Joriy yilning 9 noyabr kuni Navoiy shahridagi Ma’naviyat markazida "Atoqli qoraqalpoq shoiri va mutafakkiri Ajiniyoz Qo'siboy o'g'li tavalludining 200 yilligini keng nishonlash maqsadida «Adabiyot osmoninig zevari» nomli adabiy-badiiy tadbir bo'lib o'tdi. Unda Qoraqalpog'iston Respublikasidan tashrif buyurgan bir guruh adabiyotshunos olimlar: Quvanisbay O'razimbetov ( "Ajiniyoz hayoti va ijodi"), Adilbek Seyitbekov ("Ajiniyoz ijodida sharq poeziyasi an'analari"), Qo'chqarbay Matimov ("Ajiniyoz—improvizator shoir") lar o'z ma'ruzalari bilan ishtirok etgan bo'lsalar, O'zbekiston Yozuvchilari uyushmasi Navoiy viloyat bo'limi rahbari B. Sadriddinov "Ajiniyoz Qo'siboy o'g'lining o'zbek adabiyotida tutgan o'rni" mavzusida o'z mulohazalarini bayon etdi.