Кунлик эслатмалар|Амал қилиш учун

Учта та энг қийин амал

Бишр ибн Ҳорис розияллоҳу анҳу айтадилар:

1. Етишмовчиликда сахийлик.

2. Хилватда (ҳеч ким йўқлигида) тақводор бўлиш.

3. Хавфли киши ёки умидвор бўлинган киши олдида ҳақ сўз айтиш. Яъни, ёмонлигидан қўрқиладиган ёки ундан бирор нарсада умидвор бўлган киши олдида ҳақ ва тўғри сўзни айтиш.

@Yosir_Dusariy

Ҳаракат

Ҳаракат қилмасдан фақат ва фақат дуо қилиб ўтирар экансан, сен орзу қилган ҳаёт телефонинг экранида қолиб кетаверади...

@Yosir_Dusariy

Муҳаббатини сўз билан изҳор эта олмайдиган ҳар бир эр номидан.

Ишдан чарчаб қайтаман, аммо уйни соғинаман. Сени кўришни, сен билан хотиржамлик ҳис қилишни, бирга вақт ўтказишни хоҳлайман.

Пул топганимда, сени хурсанд қиладиган нарсалар ҳақида ўйлайман. Қанчалик оддий бўлса ҳам, юзингдаги табассумни, қувончни кўриш мен учун кифоя.

Ҳаётингни енгиллатишга, сен учун суянч бўлишга ҳаракат қиламан. Аммо шунга қарамай, севишимни айта олмайман.

Балки ҳар куни “Сени севаман” демасман, балки романлардаги каби дил изҳори қилишни билмасман. Аммо сени амалларим билан севаман:
Сени бахтли қилишга интилишим билан, хафа бўлсанг ташвиш чекишим билан, сўрамасанг ҳам ҳаёт юкларини енгиллатишга ҳаракат қилишим билан севаман.

Муҳаббат фақат оғиздаги сўзлар эмас. У сидқидилдан қилинган ишлар, сўнмайдиган ғамхўрлик, қийин дамларда бирга бўлиш демакдир.

Сендан истагим:
Орамиздаги масофа катталашмаслиги учун, муҳаббатни фақат сўзлардан излама. Чунки у баъзан кўзга кўринмайдиган, аммо қалб билан ҳис қилинадиган ҳаракатларда намоён бўлади. Аслида, муҳаббатнинг ҳақиқий кўриниши айнан шунда.

Ҳар бир эркак “Сени севаман” дейишни билмас, аммо ҳар бири ўз йўли билан севишни билади. Шунинг учун афсусланишдан олдин уни кўра билишга, ҳис қилишга ҳаракат қил!

@Yosir_Dusariy

Нега бегона аёллар аёлингиздан кўра чиройли кўринади ?

Бир киши ўз ҳолидан олимга шикоят қилиб:

"Аёлимни илк бор кўрганимда Аллоҳ ундан гўзалроғини яратмаган деб ўйлар эдим.

Унга совчи қўйганимда эса унингдек гўзаллар ҳам борлигини кўрдим.

Унга уйланганимдан сўнг, ундан ҳам чиройлилар жуда кўплигини кўрдим.

Тўйимизга бир неча йил бўлганидан сўнг, дунёдаги барча аёллар менинг аёлимдан гўзалроқ кўринди."

Бу гапларни диққат билан тинглаб турган олим зот: "Сенга бундан ҳам даҳшатлироғини айтайми?

Агар сен дунёдаги барча аёлларга уйланган тақдирингда ҳам кўчада тентираб юрган итлар кўзинга дунёдаги барча аёллардан чиройлироқ кўринар эди.

Чунки муаммо аёлингда эмас.

Агар қалбинг таъмагир , кўзинг ўйноқи бўлса ва Аллоҳдан ҳаё қилмасанг, кўзингни ўз гўринг тупроғидан бошқа ҳеч нарса тўйдира олмайди".

@Yosir_Dusariy

Ота-она

Ота-онанга яхшилик қилар экансан, гўёки сен кўп саҳифалардан иборат ҳикоя ёзяпсан. Бир нарсани асло унутма, ёзган ҳикоянгни албатта ўзинга ўз фарзандларинг ўқиб беришади.

@Yosir_Dusariy

Бир умрлик дарс

Бир ўзига тўқ, ўта бадавлат амаким зудлик билан операция қилиниши керак бўлди.

Докторларнинг айтиши бўйича, аппендицит пўфакчаси ёрилиб кетипти. Ортиқча вазнлари сабаб, операция қийин кечди.

Палатага олишди. У киши, гўёки дунёни биринчи марта кўриб тургандек аланглардилар. Ичимдан муздек тер чиқиб кетди.

Мен кўрган шижоатли, доим кулиб юрадиган ва барчамизга меҳрибон амакимнинг юзларидан умримда биринчи марта қўрқув ва хавотирни кўрдим.

Кечалари оғриқдан ухлай олмай, инграб чиқардилар. Мен кўрган амаким тамомила бошқа одамга, ожиз бир қўрқоқ одамга айланган эдилар.

Ушанда амаким бу оғриклар кетиши эвазига бутун умр тўплаган бойликларини ўйлаб ўтирмай алишишга шай эдилар.

Янгам (аёллари) ёнларидан жилмади. Ухламади. Овқатлантирди. Ортларини артиб қўйди, жирканмади.

Соғлом вақтларида "окагинам" деган одамлари, касал бўлганда амакимнинг устидан кулиб кетди.

Аллоҳ бизни танамизни дардлардан холи қилган экан. Касалхонага бориб тушундим. Пулим тугаб қолса ҳафа бўлардим, сиқилиб. Пулга хам алмаштириб бўлмайдиган "соғлик" неъмати билан ризқлантирган экан.

Аллоҳим, ноушкрлик қилган кунларим учун тавба қилдим, ўзинг мени кечир!

@Yosir_Dusariy

Саловат

Бугунги саловатларни кўпайтир. Саловат айтсанг, отанга ҳам яхшилик қилган бўласан. Сабаби, айтган саловатингни фаришталар пайғамбаримиз Муҳаммад соллаллоҳу алайҳи васалламга фалончининг ўғли сизга салом ва саловат айтди деб отангни исмини зикр қилишади. Фурсатни ғанимат бил!

@Yosir_Dusariy

Офият

Бир куни оиламиз билан ресторандан чиқдик. Уларни бир хурсанд қилай деб овқтлантирдим.

Ҳаммамизни қорнимиз тўқ, ҳамма хурсанд. Майин шамол, чироқлар билан тўла шаҳар. Кўчада гаплашиб кетяпмиз.

Кўзим йўл четида қаттиқ маст бўлиб ерда лойга беланиб ётган одамни қўрдим. Атрофида эса дайди итлар. Ичим шўвиллаб кетди.

Оилам томон қарадим, улар у одамни кўришмади. Ниманидир бир-бирларига гапириб кулишиб кетишарди.

Яна у одамга қараб туриб қолдим. Агар Аллоҳ хоҳласа шу одамдан ҳам баттар ҳолга солиб қўйиши мумкинлиги ўйладим. Ит қилиб яратиши ҳам мумкин эди.

Ношукрлик қилишга ҳеч қачон ҳаққим йўқлигина яна бир бор тушундим.

Кўпчилигимиз унутиб қўйганмиз. Аллоҳ аслида офият билан бизларни неъматлантирган экан бизларни. Аллоҳга ҳамдлар бўлсин!!!

@Yosir_Dusariy

Ўзгариш

Албатта, то бир қавм ўзларини ўзгартирмагунларича, Аллоҳ уларнинг ҳолини ўзгартирмас. (Раъд сураси, 11-оят)

@Yosir_Dusariy

Мусиқа ва Қуръон

Мусиқа ва Қуръон бир қалбда жам бўлмайди. Аллоҳнинг назари тушиб турадиган қалбингни Қуръон билан тўлдир.

@Yosir_Dusariy

Ота-она розилиги

Биродар, бир нарсани ҳеч қачон унутма. Ота-онага яхшилик қилиш ва бахтсизлик зинҳор бирга жам бўлмайди. Уларни хурсанд қил, Аллоҳ сени ҳам хурсанд қилади. Уларни рози қил, Аллоҳ ҳам сендан рози бўлади.

@Yosir_Dusariy

Мусиқа жоизми ?

Ҳаққинга дуо қиламан, агар рози бўлсанг ортимдан "Омин" дейсан.

— Жон таслим қилаётганингда энг сўнги сўзинг умринг давомида эшитган мусиқаларнинг сўзи бўлсин!
— ...
— Жон таслим қилаётганингда энг охирги сўзинг "Ла илаҳа иллаллоҳ" бўлсин!
— Омин!
— Қиёматда амал дафтаринг қўлинга берилганда унда сен эшитган қўшиқларнинг сўзлари бўлсин!
— ...
— Қиёматда амал дафтаринг қўлинга берилганда унда тиловат қилган Қуръон оятлари бўлсин!
— Омин!
— Ана, кўрдингми ? Аслида сен ўзинг жуда яхши ҳақ ва ботилни фарқига борасан.

@Yosir_Dusariy

Шайтон

Оятал курсийни ўқисанг инсу-жиндан бўлган шайтон орқасига қарамай қочади. Одамдан бўлган шайтонга қарата ўқисанг, сенга уни тафсирини айтиб беради.

@Yosir_Dusariy

Одамлар севса

Ҳамма одамлар сени яхши кўришса-ю, аммо Роббинг суймаса, нимага эришасан ? Агар ҳамма ёмон кўрса-ю, аммо Роббинг яхши кўрса, нимани ютқазасан ? Роббинга итоат қил, Ўзи бандалари ичида сени азиз қилиб қўяди. Ишон, биродар.

@Yosir_Dusariy

Ғийбат

Бир гапни йузига айта олмайсанми, ортидан ҳам гапирма. Агар йузига айтишга шижоатинг етса, ортидан гапириб нима қиласан ? Риёсиз, пок, фақат Аллоҳ розилиги учун қилинган ва машаққатинг эвазига эришилган савобингни қўш-қўллаб бериб йуборма биродар. Бир ой Рамазон рўзасини қийналиб, минг машаққат билан тутсанг-у, қиёматда ўша сен ёқтирмайдиган инсон савобига эга чиқса, Аллоҳ асрасин. Кўзингни оч!

@Yosir_Dusariy

Манфаатли

Манфаатли постларни "история"га қўйиш учун "Премиум" обунаси бор обуначиларимиздан овоз бериб илм тарқалишига ҳисса қўшишларини сўраймиз. Барчамиздан Аллоҳ рози бўлсин!

Ҳавола учун: https://t.me/Yosir_Dusariy?boost

Ҳамд айт

Статистик маълумотларга кўра кунига ўртача 150,000 одам вафот этар экан. Демак, кеча шунча одам вафот этган бўлиши мумкин. Сен ҳам шу тонгни орттирмай ўлишинг ҳам мумкин эди. Сени уйғотган Аллоҳга "Алҳамдулиллаҳ" дегин.

@Yosir_Dusariy

Саййидул Истиғфор

«Расулуллоҳ соллаллоҳу алайҳи васаллам: «Ким саййидул истиғфорни кечки пайт айтиб, шу куни вафот этса, жаннатга киради. Ким тонгда айтиб, шу куни вафот этса, унда ҳам жаннатга киради», дедилар.

@Yosir_Dusariy

Одамларнинг гапи ?

Эшакда йурсанг ҳам, эшакни етаклаб йурсанг ҳам одамлар гапираверишади. Фақат аҳмоқ ва қўрқоқларгина сенинг ортингдан ғийбат қилишади. Энди ўзинг ўйла, ўшалар бн тортишишга арзийдими ? Сен ўша аҳмоқларга жавоб қайтариб улардан ўтган нодон бўлма.

@Yosir_Dusariy

Номаҳрам

Бир бирингни хатто бомдодга уйғотсанг ҳам муносабатларинг харом ва зино ҳисобланади.

@Yosir_Dusariy