O'zbekiston yoshlar ittifoqi

TIKA tomonidan amalga oshirilayotgan “Tajriba almashinuvi dasturi” doirasida Turkiya Respublikasining yetakchi universitetlarida taʼlim olayotgan bir guruh yosh talabalar Oʻzbekistonga tashrif buyurdi. Ular tashrif davomida yurtimiz madaniyati, tarixi, milliy anʼanalari, oʻzbekistonlik yoshlar va ularning faoliyatlari, jumladan, qishloq xoʻjaligi bilan yaqindan tanishdi.

Bugun Samarqand viloyatining Samarqand tumanida turkiyalik yosh talabalar, Oʻzbekiston yosh fermerlari Kengashi va yosh fermerlar oʻrtasida tajriba almashish boʻyicha uchrashuv boʻlib oʻtdi. Unda ikkala davlatning qishloq xoʻjaligi sohasida amalga oshirilayotgan soʻnggi innovatsion loyihalari toʻgʻrisida maʼlumotlar berildi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Mustaqilligimizning 28 yillik tantanalari munosabati bilan Toshkent shahar hokimligi hamda Oʻzbekiston yoshlar ittifoqi Toshkent shahar Kengashi tomonidan “Milliy qadriyatlar – poytaxt yoshlari nigohida” nomli yoshlar sayli boʻlib oʻtdi. Unda yosh olimlar, hunarmandlar, ijodkorlar va faol yoshlar oʻz ijod namunalari bilan qatnashdi.

Yoshlar sayli tasviriy sanʼat, liboslar dizayni, munchoqli bezak, badiiy toʻqish, doʻppidoʻzlik, kulolchilik, yumshoq oʻyinchoqlar va qoʻgʻirchoqlar, yogʻoch oʻymakorligi kabi yoʻnalishlarda oʻtkazildi.
Sayl davomida yurtdoshlarimiz belgilangan joylarda har bir viloyatning oʻziga xosligini koʻrsatadigan qadriyatlarni namoyish etishdi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

20-22-avgust kunlari “Yosh kitobxon” Respublika koʻrik-tanlovining Samarqand viloyat bosqichi oʻtkazildi. 3 kunlik tanlov jarayonida Samarqand sharafini himoya qiladigan gʻolib kitobxonlar aniqlandi.

Tanlov natijalariga koʻra, 10-14 yosh toifasida 1-oʻrinni Oqdaryo tumani ishtirokchisi Gulsanam Abduvohidova, 15-19 yoshli kitobsevarlar oʻrtasida gʻoliblikni Paxtachi tumani vakili Mashhura Kamolovalar qoʻlga kiritdi.

20-30 yosh toifasida oʻtkazilgan tanlovda 1-oʻrin Narpay tumani qatnashchisi Gulhayo Eshmonovaga nasib qildi.

Respublika bosqichiga yoʻllanmani qoʻlga kiritgan samarqandlik kitobxonlar: Gulsanam Abduvohidova, Mashhura Kamolova, Gulhayo Eshmonovalarga finalda ham zafarlar tilab qolamiz.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Navoiy shahridagi viloyat qon quyish markazida “Ezgulik albatta qaytadi” xayriya donorlik aksiyasi boʻlib o‘tdi.

Mustaqilligimizning 28 yilligi munosabati bilan “Barchasi – bizning kelajagimiz uchun!” shiori ostida oʻtkazilgan aksiyada viloyatning koʻngilli yoshlari, harbiy xizmatchilar, sportchilar va turli soha vakillari qon kasalliklari bilan og‘rigan bemor bolalarning shifo topishiga ko‘maklashish maqsadida qon topshirdi.

— Bu kabi aksiyalar bemor bolalarni samarali davolash va ularning qisqa fursatlarda sog‘ayib ketishiga xizmat qiladi, — deydi viloyat “Qon quyish markazi” bosh shifokori S.Tursunov. — Yoshlarimizning bemorlar salomatligini qayta tiklashida o‘z hissasini qo‘shayotgani quvonarli, albatta.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

22-avgust kuni Xoʻjayli tumanida Oʻzbekiston yoshlar tadbirkorligini qoʻllab-quvvatlash markazi Qoraqalpogʻiston Respublikasi boʻlinmasi va “Yoshlar-kelajagimiz” jamgʻarmasi Xoʻjayli tuman filiali bilan hamkorlikda “Gulmira tekstil” masʼuliyati cheklangan jamiyati korxonasiga biznes sayohat tashkil etildi.

Tadbirda yoshlarga mazkur korxonaning ishlab chiqarish hajmi, mahsulot tannarxi, xom-ashyo sarfi hamda zamonaviy ishlab chiqarish uskunalari toʻgʻrisida korxona mutaxassislari tomonidan toʻliq maʼlumotlar berildi. Korxonada ishlash istagini bildirganlarga ish jarayonlari oʻrgatildi. 20 nafar qizlar shogirdlikka qabul qilindi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Bugun “Yoshlar press-klubi”da Yoshlar ittifoqi qoshidagi Oʻzbekiston yoshlar tadbirkorligini qoʻllab-quvvatlash markazi tomonidan oʻtkazib kelinayotgan “Men boʻlmoqchiman” loyihasining navbatdagi uchrashuvi boʻlib oʻtdi.

“Oʻzbekiston havo yoʻllari” Milliy aviakompaniyasi bilan hamkorlikda tashkil etilgan tadbirda yoshlar aviakompaniya xodimlari: uchuvchilar, bort kuzatuvchilari, dispetcherlar bilan ochiq muloqotda boʻldi.

Press-klub ishtirokchilari uchuvchi boʻlish uchun qanday bilimlarni egallash kerakligi, bort kuzatuvchisiga qoʻyiladigan talablar, dispetcherlikning mashaqqatlari va boshqa oʻzlarini qiziqtirgan savollar bilan spikerlarga murojaat qilishdi.

Eslatib oʻtamiz, maktab, akademik litsey va kollej bitiruvchilarini kasbga yoʻnaltirish, bandligini taʼminlash maqsadida tashkil etilgan “Men boʻlmoqchiman” loyihasi doirasidagi dastlabki uchrashuv
“Oʻzbekiston temir yoʻllari” AJ xodimlari bilan oʻtkazilgan edi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Navbahor tumani “Beshrabot” MFYda yosh tadbirkor tomonidan “Ifora pharm” sogʻlomlashtirish markazi ochildi.

“Yoshlar-kelajagimiz” Davlat dasturi asosida 800 million soʻm imtiyozli kredit olib, faoliyat boshlagan Bobur Hamidov bugungi kunda 8 nafar yoshni ish bilan taʼminladi.

Ushbu markaz barcha sharoitlarga ega boʻlib, dorixona, labaratoriya hamda maxsus sogʻlomlashtirish xonalaridan iborat.

Markazga yangi turdagi sport jihozlari ham oʻrnatilgan. Xalq salomatligini ko'zlab ochilgan markazdan beshrabotliklarning quvonchi cheksiz.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Oʻzbekiston yoshlar ittifoqi Markaziy Kengashida Yoshlar press-klubining maxsus sessiyasi boʻlib oʻtdi.

Muloqot davomida urgʻu koʻcha-koʻyda bir-biri bilan mushtlashayotgan odamlar tasviri tushirilgan voqealarning videolari ijtimoiy tarmoqlarga joylanayotgani va buning yoshlar dunyoqarashiga taʼsiriga qaratildi.

- Hozirgi yoshlar boshqacha boʻlib ketgan. Tarbiyasi ogʻir, jaxli tez, degan soʻzlarga unchalik qoʻshilmayman. Yoshlar emas, kattalar oʻzgarib ketgan, nazarimda, - dedi psixolog Maʼruf Kubayev. - Bozorda shallaqilik qilayotgan ayollar, salomimizga alik olmaydigan odamlar, oqibatsiz va sovuq munosabatlar bizning diydamizni qotiryapti. Ayanchlisi, bunday hodisalarga koʻzimiz oʻrganyapti. Endi “odobni odobsizdan oʻrgan” maqoliga amal qilsak, toʻgʻri yoʻldan ketadiganga oʻxshaymiz.

Press-klub yakunida yoshlar o'zlarini qiziqtirgan savollarga spikerlardan javob oldilar.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

"Charm to'p" an'anaviy futbol musobaqasining navbatdagi uchrashuvi Fargʻona shahar futbol akademiyasi maydonida oʻtkazildi.

Mazkur uchrashuvda Bagʻdod tumanining “Doʻstlik” jamoasi hamda Margʻilon shahrining «Bahrin» jamoasi vakillari oʻzaro bellashishdi.

Yakuniy natijalarga koʻra, Margʻilon shahrining «Bahrin» jamoasi Bagʻdod tumanining “Doʻstlik” jamoasini 2:0 hisobida magʻlubiyatga uchratib, musobaqaning respublika final bosqichiga yoʻllanmani qoʻlga kiritdi.

Musobaqa gʻolib va sovrindorlari hamkor tashkilotlar tomonidan diplom va esdalik sovgʻalari bilan taqdirlandi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Bugun “Kitob olami” majmuasida “Yoshlar kutubxonasi” loyihasi doirasida chop etilgan yangi kitoblarning taqdimot marosimi oʻtkazildi. Mustaqilligimizning 28 yilligi hamda yangi oʻquv yili munosabati bilan 10 ming nusxadan chop etilgan 12 nomdagi jahon va oʻzbek adabiyotining durdona asarlari yigʻilgan kitobxonlarga manzur boʻldi.

Chunki ularning orasida eng sara kitoblardan Choʻlponning “Koʻklam ruhi”, Saʼdiyning “Boʻston”, Ch.Aytmatovning “Oxirzamon nishonalari”, Pushkinning “Yevgeniy Onegin” asarlari va boshqa kitoblar oʻrin olgan. Taqdimot marosimida 12 nomdagi kitobga tayyorlangan treyler namoyish etildi. Yoshlar ittifoqi hamda “Mening yurtim” telekanali bilan hamkorlikda oʻtkazilayotgan yangi “Maktub” loyihasining premyerasi hamda Yosh ijodkorlar Kengashining taqdimoti boʻlib oʻtdi.

Kitobxonlik targʻibotiga bagʻishlangan viktorinada gʻolib boʻlgan kitobxonlarga 12 nomdagi kitoblar jamlanmasi sovgʻa sifatida taqdim qilindi.

https://t.me/joinchat/AAAAAEHitBokWsG09oarxg

19-21 avgust kunlari “Yosh kitobxon” tanlovining Namangan viloyat bosqichi bo’lib o’tdi. Tanlovda 3 yosh toifasi bo'yicha saralash va mahalliy bosqichlardan muvaffaqiyatli o'tgan 36 nafar yoshlar faol ishtirok etishdi.

Natijalarga ko'ra, 10-14 yosh toifasi bo'yicha 1-o’rinni Dilrabo Mahmudova qo'lga kiritgan bo'lsa, 15-19 yoshlilar o'rtasida Mirjalol Sotvoldiyev g'olib bo'ldi.

20-30 yosh toifasi bo'yicha Nazokat Jabborova tanlovning respublika bosqichida ishtirok etish uchun yo’llamani qo’lga kiritdi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Kuni kecha “O‘zbek-Afg‘on” do‘stlik oromgohi o‘z ishini boshlagani haqida xabar qilgan edik. Oromgohning birinchi kunida ishtirokchilar tantanali kutib olingandan so‘ng, ikkinchi kunida ular Surxondaryo viloyatining Termiz shahrida joylashgan “Sulton Saodat” va “Kokildor ota” yodgorliklari hamda “Al Hakim At-Termiziy” majmuasiga tashrif buyurib, hududning boy madaniy merosi bilan yaqindan tanishdi.

— Men Surxon vohasi tarixi haqida ko‘p o‘qiganman, bugun esa tarixiy obidalarni o‘z ko‘zim bilan ko‘rishga muvaffaq bo‘ldim, — deydi afg‘onistonlik yoshlar tashkiloti vitse prezidenti Nusratillo Ibrohimiy. — Madaniyatlarimiz o‘rtasida o‘xshashliklar mavjud. Kelgusida aloqalarimiz yanada mustahkamlanadi degan umiddaman.

Kunning ikkinchi yarmida ishtirokchilar uchun “O‘zbekiston tarixi” va “O‘zbek tili” darslari tashkil etildi. Shuningdek, ishtirokchilar futbol musobaqalarida o‘zaro bellashdilar.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Bugun “Kitob olami”da katta bayram!

Mustaqilligimizning 28 yilligi hamda yangi oʼquv yili munosabati bilan Oʼzbekiston yoshlar ittifoqi “Yoshlar kutubxonasi” rukni ostida navbatdagi 12 nomdagi badiiy kitoblarni 120 ming nusxada chop etib, taʼlim muassasalariga yetkazmoqda!

Аziz yoshlar! Sizlarni bugun soat 10:00da “Kitob olami” majmuasida “Yoshlar kutubxonasi” ruknida chop etilgan kitoblar taqdimoti marosimiga taklif etamiz.

Marosimda sizlarni ajoyib sovgʼalar, bir-biridan qiziqarli taqdimotlar va viktorinalar kutmoqda!

Demak, “Kitob olami”da ko’rishamiz!

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg

Oʻzbekiston yoshlar ittifoqi tomonidan tashkil etilgan “Yoshlar kutubxonasi” loyihasi doirasida mustaqilligimizning 28 yilligi munosabati bilan yoʻlga chiqqan “Kitoblar karvoni” Namangan "Yoshlar markazi"ga yetib keldi.

Bugun viloyatning kitobsevar yoshlari "Prezident sovgʻasi"ni tantanali kutib oldi. 12 nomdagi 8352 dona badiiy adabiyotlar yangi oʻquv yili oldidan umumtaʼlim maktablari kutubxonalariga bepul tarqatiladi.

“Kitoblar karvoni”dan joy olgan oʻzbek va jahon adabiyotining noyob asarlari viloyatning barcha umumta’lim maktablari kutubxonalariga yuboriladi.

Yoshlar ittifoqi rasmiy kanali👇
https://t.me/joinchat/AAAAAEHitBokWsG09oarxg