⚜️🔱 🎤СИЗ СОҒИНГАН ТАРОНАЛАР🎤🔱⚜️

Маркс Жуманиёзовнинг "Эсимда қолган онлар" китобидан парча:

Хоразмлик бўлиб, биринчи бор араб тили грамматикасини ва олтмишга яқин асар ёзган Маҳмуд Замаҳшарий араб дунёсида машҳур, аммо халқимиз ундан бехабар эди. Бағдодда унинг номида кўчалар, боғлар, кутубхоналар, майдонлар аллақачондан буён бор, аммо биз ақалли унинг номини ҳам эшитмаган эканмиз. Шўро мафкураси бизни гумроҳликка маҳкум этгани учун шундай бўлиб келган.

Шарқшунос олим Убайдулла Уватов бу буюк ватандошимнзни халққа танитиш учун кўп хизматлар қилди, асарларини арабчадан таржима қилиб, нашр эттирди.

Убайдулла Уватов Замахшарий тўғрисидаги рисоласида шундай ёзади: «Жисмоний ногиронлигига (бедаво иллат туфайли ёшликдан бир оёғи кесилган) қарамасдан, хоразмлик бу ёшулли узининг беназир ақл-заковати, юксак илмий салоҳияти ва фавқулодда улкан даҳоси билан, таъбир жоиз бўлса, бутун дунёни забт этиб қўйган алломалардан бири ҳисобланади.
Замондошлари томонидан аз-Замахшарий хазратларига берилган Устоз уд-дунё (Бутун дунёнинг устози), Устоз ул-араб вал ажам (Араблар ва ғайри араблар устози), Фахри Хаворазм (Хоразмнинг фахри), Каъбаий уд адаб (Адаб аҳли учун бамисоли Каъба), айниқса, Жоруллоҳ (Аллоҳнинг қўшниси) каби ўта шарафли лақаблар дунёнинг биронта ҳам олимига насиб этмаганлиги эса буюк ватандошимизнинг нақадар беқиёс обрў-эътибор, ҳурмат эҳтиромга сазовор бўлган улуғ бир сиймо бўлганини кўрсатади».

Ана шундай улуғ аллома таваллудининг 920 йиллик тўйини муносиб ўтказиш биз учун ҳам бахт, ҳам катта масъулият эди. Замахшарий туғилган қишлоқ илгари Хоразмнинг Ғазовот беклиги таркибида бўлган. Шуни эътиборга олиб, Қўшкўпир туман марказида Замахшарий масжиди қурилди, Замахшарий номидаги боғ ташкил қилинди. Замахшар қишлоғидаги қабристон ободонлаштирилиб, Замахшарий қабри мажмуаси таъмирланди.

⚜️🔱 🎤СИЗ СОҒИНГАН ТАРОНАЛАР🎤🔱⚜️

✅Яқинларга ҳам улашинг.
👇👇👇👇👇👇👇
📡https://t.me/xorazm_jonli_ijrolari

Дўнди. 127

Тингланг сўзлай кўрганларим,
Ҳаёт кенг дастона дўнди.
Баъзи дўст деб юрганларим,
Вақт ўтиб душмана дўнди.

Йигит эдим ёш,навқирон,
Гўё Алпомишдек султон,
Бас келолмасди кўп палвон,
Ҳаммаси ёлғона дўнди.

Синовлар чарчатиб қўйди,
Иғво,туҳмат тирик сўйди,
Гоҳ нохақлик бағрим ўйди,
Гулдек юз самона дўнди.

Орзуларим гўё оқ қор,
Умидларим соф, беғубор,
Оз бўлса ҳам етганим бор,
Кўп орзу армона дўнди.

Соғу - омон бўлсин болам,
Кўп бевафо бу шум олам,
Меҳрибоним отам,онам,
Кузатдим, меҳмона дўнди.

Кўрдим кўплар гуноҳ қилиб,.
Умри ўтди қарғиш олиб,
Охир, динни ниқоб қилиб,
Муллага,эшона дўнди.

Кечир ман бандангни Аллоҳ,
Нолимайман, бўлар гуноҳ ,
Бўйин эгмай сенга ҳам гоҳ ,
Юрганим пушмона дўнди.

Содда эдим ўйинқароқ,
Ўқидим,изландим бироқ,
Азимжон ҳаётдан сабоқ,
Олиб чин инсона дўнди.

⚜️🔱 🎤СИЗ СОҒИНГАН ТАРОНАЛАР🎤🔱⚜️

✅Яқинларга ҳам улашинг.
👇👇👇👇👇👇👇
📡https://t.me/xorazm_jonli_ijrolari