Yevropa sarguzashtlari

Bu xuddi endigina adabiy o'zbek tilini o'rgangan odamga:

- Davay, san bilan xorazmcha gaplashaman endi, - degandek gap😆

#Austria

Bugun ijara pulini olishga kelgan uy egasi avval odatdagidek inglizcha gaplashib turib, birozdan keyin miyasiga tepib qoldi:

- Warte mal, nega inglizcha gaplashyapmiz o'zi. Nemischa bilasan-ku endi, bir chetga otvor endi inglizchani, "ви виль ток онли виинериш фром нау он" (endi faqat Vena dialektida gaplashamiz), - deydi nemischa aksent bilan.

- Qanaqa Wienerisch?! O'zi Hochdeutschni (adabiy nemis tili) zo'rg'a eplab gapirsam ham katta gap😄

- Na, naa, qo'lingdan keladi. Men inglizcha tushunmayman bugundan boshlab.

#kids

Monstrchaning mehribon davri boshlandi, shekilli. O'zicha gohida meni erkalatib qoladi:

- You my sweet little pie! (o'zimni mittigina shirin bo'g'irsoqcham) - deydi yuzimdan chimchilab.

- My cutie, sweetie little kitty (Shiringina, asalgina mushukcham)! - deydi.

Ayni bog'chaga kech qolib, kiyinish kerak payti:

- Kel, achomlashib yotamiz.

- Kech qolyapmiz o'zi, achom qilamiz, keyin kiyinasan.

- Nooo, 5 daqiqagina? Shuncha achomlashib yotamiz, keyin kiyinamiz.

Besh daqiqa tugaganda:

- Tugadimi? Unda yana 2 minut? Hihihi.

Nahotki, monstrlik davri tugayotgan bo'lsa?🫠

#life

Yaxshiyam hali qora va oq tuynuklar, asteroid va kometalar farqi, yulduz turlari, germination, fertilization haqida gapirib bermabdi. Bechora bolani nima qilyapti bular, deb bizni jinniga chiqarishsa kerak edi boʻlmasa😆 Umuman dars qilishga majburlamaymiz, oʻzi qiziqqan narsasini oʻrgatamiz va kuniga 1 soatcha oʻzi qiziqqan videolarini koʻradi faqat.

#Austria

Monstrcha 4 yosh 3 oylik.

Bugun bogʻchada monstrchaning pedagogi bilan suhbatga bordim. Har doimgidek bola rivojlanishi haqida mulohazalarini bildirdi.

- Tortinchoq, juda taʼsirchanligini aytmasa, yoshiga nisbatan rivojlanishi ancha oldinda.
✅Sanashni oʻrgatmoqchi boʻlsam, u qoʻshib-ayirishlarni ham eplarkan.
✅Kechagi kun ismini yozayotganini koʻrib qoldim.
✅Mantiqiy, geometrik mashqlarni juda tez bajaradi.
✅Bloklardan turli narsalar yasaydi, haqiqiy narsaga oʻxshatib yasaydi, undan kattaroq bolachalar ham unga qarab, oʻrganishadi. Qurishga juda usta.
✅Nutqi zoʻr. Yaqinda nutqni rivojlantirish mutaxassisimiz bilan inglizcha ham gaplashgan ekan, muzeyga borganlarini aytib beribdi. Ikkita tilda erkin gapirishiga qoyil qolib, 1 hafta gapirib yurdi😄 (U 3 ta tilda erkin gapiradi, faqat sizlar oʻzbekcha bilmaysizlar-da)
❗️Faqat juda taʼsirchan. Biror ishi oʻxshamasa, xato qilsa birdan koʻzlari yoshga toʻlib, lablari chuchchayadi. Boshqa bolalar bilan mushtlashib oʻynaganda, urushmay oʻynanglar desam ham yigʻlab yuboray deydi. Bizdan qoʻrqmasin, uyda gaplashinglar.

- Biz uni xato qilgani uchun urushmaymiz-da, shunga koʻngli nozik😃Keyingi safar yaxshiroq harakat qil, hamma xato qiladi, deymiz uyda.

- Ha, tushunarli. Keyin hayvonlar haqida, ularni turlarini juda koʻp bilarkan. Uyda nimadir oʻqiysizlarmi?

- U multfilm oʻrniga ensiklopedik videolarni koʻradi-da, biz majburlamaymiz. Kasalliklar, viruslar, xavfli hayvonlar, nima qanday paydo boʻlishlariga qiziqadi shunaqa.

- Unda yaxshi. Majburan oʻqitib, koʻp narsani oʻrganib qoʻysa, maktabda zerikib qoladi bola. Shunga aytdim. Oʻzi qiziqsa, oʻrgataveringlar. Balki shifokor boʻlar.

Faqat oʻzimmas, bolam ham megamozg ekan, xullas😆Maqtovlardan bir qop semirib keldim.

#life

Yil qanday boshlandi sizlarda? Menda German C1 bilan boshlanganiga qaraganda, bu yil barakali bo'ladiganga o'xshaydi😏

Nemis tilidan o'rganganlarimni yanada mustahkamlash uchun kimgadir 0 dan o'rgatishim kerak. Onlayn dars o'tsam, "yuqsin-yuqsin" uchun ham qatnashasizlarmi?😆

#tarjima

Botda iqtisodiy terminlar tarjimasi bo'yicha maslahat so'rashgandi. Boshqalarga ham kerak bo'lib qolsa, deb shu yerga yozyapman.

trickle down theory - tomchilash nazariyasi

rebound effect - sapchish effekti

mutual fund - umumiy fond/umumiy mablag'lar

Terminlarning ma'nosidan kelib chiqib, men shunday tarjima qilgan bo'lardim😌

Ayniqsa tomchilash nazariyasi, tomchilash iqtisodi termini o'zimga yoqdi. Yomg'ir yog'sa, shiferi yo'q tomdan tomchi o'tishini ko'z oldingizga keltiring. Ko'p yog'ib yuborgan yomg'ir sekiiiin, tomga qo'yilgan qamish, loy va bolorlar orasidan siziiiib, chak-chak tomadi.

Trickle down economy ham shunday ishlaydi: davlat yuqori qatlam, boy korporatsiyalarga yanada ko'proq "yomg'ir" beradi. Boylarning bolor, qamishlari orasidan sizib, teshik-peshiklar orqali tomchilab tushgani quyiroqdagilarning nasibasiga aylanadi😏

#languages

Hozirgina nemischa og'zaki imtihondan chiqdim. O'tgan hafta yozmasini topshirgandim... Ikkalasidan ham o'tding, darajang C1 ga tortadi, deyishdi😱

Endi shokda o'tiribman. O'zi zo'rg'a gapiraman, o'zim kimdandir imtihon olsam va u mendek gapirsa, A2 ham qo'ymasdim. WTF is going on?🤦‍♀

Imtihondan o'tganimga shokdan chiqolmay o'tirsam, rossiyalik o'rtog'im:

- Ты мегамозг, Гульсанам!

Отмена миссии.

Hali gaz ulashmaganini endi bilib qoldik. Qo'shnilar ko'chib kirgan deyishganiga hamma narsa ulab bo'lingan, deb o'ylabmiz. Xullas, gaz berilganda qayta e'lon qo'yaman😃

Aytgancha, nihoyatda yaxshi landlordligimizni aytish esimdan chiqibdi. Rosa insofli, topgani barakali odammiz. Uylarimizda turganlarga xislatlarimiz yuqishi ehtimoli bor😆

#mindset

Bo'lajak erim oyiga falon ming dollar topishi kerak, deyishayotganmish qizlar. Yigitlar esa bir paytlar olib bergan lavashini pulini qaytarishni so'rayotganmish. Ikkisi ham O'zbekistonda.

Rosa bir-biriga mos ikki tomon ham. Bittasi erkakni faqat hamyon sifatida ko'radi, boshqasi esa ayolni mol sifatida. Men bilan payting "boqaman", boshqaga ketsang "yemga qilgan xarajatimni qaytar" - "Manga faqat lyuks yem va lyuks og'ilxona olib beroladigani kerak"🤦‍♀

Qanoatli, munisa o'zbek ayoli-yu, tanti, mard o'zbek erkaklari qirilib bitayotganidan darakmi bu? O'g'limni o'ylab siqilishni boshlayveraymikan?