Хозирги эхтиёжимдан келиб чиқиб уйни сотмоқчи бўлсам танишларим менга уйни кредитини тўлаб бўлмагунимча буни иложи йўқ эканлигини айтяпти. Шу тўғрими ?

⚡️ЖАВОБ;
Амалиётда кредитга олинган уйлар олинган кредитнинг таъминоти сифатида гаровга олинади. Яъни, ўртада тузилган гаров шартномасига асосан то кредит қарздорлиги тўланмагунча ўша олган уйингизга банклар томонидан сотиш учун тақиқ қўйилган бўлади.

❗️Ҳош, нима қилиш мумкин ?

✅ “Ипотека тўғрисида”ги қонуннинг 26-моддасида,➖ипотека тўғрисидаги шартнома бўйича гаровга қўйилган мол-мулк, агар ипотека тўғрисидаги шартномада бошқача тартиб назарда тутилмаган бўлса, ипотекага қўювчи томонидан сотиш, ҳадя этиш, айирбошлаш орқали ёки ўзгача усулда фақат ипотекага олувчи(Банк)нинг розилиги билан тасарруфдан чиқарилиши мумкинлиги кўрсатилган. Яъни, агар банк Сизга мабодо, ўша уйни сотишингиз учун ёзма равишда розилик берса шунда уйни сотишингиз мумкин бўлади лекин, банклардан бундай розиликни олишдан кўра японга Ўзбек тилини ўргатиш осонроқ..

❗️ Демак имкони йўқ эканда ?

✅ Фуқаролик кодекси 322-моддасида қарзни бошқа шахсга ўтказиш деган норма бор. Агар кредит берган банк розилик берса, шу ипотека кредитини бошқа бир тўловга лаёқатли шахсга (янги қарздорга, ёки Сиз сотмоқчи бўлган ўша одамга) ўтказиш мумкин.

❗️Бу қандай бажарилади ?

✅ Бунда Сиз билан банк ўртасида тузилган шартномага ўзгартириш киритилади ва шартнома бўйича Сизни зиммангизда бўлган барча мажбуриятлар иккинчи шахсга ўтади вассалом. Банкларнинг шу шартга рози бўлиш эхтимоли йўқ эмас.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️БЕЗОРИЛИК ҚАНДАЙ ЖИНОЯТ ВА УНИНГ УЧУН ЖАЗО ҚАНАҚА ?

📄 Жиноят кодексининг 277-моддасига асосан,

➖ безорилик, яъни жамиятда юриш-туриш қоидаларини қасддан менсимаслик, уриш-дўппослаш, баданга енгил шикаст етказиш ёки ўзганинг мулкига шикаст етказиш ёхуд нобуд қилиш анча зарар етказиш билан боғлиқ ҳолда содир этилса, — базавий ҳисоблаш миқдорининг эллик бараваридан юз бараваригача миқдорда жарима ёки уч юз соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади.

❗️Безорилик:

➖ баданга ўртача оғир шикаст етказиб:

➖ бир гуруҳ шахслар томонидан;

➖ совуқ қурол ёки кишининг соғлиғи учун амалда шикаст етказиши мумкин бўлган нарсаларни (қурол сифатида) намойиш қилиб, уларни қўллаш билан қўрқитиб ёхуд қўллаб;

➖ ўз мазмунига кўра умум эътироф этган ахлоқ қоидаларини намойишкорона менсимасликда ифодаланувчи ўтакетган беҳаёлик билан;

➖ ёш бола, қария, ногиронлиги бўлган шахс ёки ожиз аҳволдаги шахсларни хўрлаб;

➖ кўп миқдорда зарар етказиб, бировнинг мулкини нобуд қилиб ёки унга шикаст етказиб содир этилган бўлса, — уч юз соатдан уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ИШГА ҚАБУЛ ҚИЛИШНИ НОҚОНУНИЙ РАД ЭТИШ ТАҚИҚЛАНАДИ !!!

📄 Меҳнат кодексининг 119-моддасига асосан, ишга қабул қилишни қонунга хилоф равишда рад этишга йўл қўйилмайди.

❗️Қуйидагилар ишга қабул қилишни қонунга хилоф равишда рад этиш хисобланади:

➖ меҳнат ва машғулотлар соҳасида камситишни тақиқлаш тўғрисидаги талабларни бузиш;

➖ иш берувчи томонидан ишга таклиф этилган шахсларни ишга қабул қилмаслик;

➖ иш берувчи қонунга мувофиқ меҳнат шартномасини тузиши шарт бўлган шахсларни (иш ўринларининг белгиланган энг кам сони ҳисобига ишга юборилган шахсларни, иш берувчи алоҳида асослар бўйича меҳнат шартномасини бекор қилган шахсларни, улар қайта ишга қабул қилинган тақдирда ва бошқаларни) ишга қабул қилмаслик;

➖ ҳомиладорлик ёки фарзандлар борлиги билан боғлиқ сабабларга кўра ишга қабул қилмаслик;

➖ судланганлиги, шу жумладан тугалланган ва олиб ташланган судланганлиги сабабли шахсларни ишга қабул қилмаслик, бундан қонунчиликда назарда тутилган ҳоллар мустасно, ёхуд шахсларни уларнинг яқин қариндошлари судланганлиги, шу жумладан тугалланган судланганлиги муносабати билан ишга қабул қилмаслик;

❗️Ишга қабул қилиш рад этилган тақдирда, иш берувчи ишга қабул қилиш ҳуқуқига эга бўлган мансабдор шахс томонидан имзоланган ишга қабул қилишни рад этиш сабабларининг ёзма асосини ишга қабул қилиниши рад этилган шахснинг талабига кўра уч кунлик муддатда тақдим этиши шарт.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ҚАНДАЙ ҲОЛАТЛАР МУРОЖААТЛАР ТЎҒРИСИДАГИ ҚОНУНЧИЛИКНИ БУЗИШ ХИСОБЛАНАДИ ?

📃 Маъмурий жавобгарлик тўғрисидаги кодекснинг 43-моддасига кўра,

➖ ваколатли ташкилотлар томонидан қилинган қуйидаги ҳолатлар жисмоний ва юридик шахсларнинг мурожаатлари тўғрисидаги қонун ҳужжатларини бузиш ҳисобланади:

🟢 мурожаатларни қабул қилиш ва кўриб чиқишни қонунга хилоф равишда рад этиш;

🟢 мурожаатларни кўриб чиқиш муддатларини узрли сабабларсиз бузиш;

🟢 мурожаатларга ёзма ёхуд электрон шаклда жавоб юбормаслик;

🟢 мурожаатлар тўғрисидаги қонун ҳужжатларига зид қарор қабул қилиш;

🟢 жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик.


❗️Саволларингизни @yuristdan_javob_bot 👈 га юборинг!

👉 @Yurist_Blogerr

❗️ВАКАНТ ЛАВОЗИМЛАРНИ ЯШИРИШ ЖАВОБГАРЛИККА САБАБ БЎЛАДИ!

📃 Маъмурий жавобгарлик тўғрисидаги кодекснинг 229-моддасига кўра,

➖ бўш иш ўринларини (вакант лавозимларни) яшириш, бўш иш ўринлари ёки ҳар бир ходим бўшатиб олиниши кутилаётганлиги тўғрисидаги ахборотни ўз вақтида тақдим этмаслик, иш билан таъминлашга кўмаклашиш давлат жамғармасига ажратмаларни тўлашдан бўйин товлаш, — мансабдор шахсларга базавий ҳисоблаш миқдорининг ўн бараваридан йигирма беш бараваригача миқдорда жарима солишга сабаб бўлади.


❗️Саволларингизни @yuristdan_javob_bot 👈 га юборинг!

👉 @Yurist_Blogerr