YKJ_YoshTadbirkor

@YKJ_Qashqadaryo Yoqdi 0
Bu sizning kanalingizmi? Qo‘shimcha imkoniyatlardan foydalanish uchun egalikni tasdiqlang

Yoshlar - kelajagimiz jamg'armasi
KELAJAKNI BIRGA YARATAMIZ!!!
Kanalga a'zo bo'lish:
t.me/YKJ_Qashqadaryo
t.me/ykfoundation
@biznesga_qadambot
Facebook.com/ykfoundationuz
Instagram.com/Yoshlarkelajagimiz
Murojaat uchun:
@Aliiisher
@FazliddinFS
Kanal hududi va tili
O‘zbekiston, O‘zbek tili


Kanalning hududi
O‘zbekiston
Kanal tili
O‘zbek tili
Kategoriya
Biznes va startaplar
Indeksga qo‘shilgan
11.09.2019 20:21
reklama
TGAlertsBot
Каналингиз репостлари ва эсловлари ҳақида хабар беради.
TGStat Bot
Telegram'дан чиқмай туриб каналлар статистикасини олиш
Telegram Analytics
TGStat хизмати янгиликларидан бохабар бўлиш учун обуна бўл!
430
ta obunachilar
~61
1 ta e’lon qamrovi
~188
kunlik qamrov
~4
ta e’lon 1 kunda
14.2%
ERR %
7
iqtibos olish indeksi
Kanalning repost va eslovlari
72 ta kanal eslovlari
4 ta e’lonlar eslovlari
85 ta repostlar
NISHON.UZ
20 Dec 2020, 23:53
Qashqadaryo Tadbirkorlari
23 Jul 2020, 07:25
NISHON.UZ
23 May 2020, 12:31
NISHON.UZ
23 May 2020, 12:30
Dehqonobod tuman hokimligi
22 May 2020, 07:28
NISHON.UZ
16 May 2020, 19:18
NISHON.UZ
15 May 2020, 08:55
NISHON.UZ
13 May 2020, 11:39
Qashqadaryo.uz✅
10 May 2020, 18:39
Qashqadaryopress.uz
3 May 2020, 17:47
Qashqadaryopress.uz
3 May 2020, 13:34
Qashqadaryo.uz✅
3 May 2020, 13:21
Qashqadaryo.uz✅
30 Apr 2020, 15:47
30 Apr 2020, 15:39
Qashqadaryopress.uz
30 Apr 2020, 15:39
30 Apr 2020, 15:39
Qashqadaryopress.uz
30 Apr 2020, 15:39
Dehqonobod tuman hokimligi
8 Apr 2020, 16:56
Qashqadaryo.uz✅
5 Apr 2020, 14:32
@YKJ_Qashqadaryo iqtibos olgan kanallari
So‘nggi e’lonlar
O‘chirilgan e’lonlar
Eslovlar bilan
Repostlar
YKJ_YoshTadbirkor 24 Jul, 10:56
Biznesda qanday qilib qo‘rquvdan qutilib, yangi ish boshlash mumkin?

Muvaffaqiyatsizlikdan qo‘rqadigan odam faqat siz emassiz. Muvaffaqiyatsizlik qo‘rquviga ish boshida turgan har bir tadbirkor duch keladi. Undan qutilish uchun o‘zni ruxlantirish kerak. Ruxlantirish esa tadbirkorlarning qilgan ishlari yozilgan kitoblardan, vidotasvirlardan olinadi.

Ehtimol, bu siz eshitishni istamagan narsadir, ammo har qanday ish muvaffaqiyatsizliksiz amalga oshmaydi. Ishlaringiz yaxshi ketib turgan vaqtda to‘satdan muvaffaqiyatsizlikka duch kelsangiz, bu oxiri, bo‘ldi boshqa ish bo‘lmaydi deb talvasaga tushib qolmasdan ularni tezroq unutishga harakat qilish kerak.

O‘zingizga bo‘lgan ishonchni oshirish uchun muvafaqqiyatli ishlaringiz haqida ham o‘ylang va ora-orada ular uchun o‘zingizni maqtab qo‘ying, lekin maqtovni oshirib yubormang. Avval erishilgan yaxshi natijalar haqida fikrlash o‘zingizga bo‘lgan bahoni oshirib, yana yangi ishlar qilishingiz uchun turtki bo‘ladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 24 Jul, 07:39
O‘z biznesini yo‘lga qo‘yishga muvaffaq bo‘lgan tadbirkor Anna Tsfassman

“Kofein” tarmog‘ining bosh direktori bo‘lib, 5 yildan ortiq ishlagan Tsfasman dastlab o‘z biznesini ochish haqida umuman o‘ylamagan. Ammo 2012-yilda sarmoyadorlarning kofe donalari sifatini pasaytirish istagiga qo‘shilmay, kompaniyadan ketib, biznesini yo‘lga qo‘ygan.

Dastlab sherigi bilan birgalikda choy va kofe sotiladigan 300 do‘kondan iborat katta tarmoqni ochmoqchi bo‘lgan. Ammo ijaraga olingan binolarning egalarini faqat kofe sotiladigan kichik do‘kon oshishgina qiziqtirgan. Ushbu biznesga pul tikmoqchi bo‘lgan investorlar ham tezda topilib, biznesga 1 million dollar sarmoya kiritilgan.

Hozir tarmoqda 85 dan ortiq qahvaxonalar mavjud bo‘lib, Moskva, Sankt-Peterburg va Rossiyaning boshqa shaharlari, shuningdek, Dubay, Barselona, Praga hamda Tbilisida ham faoliyat yuritmoqda.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 24 Jul, 06:54
Assalomu alaykum!
Bugun 24-iyul, Shanba.
Grigoriy taqvimi boʻyicha yilning 205-kuni.
Yil yakuniga 160 kun qoldi.

🎊 BAYRAMLAR:🎊

🌏 Hindistonda ota-onalar kuni
🌏 Vanuatuda bolalar kuni
🌏 Polshada politsiya kuni
🌏 Gretsiyada demokratiyani tiklash kuni
🌏 Venesuelada harbiy dengiz kuchlari kuni
🌏 Rossiyada gulchilar kuni

💠 VOQEALAR:💠

🔰 1701-yil — AQSHda Detroyt shahri tashkil etildi.
1790-yil — Fransiyada tarixda ilk marotaba Yerga meteorit qulashi rasman ro‘yxatdan o‘tkazildi.
1851-yil — Buyuk Britaniyada oyna solig‘i bekor qilindi.
1870-yil — Nyu-Yorkka San-Frantsiskodan birinchi transkontinental poezd keldi.
1908-yil — Turkiyada 1876-yilgi konstitutsiya yangilandi.
1917-yil — Kiyevda Birinchi ButunUkraina ishchilar qurultoyi boshlandi.
1938-yil — “Nestle” dunyodagi eng mashhur tezkor qahva markasi — “Nescafe”ning birinchi partiyasini ishlab chiqardi.
1956-yil — Rossiyada Dubna shahriga asos solindi.
1969-yil — “Apollon 11” Tinch okeaniga muvaffaqiyatli qo‘ndi.
1991-yil — Hindiston iqtisodiy rejalashtirishdan chiqqanligini e'lon qildi.

🌺TAVALLUDLAR:🌺

🎈 1775-yil — Fransua Egen Vidok — fransuz jinoiy politsiyasi tashkil etilishicha sabab bo‘lgan jinoyatchi.
🎈 1827-yil — Fransisko Solano Lopes — sobiq Paragvay prezidenti.
🎈 1857-yil — Xenrik Pontoppidan — daniyalik yozuvchi, “Nobel” mukofoti sovrindori.
🎈 1897-yil — Ameliya Erxart — amerikalik yozuvchi va uchuvchi, Atlantika okeani ustidan uchib o‘tgan birinchi ayol uchuvchi.
🎈 1905-yil — Vasiliy Pronin — sobiq ittifoqning “Hayotga yo‘l” nomli birinchi ovozli filmini kinooperator sifatida suratga olgan kinorejissyor va operator.
🎈 1960-yil — Vyacheslav Bikov — rossiyalik xokkeychi, 5 karra jahon, 2 karra Olimpiya chempioni, Rossiyada xizmat ko‘rsatgan murabbiy.
🎈 1963-yil — Karl Meloun — amerikalik basketbolchi, 2 karra Olimpiya chempioni.
🎈 1971-yil — Dino Bajo — italiyalik futbolchi, Jahon kubogining kumush medali sohibi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 11:23
Muvaffaqiyat qozonish nimani anglatadi?

Bir qaraganda muvaffaqiyat qozonish oddiy hodisaga o‘xshab ko‘rinadi. Shunchaki shuuringdagi «g‘olib bo‘lish tugmasi»ni bosasan va dovyuraklik bilan olg‘a boraversan. Albatta, g‘olib bo‘lish doimo huzurbaxsh. Biroq g‘oliblik bu — maqsadning mohiyati emas. Maqsadning mohiyati — bu g‘olib bo‘lish uchun ichimizda uyg‘ongan istak, orqaga chekinmaslik ruhidir.

Har kim muvaffaqiyat omilini o‘zicha tasavvur qiladi. Kim uchundir bu — odamlarning ko‘ngliga yo‘l topish bo‘lsa, boshqalar uchun erta uyg‘onish, qattiq mehnat qilishdir.

Muvaffaqiyatli insonlar muvaffaqiyatining muhim omili sifatida hayotida muhim o‘rin egallagan insonlarni aytadi. XX asrning atoqli siyosatdonlaridan biri Harold Makmillanning fikricha, hech bir erkak ayolning e’tiborisiz muvaffaqiyat qozona olmaydi. Bu ona yoki turmush o‘rtog‘i ham bo‘lishi mumkin. Agar erkak ularning ikkasidan ham mehr-e’tibor olib tursa, demak, Xudo uni ikki marta omadli qilib yaratgan ekan.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 09:53
Olimlar smartfonni barmoqlar orqali quvvatlash imkonini beradigan qurilma ixtiro qilishdi

Kaliforniya universiteti olimlari texnikani barmoq uchlari yordamida quvvatlash imkonini beradigan qurilma prototipini yaratishdi.

Qurilma tashqi ko‘rinishidan plastirga o‘xshaydi. Ushbu qurilma ishlashi uchun harakatlanish shartmas, u barmoq uchlarida o‘z-o‘zidan paydo bo‘ladigan terni elektrga aylantira oladi.

Tadqiqotchilarning so‘zlariga ko‘ra, barmoq uchlarida organizmdagi eng yuqori konsentratsiyadagi ter bezlari joylashgan bo‘lib, har bir barmoqda tananing boshqa qismlariga nisbatan 100 baravardan 1000 baravargacha ko‘proq ter ajralib chiqadi.

Elektr o‘tkazgichlar terni shimib oladi, elektrodlardagi fermentlar elektr ishlab chiqarish uchun kimyoviy reaksiya hosil qiladi. So‘ngra energiya kichik kondensatorga yig‘iladi va qurilmani quvvatlash uchun ishlatiladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 09:04
Caviar kompaniyasi qahva hidiga ega iPhone 13 Eco’ni namoyish etdi

Caviar zargarlik kompaniyasi asosiy o‘ziga xosligi maydalangan qahva, tabiiy vanil, atirgul barglari, Alp tog‘i moychechagi va bo‘tako‘zi bo‘lgan iPhone 13 Eco’ni namoyish etdi.

Smartfon korpusi qizil yog‘ochdan ishlanadi, tabiiy materiallar esa tarkibida biotsid, plastikator va erituvchilar bo‘lmagan moddalar yordamida birlashtiriladi.

Yangi kolleksiyada jami to‘rtta model taqdim etilgan:

* Vanilla Coffee — maydalangan qahva va vanil zarralari bilan;
* Alpine Cornflower — Alp tog‘ida o‘sadigan bo‘tako‘z;
* Spicy Rose — quritilgan atirgul barglari;
* Alpine Chamomile — markazida moychechak joylashgan rangli kompozitsiya.

Caviar mutaxassislarining ma’lum qilishicha, mahsulotlarda foydalanilgan tabiiy iforlar uch oygacha saqlanib turadi. Belgilangan muddat tugagach esa smartfon egasi ushbu hidni qayta tiklash bo‘yicha buyurtmani amalga oshirishi mumkin.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 08:12
🏦 Barchasi biznes haqida 🏦

🌇 Hisoblash mashinasi, havo shari, dirijabl, parashyut, suvosti kemasi, tez yordam xizmati, fotosurat va kino Fransiyada amalga oshirilgan ixtirolar sirasiga kiradi.
🥂 Dunyoda sotiladigan barcha shampan Fransiyaning Shampan viloyatida ishlab chiqariladi.
👱🏻‍♂️ Har yili 80 milliondan ziyod sayyoh boradigan Fransiya Yer yuzidagi eng ko‘p tashrif buyuriladigan mamlakat hisoblanadi.
🍱 Mamlakatda 2016-yilda supermarketlarga sotilmagan ovqatlarni tashlash taqiqlangan. Shu bois hozirda supermarketlar sotilmagan ovqatlarni xayriya tashkilotlariga topshirishi shart.
💄 Dunyoning parfyumeriya poytaxti Fransiyaning Grass shahrida joylashgan.
🧀 Fransiya yiliga hajmi qariyb 1 milliard tonna bo‘lgan 1200 xil pishloq turlarini ishlab chiqaradi.
🥖 Birgina Parijda har kuni 500 ming baget nonlari sotiladi.
💰 2018-yilda mamlakatning vino eksportidan olgan daromadi 18 milliard dollarni tashkil etgan.
💵 Fransiya dunyodagi eng qimmat qo‘ziqorinlar — tryufellari bilan ham mashhur bo‘lib, ular dunyodagi aniq belgilangan narxiga ega bo‘lmagan yagona tovar hisoblanadi. Bir kilogramm tozalanmagan tryufel o‘rtacha 600 yevroga baholanadi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 07:52
O‘z biznesini yo‘lga qo‘yishga muvaffaq bo‘lgan tadbirkor Guchchio Guchchi

Guchchio Guchchi 1881-yilda Florensiyada italiyalik oddiy hunarmand oilasida dunyoga keladi. Bo‘lajak tadbirkor 23 yoshga toʻlganida oʻz biznesini boshlashga qaror qiladi, 1904-yilda esa Florensiyada ot jabduqlarini ishlab chiqarishga ixtisoslashgan ustaxonani ochib, uni “Guchchi uyi” deb nomlaydi.

Biroq yosh va tajribasiz bo‘lgani bois koʻp oʻtmay, qarzlari koʻpayib ketadi va doʻkonni yopishga majbur boʻladi. Shundan so‘ng oʻz vatani Italiyani tark etib, Londonga koʻchib oʻtadi.

U yerda esa toʻliq tabiiy va yuqori sifatli materiallardan tayyorlangan ot sporti jihozlarini ishlab chiqaradi va tezda mashhurlikka erishadi.

1933-yilda moda uyining noyob korporativ logotipi — “Gucci” ixtiro qilinadi, 1937-yilga kelib havaskor oilaviy doʻkon-ustaxona kichik fabrikaga aylanadi, 1953-yilda AQSHda “Gucci” rasmiy doʻkoni ochiladi. Shunday qilib, yosh italiyalik kompaniya butun dunyoga taniladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 23 Jul, 07:11
Assalomu alaykum!
Bugun 23-iyul, Juma.
Grigoriy taqvimi boʻyicha yilning 204-kuni.
Yil yakuniga 161 kun qoldi.

🎊 BAYRAMLAR:🎊

🌏 Butunjahon kitlar hamda delfinlar kuni
🌏 Abxaziyada bayroq kuni
🌏 Misrda 1952-yil iyul oyidagi inqilob kuni
🌏 Janubiy Osetiyada OAV xodimlari kuni
🌏 Indoneziyada bolalarni himoya qilish kuni
🌏 Boliviyada do‘stlik kuni
🌏 Yaponiyada maktub kuni
🌏 Singapurda muhandislar kuni

💠 VOQEALAR:💠

🔰 1687-yil — Parijda birinchi rus elchixonasi ochildi.
🔰 1840-yil — Buyuk Britaniya Kanadaga o‘zini-o‘zi boshqarish maqomi berilishini e’lon qildi.
🔰 1864-yil — Novorossiysk universiteti tashkil etildi.
🔰 1867-yil — Rossiyada Turkiston umumiy hukumati tashkil etildi.
🔰 1901-yil — nemis shifokori Robert Kox kalamushlar qora o‘lat tashuvchisi degan nazariyani ilgari surdi.
🔰 1903-yil — “Ford Motor Company” tashkil topganidan bir oy o‘tgach, o‘zining birinchi “Model A” avtomobilini chiqardi.
🔰 1906-yil — osetin tilidagi ilk “Temir gazeta” nomli nashrning birinchi soni chiqdi.
🔰 1975-yil — Kanada Atlantika portlarini sobiq ittifoqning baliqchi-kemalari uchun yopdi.
🔰 1992-yil — Abxaziya Oliy Kengashi Gruziyadan mustaqilligini e’lon qildi.
🔰 2000-yil — Quyosh tizimidagi eng yirik sayyora — Yupiterning yangi tabiiy sun’iy yo‘ldoshi topildi.

🌺TAVALLUDLAR:🌺

🎈 1649-yil — Klement XI — 243-Rim Papasi.
🎈 1884-yil — Albert Uorner — “Warner Brothers” kinokompaniyasining asoschilaridan biri.
🎈 1884-yil — Emil Yannings — nemis aktyori, “Oskar”ning eng yaxshi aktyor nominatsiyasidagi birinchi g‘olibi.
🎈 1899-yil — Pavel Lukomskiy — terapevt, kardiolog, SSSR Tibbiyot fanlari akademiyasi akademigi, kardiologiya maktabi asoschilaridan biri.
🎈 1906-yil — Vladimir Prelog — shveytsariyalik organik kimyogar, “Nobel” mukofoti sovrindori.
🎈 1941-yil — Flora Kerimova — qo‘shiqchi, Ozarbayjon xalq artisti.
🎈 1956-yil — Tengiz Sulakvelidze — sobiq ittifoq futbolchisi, Yevropa chempionatining kumush medal sohibi.
🎈 1961-yil — Luis Fernando Montoya — kolumbiyalik futbol bo‘yicha murabbiy, Janubiy Amerikaning 2004-yilgi eng yaxshi murabbiyi.
🎈 1967-yil — Filipp Seymur Xoffman — amerikalik aktyor, kino va teatr rejissyori, “Oskar”, “Oltin globus” va boshqa mukofotlar sovrindori.
🎈 1989-yil — Deniel Redlikliff — britaniyalik kino va teatr aktyori, Garri Potter roli ijrochisi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 22 Jul, 19:41
Oddiy bo‘lishdan qo‘rqmaydigan milliarderdan omad siri

“ZARA” liboslar savdo belgisini shu darajaga yetkazib, mashhur va o‘ziga xos brendga aylantira olgan Amansio Ortega biznesga qadam qo‘ymoqchi bo‘lganlarga shunday deydi:

“O‘sish – tirik qolish mexanizmidir. Shu bois har doim yuqoriga qarab harakat qilish lozim. Yosh, tashqi va ichki omillar, yuzaga kelgan va yuzaga kelishi mumkin bo‘lgan barcha muammolarni nazardan qochirmay, kuchingiz yetgunicha harakat qiling. Kichik to‘siqlar qarshisida yengilmang, ana shunda o‘zingiz istagan natijaga ega bo‘lasiz”.

Umri davomida Amansio Ortega juda ko‘p faoliyat turi bilan shug‘ullanib ko‘rgan: pol yuvgan, arzon mollar bilan savdo qilgan, mijozlarga mahsulot sotgan. Bularning barchasi mayda ish bo‘lishi mumkin, biroq har biri unga yuqoriga ko‘tarilish uchun zina vazifasini o‘tab bergan. U hech qachon pul uchun harakat qilmagan, shu bois ham atrofdagilar va begona odamlarning gap-so‘zlaridan tashvishga tushmaydi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 22 Jul, 16:27
Xitoyda voyaga yetmagan bolalarning internetda turli videolar bilan chiqish qilishi taqiqlandi

Xitoy hukumati tomonidan 16 yoshgacha bo‘lgan bolalarning strimlarda chiqishi, yulduzga aylanishi, ularni internet orqali daromad olishga undash taqiqlandi.

«16 yoshdan kichik voyaga yetmaganlarning to‘g‘ridan to‘g‘ri efirlarda chiqishi, voyaga yetmaganlarni pul ishlashga undan hamda boylik va pulga tobe bo‘lishni namoyish qilish, azoblanish va xunuk qiliqlar orqali pul topish taqiqlanadi», — deyiladi unda.

Hukumat bolalar internetidagi «voyaga yetmaganlarning jismoniy va ruhiy salomatligiga xavf soladigan» yetti muammoni sanab o‘tgan va yirik internet-platformalarga bu muammolarni hal qilishga buyruq bergan.


Kanalga ulaning:
t.me/ykfoundation
To‘liq o‘qish
YKJ_YoshTadbirkor 22 Jul, 15:40
Samolyot narxidagi oyoq kiyim: Dunyodagi eng qimmat krossovkani bilasizmi?

Kundalik turmushimiz va obrazimizni krossovkalarsiz tasavvur qila olmaymiz. Garderobda muhim o‘rni bo‘lgan sport uslubidagi oyoq kiyimlar bugunga kelib nafaqat ishlangan matosi, balki narx jihatidan ham farq qiladi.

Ba’zi krossovkalarning boshqalaridan qimmat bo‘lishi taqdim qilingan poyabzaldan nechta nusxada ishlab chiqarilgani, uning o‘ziga xosligi (ishlatilgan matosi va dizaynerlik ishi)ga bog‘liq bo‘lishi mumkin. Ishlab chiqaruvchilar hamisha harakatda — yangi trendlar va kollaboratsiyalar taqdim qilishdan charchamaydi.

Air Jordan bilan hamkorlikda ishlangan Solid Gold OVO krossovkalari

Sof oltindan ishlangan va og‘irligi 40 kiloni tashkil qiladigan mazkur krossovka 2 million dollar turadi. Taniqli rassom Metyu Senna tomonidan dizayni ishlab chiqilgan poyabzal ayni vaqtda reperning shaxsiy kolleksiyasidan o‘rin olgan.


Kanalga ulaning:
t.me/ykfoundation
To‘liq o‘qish
YKJ_YoshTadbirkor 22 Jul, 12:34
O‘z biznesini yo‘lga qo‘yishga muvaffaq bo‘lgan tadbirkor Soitiro Honda

Soitiro Honda 1906-yil qishloqda yashovchi temirchi oilasida dunyoga keladi. 15 yoshida ota-onasining uyidan chiqib, Tokioda avtomashinalarni tuzatuvchi usta bo‘lib ishlay boshlaydi.

1928-yilda avtomobillar g‘ildiragining yog‘och simlarini metallga almashtirish g‘oyasi uchun 150 ta patent oladi. Xuddi shu yili tug‘ilgan shahri Xamamatsuga qaytib, Tokioda unga ish bergan ustaxonaning filialini tashkil etadi.

Shu paytdan boshlab uning biznesdagi yuksalishi boshlanadi. 1948-yilda dunyodagi yetakchi mototsikl ishlab chiqaruvchi “Honda Motor Corporation” prezidenti sifatida mototsikl va dvigatellar ishlab chiqarishni yo‘lga qo‘yadi. 1973-yilda esa 1970-yilgi neft inqirozi tufayli dunyoda katta mashhurlikka erishgan “Honda Civic” avtomobili paydo bo‘ladi.

Soitiro Honda 1991-yilda buyrak kasalligidan vafot etadi. Hozirda u tomonidan asos solingan korporatsiya yiliga millionlab daromad oladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 22 Jul, 07:52
Assalomu alaykum!
Bugun 22-iyul, Payshanba.
Grigoriy taqvimi boʻyicha yilning 203-kuni.
Yil yakuniga 162 kun qoldi.

🎊 BAYRAMLAR:🎊

🌏 Xalqaro boks kuni
🌏 Butunjahon miya kuni
🌏 AQSHda mango mevasi kuni
🌏 Polshada uyg‘onish kuni
🌏 Ozarbayjonda milliy matbuot kuni
🌏 Gambiyada inqilob kuni
🌏 Esvatinida qirolning tug‘ilgan kuni
🌏 Indoneziyada prokurorlar kuni
🌏 Markaziy Afrika Respublikasida daraxt ekish kuni

💠 VOQEALAR:💠

🔰 1246-yil — italiyalik sayyoh Jovanni da Plano Karpini yevropaliklardan birinchisi bo‘lib, Mo‘g‘ul imperiyasining poytaxti Qoraqurumga yetib keldi.
🔰 1790-yil — Fransiyada cherkov mulki milliylashtirildi.
🔰 1793-yil — Shotlandiyalik tadqiqotchi Aleksandr Makkenzi Kanadani sharqdan Tinch okeaniga qadar kesib o‘tgan birinchi yevropalik bo‘ldi.
🔰 1863-yil — Sankt-Peterburgdagi Nevskiy prospektida o‘sha paytda otlar bilan harakatlangan tramvayning birinchi sinovi bo‘lib o‘tdi.
🔰 1894-yil — Fransiyada birinchi avtomobillar musobaqasi bo‘lib o‘tdi.
🔰 1927-yil — Italiyada “Roma” futbol klubiga asos solindi.
🔰 1944-yil — Xalqaro valyuta fondi tashkil etildi.
🔰 1959-yil — An-10 samolyotining birinchi parvozi bo‘lib o‘tdi.
🔰 1971-yil — Torontodagi maktablarda o‘quvchilarni qamchilash taqiqlandi.
🔰 1989-yil — tojik tili Tojikistonning davlat tili deb e’lon qilindi.

🌺TAVALLUDLAR:🌺

🎈 1711-yil — Georg Vilgelm Rixmann — rus fizigi, Rossiyada elektr energiyasining birinchi tadqiqotchisi.
🎈 1882-yil — Edvard Xopper — amerikalik rassom, yigirmanchi asrning eng buyuk urbanistlaridan biri.
🎈 1887-yil — Gustav Gertz — kvant energiyasini o‘lchagan nemis fizigi, “Nobel” mukofoti sovrindori.
🎈 1888-yil — Zelman Abraxam Vaksman — amerikalik mikrobiolog va biokimyogar, silga qarshi antibiotik yaratuvchisi, fiziologiya yoki tibbiyot bo‘yicha “Nobel” mukofoti sovrindori.
🎈 1890-yil — Vera Varsanofiyeva — sobiq ittifoq geologi va geomorfologi, birinchi geologiya va mineralogiya fanlari doktori bo‘lgan ayol.
🎈 1890-yil — Roza Kennedi — amerikalik xayriyachi, AQShning 35-prezidenti Jon Kennedining onasi.
🎈 1916-yil — Marsel Serdan — fransuz bokschisi, Yevropa va jahon chempioni.
🎈 1934-yil — Luiza Fletcher — amerikalik kino aktrisa, “Oskar” va “Oltin globus” mukofotlari sovrindori.
🎈 1942-yil — Toyoxiro Akiyama — yapon jurnalist, Yaponiyaning birinchi kosmonavti.
🎈 1982-yil — Anna Chicherova — rossiyalik balandlikka sakrash bo‘yicha sportchi — Olimpiya, jahon va Yevropa chempioni.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 21 Jul, 12:21
iPhone 13 savdolari boshlanadigan sana e’lon qilindi

@LeaksApplePro niki ostidagi taniqli insayder iPhone 13 smartfonlar seriyasiga oldindan buyurtmalar qachondan qabul qilinishi va savdolar qaysi sanadan boshlanishini e’lon qildi.

Manbaning so‘zlariga ko‘ra, Apple’ning sentabr oyidagi tadbiri hozirda 37-haftaga rejalashtirilgan. Odatda Apple taqdimotlarini seshanba kunlari o‘tkazadi va bu safar ushbu kun 14-sentabrga to‘g‘ri keladi. Oldindan buyurtmalar 17-sentabrdan, savdolar esa 24-sentabrdan boshlanishi kerak.

iPhone 13 lineykasidagi eng ko‘zga ko‘rinarli o‘zgarish — qosh qismining kichraygani bo‘ladi. iPhone X taqdim etilganidan to‘rt yil o‘tib, Apple kompaniyasi frontal kamera komponentlarini kichraytirishga muvaffaq bo‘ldi.

Asosiy kamerada uchta datchik joylashadi, ammo modulning o‘zi kattarishi mumkin. Asosiy kamera uchta 12 megapikselli tasvir datchigi va lazerli dalnomerni o‘z ichiga oladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 21 Jul, 10:25
O‘z biznesini yo‘lga qo‘yishga muvaffaq bo‘lgan tadbirkor Sun Xuaytsin

Sun — Xitoyning eng yirik “Guangdong Marubi Biotechnology” kosmetika firmasining asoschisi hisoblanadi. Firma, asosan, ayollar orasida mashhur bo‘lgan “Marubi” brendi ostida ko‘z osti kremlari hamda “Haruki” brendi ostida terini parvarish qilish mahsulotlarini ishlab chiqaradi.

Ayni paytda boyligi 3,1 milliardni tashkil etuvchi tadbirkor dastlab elektr mashinasozlik zavodida ishlab chiqarish bo‘yicha menejer bo‘lib, 1990-yillarning o‘rtalarida esa kosmetika kompaniyasida ishlaydi. 2002-yilda esa o‘z kompaniyasi — “Marubi”ga asos soladi.

2019-yil iyun oyida “Marubi” Shanxay fond birjasiga o‘z aksiyalarini joylashtiradi. Hozirda LVMH (Louis Vuitton Moet Hennessy) kompaniyaning taxminan 9 foiziga, Sun va uning rafiqasi esa 80 foizdan ortig‘iga ega qiladi.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 21 Jul, 08:14
Assalomu alaykum!
Bugun 21-iyul, Chorshanba.
Grigoriy taqvimi boʻyicha yilning 202-kuni.
Yil yakuniga 163 kun qoldi.

🎊 BAYRAMLAR:🎊

🌏 AQSHda hot-doglar kuni
🌏 Singapurda irqiy kelishuv kuni
🌏 Guam orollarida ozodlik kuni
🌏 Belgiyada milliy kun

💠 VOQEALAR:💠

🔰 1542-yil — Rim Papasi Pavel III protestantizmga qarshi kurashish uchun Rim inkvizitsiyasiga asos solgan.
🔰 1822-yil — Birinchi Meksika imperiyasi tashkil topdi.
🔰 1831-yil — Leopold I toj kiyib, Belgiyaning birinchi qiroliga aylandi.
🔰 1906-yil — P. A. Stolipin Rossiya hukumatining rahbari etib tayinlandi.
🔰 1957-yil — Riga shahrida Daugava orqali o‘tadigan Tosh ko‘prik ochildi.
🔰 1973-yil — “Mars-4” kosmik parvozni amalga oshirdi.
🔰 1975-yil — “Soyuz-Apollon” tajribasi yakunlandi.
🔰 1983-yil — “Vostok” nomli Antarktika stantsiyasida butun kuzatuv tarixidagi sayyoradagi eng past harorat — -89,2 daraja qayd etildi.
🔰 1999-yil — Ingushetiyada erkaklarga to‘rtta ayolga uylanishga ruxsat berildi.
🔰 2007-yil — Garri Potter haqidagi “Garri Potter va ajal tuhfalari” nomli yettinchi kitob ingliz tilida nashr etildi.

🌺TAVALLUDLAR:🌺

🎈 Miloddan avvalgi 356-yil — Buyuk Iskandar — Makedoniya qiroli, qo‘mondon.
🎈 1414-yil — Sikst IV — 212-Rim Papasi.
🎈 1620-yil — Jan Pikar — fransuz ruhoniysi va Yerning o‘lchamini birinchi marta aniqlagan astronom.
🎈 1816-yil — Pol Julius Reyter — jurnalist, tadbirkor, Britaniyaning “Reuters” axborot agentligi asoschisi.
🎈 1821-yil — Vasile Aleksandri — Moldova va Ruminiya shoiri, dramaturg, siyosatchi va diplomat.
🎈 1899-yil — Ernest Xeminguey — amerikalik yozuvchi, jurnalist, “Nobel” mukofoti sovrindori.
🎈 1923-yil — Rudolf Markus — kanada-amerikalik kimyogar, “Nobel” mukofoti sovrindori.
🎈 1969-yil — Izabel Vert — germaniyalik ot sportichisi, 6 karra Olimpiya chempioni.
🎈 1976-yil — Tatyana Lebedeva — rossiyalik sportchi, Olimpiya, ko‘p marotaba jahon va Yevropa chempioni.
🎈 2002-yil — Rika Kixira — yaponiyalik yakka figurali uchuvchi, to‘rt qit’aning ikki karra chempioni.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 20 Jul, 15:48
“Toyota” Olimpiada vaqtida telereklamadan voz kechdi

23 iyuldan 8 avgustga qadar bo‘lib o‘tadigan Tokio Olimpiadasining bosh homiysi “Toyota Motor” kompaniyasi Olimpiada mavzusidagi telereklamani namoyish qilmaydi. Bu haqda kompaniya rahbarlaridan biri xabar berdi.

“Olimpiada jamiyatda u haqida umumiy fikr bo‘lmagan hodisaga aylandi”, deb aytgan kompaniya vakili bosh direktor Akio Toyoda Olimpiada ochilishi marosimida ishtirok etmasligini qo‘shimcha qilgan holda.

Kompaniyaning bunday qarorga kelishiga Yaponiya aholisi o‘rtasida Olimpiadani o‘tkazish yoki o‘tkazmaslik borasida yakdillik yo‘qligi sabab bo‘lgan. Yaponlarning uchdan ikki qismi Yaponiya pandemiya ortida Olimpiadani xavfsiz o‘tkaza olishiga ishonmayapti.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 20 Jul, 14:07
💸 Boy bo‘lishga yordam beradigan maslahatlar 💸

1. Harakat qiling.
Muvaffaqiyatingizni ertaga, keyingi oyga yoki keyingi yilga qoldirmang. Bugun boshlash kerak. Ertaga kech bo‘lib qolishi ham bor.

2. Ishoning. Boy odam o‘ziga va imkoniyatlariga ishonadi. Kambag‘al taqdirni, hukumatni, begonalarni va sharoitlarni ayblaydi. Boy odam hayotim o‘zimga bog‘liq, deb o‘ylaydi. Kambag‘al esa oqim bo‘ylab suzadi.

3. Muloqot qiling. Pul boshqa odamlar orqali keladi. Shuning uchun atrofdagilar bilan yuqori darajada samarali muloqot qilishni o‘rganish juda ham muhim.

4. Ushlab oling. Vaziyat va imkoniyatni qo‘ldan boy bermang. U boshqa takrorlanmasligi mumkin. Ushlab oling. So‘ppayib qolmang.

5. Amalga oshiring. Sinab ko‘rmang, amalga oshiring. Agar faqat harakat qiladigan bo‘lsangiz, omadsizligingizga ishonib qolasiz va u miyangizga dastur sifatida o‘rnashib oladi. Yo hammasini birdaniga me’yorida bajaring yoki umuman qo‘l urmang.

Kanalga ulaning:
t.me/ykfoundation
To‘liq o‘qish
YKJ_YoshTadbirkor 20 Jul, 12:33
Buyuk Britaniyada BMW’ning radiodagi reklamasi dvigatelning ovozi sabab taqiqqa uchradi

Ma’lum qilinishicha, tinglovchilardan biri mahalliy Reklama standartlari boshqarmasiga (ASA) dvigatel katta aylanishlar vaqtida juda qattiq ovoz chiqarishidan shikoyat qilgan. Amaldorlar shikoyat muallifining fikriga qo‘shilib, bahsli reklamani efirdan olib tashlash bo‘yicha qaror qabul qilgan.

Qoidalarga ko‘ra, avtomobil reklamasi xavfli boshqaruvni va yo‘llarda mas’uliyatsiz harakatlanishni targ‘ib qilmasligi lozim. BMW ushbu qarorga bo‘ysungan va reklamani efirdan olgan.

Ta’kidlanishicha, taqiqqa bir qarashda hech qanday nuqsoni bo‘lmagan reklama roligi tushgan. Audioyo‘lak motorning bazo‘r eshitiladigan ovozidan boshlanadi, shundan so‘ng kadr ortidagi ovoz “U harakatlanish vaqtida qanday ekanini ta’riflashda balandparvoz so‘zlardan foydalanishimiz mumkin edi. Ammo siz rostdan ham eshitishni istagan narsa, bu…”, — jumla davomida dvigatelning ortib borayotgan tovushi eshitiladi.

Kanalga ulaning:
t.me/ykfoundation
To‘liq o‘qish