👑Homiladorlik Sirlari🤰

Homiladorlik testini o'tkazish


Homiladorlik testi homiladorlikni aniqlash uchun eng qulay vositadir. Homiladorlik testidan foydalanishdan oldin unga ilova qilingan yo'riqnoma bilan tanishib chiqish zarur.
Hayz siklining qaysi kunida homiladorlik testini o'tkazish mumkin?
Agar hayz sikli muntazam ravishda bir xil bo'lsa, u holda testni hayz kechikkan kunida o'tkazsa bo'ladi. Ya'ni, hayz 22 mart kuni boshlanishi kerak bo'lib kelmasa, shu kun yoki undan 1-2 kun keyin testni o'tkazish mumkin. Bu davrda test natijasi salbiy(hamiladorlik mavjud emas) bo'lib chiqsa, biroz kutish zarur. Hayz kelavermasa, bir necha kundan so'ng testni qayta o'tkazsa bo'ladi. Hayz sikli muntazam bo'lmagan hollarda testni oxirgi hayz kelgan kunidan boshlab 35-40 kun o'tgach amalga oshirgan ma'qul. Javob aniqroq chiqadi.
Test homiladorlikni tez aniqlay olmasligini sababi, aynan shu oyda ovulyasiya kechroq sodir bo'lgan bo'lishi mumkin yoki hayz kutilishi mumkin bo'lgan kun sanasi adashtirilgan bo'lishi mumkin.
Kunning qaysi davrida test o'tkazgan ma'qul?
Homiladorlikni ko'rsatuvchi HCHG gormoni miqdori ertalab ko'paygan bo'ladi. Shuning uchun tezroq va aniqroq natija uchun testni ertalab, uyg'ongandan so'ng ilk siydikdan foydalangan holda amalga oshirish ma'qulroq.
Homiladorlik test aniqlagan javob necha daqiqada namoyon bo'ladi?
Odatda javob 5 daqiqadan 10 daqiqa oralig'ida namoyon bo'lishi kerak. Bu oraliqda hech qanday javob ko'rinmasa, test notog'ri qilingan yoki buzuq hisoblanadi.
Homiladorlik testini buzib qo'yish osonmi?
Homiladorlik testi tayoqchalarini ehtiyotkorlik bilan ushlash lozim. Siydikni tayoqchada ko'rsatilgan joygacha tekkizish kerak. Siydik tegadigan joyni qo'l bilan ushlash mumkin emas. Test tayoqchasidagi siydik tegadigan joy quruq bo'lishi muhim.
Test tayoqchasiga siydikni qanday tekkazish zarur?
Ba'zi test tayoqchalarini toza idishdagi siydikka botirish, ba'zilarini siydik oqimi ostida ushlab turish talab etiladi. Bu haqda testga ilova qilingan foydalanish yo'riqnomasidan bilib olsa bo'ladi. Aynan yo'riqnomada ko'rsatilgan usulni qo'llash shart.
Siydikning farqi yo'qmi?
Siydikni o'rta qismini testga qo'llash yaxshiroq. Ya'ni siydikning oz miqdori chiqariladi, keyin o'rta qismi test uchun qo'llaniladi.
Agar test natijasi salbiy chiqsa?
Test natijasi salbiy chiqishi ikki holatdan dalolat beradi.
1. Test juda erta o'tkazilgan, ya'ni organizmda homiladorlikni ko'rsatuvchi gormon hali kerakli darajagacha ko'tarilishga ulgrumagan. Bu holatda bir necha kundan so'ng testni qayta o'tkazish mumkin.
2. Homiladorlik yuz bermagan. Bu holatda tez kunda hayz keladi.

Homiladorlik sirlari 👉 @xomiladorlik_sirlari

#soragan_edingiz

🤰🏻Tug'ish jarayoniga tayyorgarlik nega kerak?

1. Tug'ish jarayonida ona kamroq stress oladi;
2. To'lg'oq og'riqlari kamroq seziladi;
3. Bola chiqayotganida unga ona o'z xatti-harakati va nafas olishi bilan yordam bera oladi;
4. Tug'ish tufayli yirtilish yuzaga kelmaydi;
5. Tug'ish tufayli gemorroy yuzaga kelmaydi;
6. Tug'ish jarayoni organizm xususiyati tufayli uzoq vaqt davom etsa, ona kuchsizlanib qolmaydi;
7. Tug'ish tufayli kuchli stress olgan onada sut qochib ketmaydi;
8. Tug'ishdan oldin onani vahimaga soladigan qo'rquv bo'lmaydi;
9. Bo'lajak ona tug'ish jarayoniga ma'suliyat bilan yondashadi;
10. Tug'ish jarayonidan ijobiy xotiralar qoladi.

Har bir ayol tug'ish oldidan o'z shifokori bilan quyidagi masalalar bo'yicha maslahatlashishi darkor:

1. Shifoxonaga to'lg'oqlar boshlanganidan so'ng qanchada borish zarur?
2. Tug'ishga borishdan oldin uyda nimalar yeb olish kerak?
3. To'lg'oqlar davomida qancha suyuqlik ichish mumkin?
4. Dardni osonlashtirish uchun qanday massaj yoki mashg'ulot qilsa bo'ladi?
5. Tug'ish jarayoni boshlanganida qanday nafas olish zarur?
6. Tug'ish payti onaning jismoniy holati qanday bo'lsa, bola osonroq chiqadi?
7. Tug'ishni yengillashtirish uchun tug'ish yo'llariga yog' surish mumkinmi?
8. Dard uzoq davom etsa, charchab qolmaslik uchun nima qilish kerak?
9. Qanday dori vositalari tug'ish jarayoniga salbiy ta'sir ko'rsatadi?
10. Darddan oldin suv ketib qolsa, qanday yo'l tutish kerak?

Tug'ish jarayoni haqida qiynalib tuqqan ayollar bilan maslahatlashmang. Ularning tajribasi sizda bo'lmasligi mumkin, lekin ularning qiynalishi sizni keraksiz vahimaga solib qo'yishi aniq.

Homiladorlik sirlari 👉 @xomiladorlik_sirlari