@Yozyovon tuman Axborot-Kutubxona Markazi

Kitoblarni tezroq va ko‘proq o‘qish usullari

Har bir kitobning o‘z olami, o‘z haqiqatlari bo‘ladi. Kitobxonda esa kerakli adabiyotni saralab, ko‘proq kitob o‘qish borasida doimo muammolar uchrab turadi. Quyida sizning e’tiboringizga mutolaada ko‘proq ma’lumotlarni eslab qolish va albatta undan zavq olishda yordam beradigan tavsiyalarni havola etamiz.

Kitobni yakunlashingiz shart emas

Balki kitob qiziqarli bo‘lib chiqmagandir? U holda qimmatli vaqtni sarf etishdan ne ma’no? Yaxshisi boshqa qiziqroq kitob mutolaasini boshlagan ma’qul. Ikkinchi sabab asosan non-fikshen janridagi ilmiy-ommabop kitoblarga tegishli. Ba’zida kitobning muayyan jihatlariga qiziqasiz, biroq ichingizdagi boshqa bir ovoz barini o‘qishga majburlaydi. Unga quloq solmang. Keraklisini o‘qing. Vaqtni behuda sarflamang.

Ma’lumotni o‘zlashtiring

Ma’lumotni o‘zlashtirishni o‘rganing. Uning ustida ishlang. Bilib olgan faktlaringiz haqida o‘ylang. Do‘stlaringiz bilan muhokama qiling. O‘z ijtimoiy tarmoqlaringizda bu haqida yozing. Ma’lumotga qancha ko‘p vaqt sarflasangiz, u xotirangizda uzoq vaqtga o‘rin topish ehtimoli ortadi.

Parchalarni qaytadan o‘qing

Bu ko‘pincha non-fikshen kitoblarga tegishli. Agar biror ma’lumotni yodda qoldirishni istasangiz, kitobni o‘qib bo‘lgach, ertasi kuni eng muhim joylarini qaytadan o‘qish tavsiya etiladi. Ma’lumotni qayta o‘zlashtirish bilan birga bu o‘qilganlarni yaxshiroq eslab qolishda yordam beradi.

Mutolaaga instrument kabi munosabatda bo‘ling

Mutolaa ma’lumotni o‘zlashtirishning boshqa usullari kabi bizga bilim va ko‘nikma olishda zarur. Buni anglasangiz, mutolaa jarayoniga xotirjamlik bilan munosabatda bo‘lasiz.

#tabassum

O‘QIMISHLI QARGʻA

Qarg‘a og‘zida bir bo‘lak pishloq bilan daraxt shoxiga qo‘nibdi. Buni ko‘rgan tulki darhol daraxt tagiga kelibdi-da boshini yuqori ko‘tarib:

— Og‘am olaqarg‘a, xush ovozingizni juda sog‘indim. Bir qo‘shiq kuylab bering, iltimos, debdi.

Qarg‘a esa og‘zidagi pishloqni yeb bo‘lib javob beribdi:

—"Men u ertakni o‘qiganman, do‘stim. Sen kitob o‘qishni yoqtirmaydigan, maqtanishni xush ko‘radigan, o‘zingga o‘xshagan birorta laqmani top" degan ekan.

Qarg‘adan o‘rnak oling!

Bugun 18-sentabr 2024-yil, chorshanba.

👉 BAYRAMLAR:

🇺🇳 Xalqaro teng ish haqi kuni.
🌏 Xalqaro elektron kitoblarni o‘qish kuni.
🌏 Butunjahon suv sifatini nazorat qilish kuni.
🌏 Xalqaro bambuk kuni.

🔹 MILLIY BAYRAMLAR:

🇬🇧 Buyuk Britaniya - Fitness kuni
🇺🇦 Ukraina - Vafot etgan mototsiklchilarni xotirlash kuni.
🇦🇿 Ozarbayjon - Milliy musiqa kuni.
🇺🇸 AQSh - AQSh havo kuchlarining tug'ilgan kuni.
🇷🇺 Rossiya - Inson resurslari menejeri kuni.
🇭🇷 Xorvatiya - Harbiy dengiz floti kuni.
🇦🇲 Armaniston - Astronomiya kuni.
🇨🇱 Chili - Mustaqillik kuni
🇮🇷 Eron - Fors adabiyoti va she‘riyati kuni.

SEVIB YASHANG


Tabassumga burkansin dunyo,
Shodliklarga ko‘milib yashang,
Qalbingizga to‘lsin nur-ziyo,
Sevib yashang, sevilib yashang.


Ko‘zingizda kulsin muhabbat,
Dilingizda unsin muhabbat,
Bu o‘tkinchi dunyoda faqat,
Sevib yashang, sevilib yashang.


Egilmasin g‘amga boshingiz,
Porlab tursin baxt quyoshingiz,
Oqmasin hech ko‘zda yoshingiz,
Sevib yashang, sevilib yashang.


Nolimoqlik,kuymoqlik nechun,
Hech nima yo‘q mehrdan ustun,
Qadringizni bilganlar uchun,
Sevib yashang,sevilib yashang.


Hayotning yoz,ko‘klami go‘zal,
Umringizning har dami go‘zal,
Qalbingizga quring tojmahal,
Sevib yashang,sevilib yashang.


Nur yog‘ilsin osmondan qat, qat,
Hamroh bo‘lsin sizga baxt-omad,
Mahabbat ham Allohdan ne’mat,
Sevib yashang,sevilib yashang.


🖋Xurshid Karim