Yazdurdiyev | #МарсликОвчи

Қашқадарё яна бир халқаро тадбирга мезбонлик қилади! Бориш керак🥷🏻

1993 йил 20-декабрда БМТ Бош Ассамблеяси томонидан матбуот эркинлиги юзасидан махсус резолюция эълон қилинаётган вақтда “YUNESKO” томонидан 3-май санаси “Эркин, мустақил ва плюралистик матбуотни ривожлантириш учун Виндхук декларацияси” қабул қилинган кун сифатида эълон қилинди.

Бу кунни бутунжаҳон матбуот ва сўз эркинлиги инсоннинг энг асосий ҳуқуқи эканлигини ҳис этиш учун нишонлайди. Бу кун хизмат фаолияти давомида оммага ахборот ва янгиликларни етказиш учун ҳаётини хавф остига қўйган, таҳдидга учраган ва вафот этган ОАВ вакиллари хотирланади.

Бу гал ҳам қизил ҳарфлардаги маълумотларни келтираман.

Жорий йил бошидан дунё бўйлаб 12 нафар журналистлар хизмат вақтида халок бўлган, 493 нафари ҳибсга олинган. 21 аср 1889 нафар ОАВ ходимларининг иш жараёнида ҳаётдан кўз юмганига гувоҳ бўлди. 24 йиллик бу ҳисоботда юртимиздан 1 нафар хоразмлик журналист Давлатназар Рузметов ҳам жой олган.

2023 йил миллий медиа соҳаси ҳам қора битикларга бой бўлди. ОАВ ва ҳуқуқ органлари ўртасида “Улар ва биз” гули ниш урди. Хусусан, икки нафар Қашқадарёлик блогерлар тушунарсиз ҳолатлар билан 5 суткадан қамалиб, жамоатчилик, ҳаттоки жаҳон матбуоти эътирозига сабаб бўлди.

Орадан вақт ўтди. Қашқадарёда матбуот ва давлат идоралари ўртасидаги муносабатлар яхшиланди. Тан олиш керак, яхшиланиш вилоят раҳбари ҳаракатларидан сўнг юз берди. Шундан сўнг танқидлар ортидан “алё-алё”, цензура ҳиди урф урган ҳаракатлар қайд этилмади.

Аслида ҳам “Улар ва биз” каби икки томон тушунчаси бўлмаслиги лозим. Сабаби, барчамиз бир мақсад йўлидамиз, бир ел фарзандимиз.

Барчага байрам муборак азизларим)

“+/-“ ҳақида 

Яқинда Шаҳрисабз шаҳрида катта халқаро фестиваль бўлиб ўтди. Тадбирга келган хорижлик меҳмонлар, хусусан, Франция, Эрон ва Италиялик туристлар билан суҳбатлашиб, уларнинг биз хақимиздаги фикрларига қизиқдим.

Уларнинг барчаси “ажойиб, қизиқ ва меҳмондўст халқ” деган сўзни такрор айтишди. Улар асосан тарихий манзиллар, ўтмиш техникаси, ҳунармандчилигига эътибор қаратишган.

Улар билан суҳбатни кейинчалик ҳам сақладим. Айримлари, вилоятдан чиқиб кетгач, айрим вилоятлардан ўтувчи йўлларимизни мақташмади. Лекин ўзгача таасуротлар билан кетишганини айтишди.

Мени ўзим эътибор қаратган айрим жиҳатларни ёзмоқчиман. Бу ҳолатлар, биздаги кўплаб ресторанлар, савдо мажмуаларида учраши мумкин. 

“Хушмуомалалик” - танқис хусусият. Сўзини такрор айтган кишига хизматчи ўз ғазабини очиқча кўрсатади. Айрим официантлар арпасини хом ўрган кишига хизмат қилаётгандек кўринади. Табассумдан “Т” ҳам бўлмайди.

Туризмни ривожалнтириш йўлидаги муҳим жиҳатлардан бири ҳам шу. Меҳмон кейинги сафар бошқа шериклари билан келиш келмаслиги бунга ҳам боғлиқ. 

Шу сабаб, катта савдо дўконлари ва овқатланиш шохобчаларидан чиқиб кетишда хизмат сифати ҳамда хизматчининг муомаласига жамоатчилик фикрини баҳоловчи давлатга тегишли нимадир ўрнатилиб, айнан шу сифат назоратга олиниши керак.

Сабаби, туризм салоҳиятини оширишда ҳазилакам ишлар бўлмаяпти.

Сизнинг фикрингиз қандай?